ចិននឹងដាក់ទោសលើមន្ត្រីរដ្ឋការទីបេណាដែលគាំទ្រសម្តេចសង្ឃដាឡៃឡាម៉ា
អាជ្ញាធរចិន នឹងដាក់ទោសជាទម្ងន់ទៅលើមន្ត្រីរដ្ឋការទីបេមួយចំនួនដែលគាំទ្រសម្តេចសង្ឃទីបេដាឡៃឡាម៉ា ដែលជាជ័យលាភីណូបែលសន្តិភាពនិងនិរទេសរស់នៅឯប្រទេសឥណ្ឌា-នេះ ជាការគូសបញ្ជាក់របស់កាសែតផ្លូវការចិនចេញផ្សាយនៅថ្ងៃពុធទី៥វិច្ឆិកានេះ។
ចុះផ្សាយនៅថ្ងៃ៖
ស្តាប់ - ០១:៥៦
លោក Ye Dongsong, អធិការ ផ្នែក ត្រួត ពិនិត្យរបស់គណបក្សកុម្មុយនិស្តចិន បានអះអាង ថា” រក ឃើញវត្តមានក្រុម មន្ត្រីរដ្ឋការទីបេ ដែល ប្រព្រឹត្តអំពើពុករលួយធ្ងន់ធ្ងរនិងក្រុមមន្ត្រីរដ្ឋការទីបេខ្លះទៀតប្រកាន់គោលជំហរនយោបាយមិនបានមធ្យ័ត”។
អ្នកទទួលខុសត្រូវរបស់គណបក្សកុម្មុយនិស្តចិននេះដែលបានចុះទៅបំពេញអធិការកិច្ចនៅទីបេ បានបញ្ជាក់ទៀតថា “ តំបន់ទីបេ មិនបានរួចខ្លួនទេ ពីយុទ្ធនាការដ៏ធំធេងរបស់អាជ្ញាធរចិនក្នុងការកំចាត់អំពើពុករលួយ ដែលកំពុងប្រព្រឹត្តទៅនៅក្នុងប្រទេស”” សំណើនេះ ត្រូវបានចុះផ្សាយដោយកាសែតផ្លូវការចិនជាភាសាអង់គ្លេស Global time ។
មិនតែប៉ុណ្ណោះ ក្នុងពេលធ្វើអធិការកិច្ចនេះ បើតាមអ្នកទទួលខុសត្រូវជាន់ខ្ពស់ម្នាក់” មន្ត្រីរដ្ឋការទីបេណាដែលមានអាកប្បកិរិយា ធ្វើដូចជាសាវ័ករបស់សម្តេចសង្ឃដាឡៃឡាម៉ា ឬមានជំហរគាំទ្រក្រុមអ្នកចង់ផ្តាច់ទឹកដីពីប្រទេសចិន នឹងត្រូវទទួលទោសជាទម្ងន់”។
គួររំលឹក សម្តេចសង្ឃទីបេដាឡៃឡាម៉ាដែលនិរទេសខ្លួនទៅរស់នៅឥណ្ឌាតាំងពីឆ្នាំ១៩៥៩និងជាជ័យលាភីរង្វាន់ណូបែលសន្តិភាព ត្រូវបានប៉េកាំងចោទថា”សម្តេចសង្ឃមិនមែនតស៊ូត្រឹមតែឯករាជ្យផ្នែកវប្បធម៌ប៉ុណ្ណោះទេ តែដើម្បីទាមទារ ឯករាជ្យទីបេ។ ម្យ៉ាងទៀត ចិនតែងតែប្រឆាំងជានិច្ចមិនឲ្យសម្តេចសង្ឃវិលមកទីបេ ឬមិនឲ្យមានការទទួលស្វាគមន៍ ទ្រង់នៅឯបរទេសពីសំណាក់ អ្នកទទួលខុសត្រូវនៃរដ្ឋណាមួយឡើយ។
យោងតាមវិទ្យុអាស៊ីសេរីRadio Free Asia ជនទីបេចំនួនប្រមាណជា១៣០នាក់ បានសម្លាប់ដោយដុតខ្លួនឯង ចាប់តាំងពីឆ្នាំ២០០៩មក ដែលស បញ្ជាក់ពីក្តីអស់សង្ឃឹមរបស់ពួកគេក្រោមការត្រួតត្រារបស់ចិនកុម្មុយនិស្តដែលចង់បំបិទសេរីភាពវប្បធម៌និងធនធានរបស់ទីបេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ