rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

តើ​​គេ​អាច​​​​សង្ឃឹម​​អ្វីខ្លះ​ ពី​​ជំនួប​​កំពូល​​មេដឹកនាំ​​G៧​ នៅ​​កាណាដា?​ ​

ដោយ ព្រំ សឿន សូលីណា

​​ជំនួប​កំពូល​​​​G៧ បើកធ្វើ​ នៅ​​ថ្ងៃសុក្រនេះ ​និងថ្ងៃសៅរ៍​ស្អែក នៅ​កាណាដា។ ​​មុន​ជំនួបកំពូល​ លោក​ដូណាល់ ត្រាំ បានប៉ះសំដីគ្នា​ខ្លាំងៗទៅហើយ​ តាម​បណ្តាញ​ធ្វីតធ័រ ជាមួយ​ប្រធានាធិបតី​បារាំង និង​នាយករដ្ឋមន្ត្រី​កាណាដា។ យោងតាម​មន្ត្រីសេតវិមាន លោក​ត្រាំ នឹង​មិននៅ​រហូត​ចប់ជំនួប​កំពូល​​ទេ ដោយគ្រោង​មិនចូលរួម​កិច្ចពិភាក្សា​ទាក់ទង​បញ្ហា​អាកាសធាតុ។ ​ថ្ងៃសុក្រ​នេះ​ ​បាតុកម្ម​ប្រឆាំង​ជំនួប​ហ្សេ៧ ក៏​គ្រោង​ធ្វើ​នៅ​ទីក្រុង​កេបិក​ដែរ។ ម្សិលមិញ មនុស្ស​៥០០នាក់​បាន​ដង្ហែ​ក្បួន​បាតុកម្ម​ ដោយ​គ្មាន​ការប៉ះទង្គិច​អ្វី​ធុំដុំទេ។ ​

មុនជំនួប​កំពូល​ហ្សេ៧ ​លោកដូណាល់ ត្រាំ សរសេរក្នុង​​​ធ្វីតធ័រ​គំរាម​រហូត​សហភាព​អឺរ៉ុប

​ឃើញថា រដ្ឋបាល​អាមេរិក​សម្រេច​ដំឡើងលើ​​​ដែកថែប និង​អាលុយមីញ៉ូម ដែលនាំចូល​ពី​បរទេស​មក​​ក្នុងស្រុក​អាមេរិក វា​បានបង្ក​ភាពតានតឹង​ធំ​ទៅហើយជាមួយ​ប្រទេសផ្សេងៗ ដូចជា​កាណាដា រឺប្រទេស​​សហភាព​អឺរ៉ុប នៅ​មុនជំនួប​កំពូល​ហ្សេ៧។ តែ​លោកដូណាល់ ត្រាំ នៅ​តែ​មិនខ្លាច​នឹង​ប៉ះ​សំដី​តាម​ធ្វីតធ័រ​ ជាមួយ​ប្រទេស​ទាំងនេះ​ទៀត។

ប្រធានាធិបតី​អាមេរិក​បាន​សរសេរ​វាយប្រហារ​មិនត្រឹម​កាណាដា និង​បារាំងទេ ថែមទាំង​គំរាម​រហូត​ដល់​សហភាព​អឺរ៉ុប​​​ទៀតផង។ ម្សិលមិញ លោក​ត្រាំ ​បាន​សរសេរ​​ថា៖ “សូម​ប្រាប់​​ទៅ​នាយករដ្ឋមន្ត្រី ជូស្ទីន ទ្រូដូ ​និង​ប្រធានាធិបតី ម៉ាក្រុង​ ទៅថា ពួកគេ​បា​ន​ដាក់​​ពន្ធ​គយសម្បើម​ណាស់ លើ​សហរដ្ឋ​អាមេរិក ហើយ​ពួកគេ​បា​នបង្កើត​ជា​របាំង​ពន្ធ​មិនមែន​ជា​រូបិយវត្ថុ”។ លោក​ត្រាំ ថែមទាំង​រំលឹក​ទៅលោក​ទ្រូដូ​ទៀត ពី​ការដែល​កាណាដា​យកពន្ធ​ទឹកដោះគោអាមេរិក ជិត​៣០០ភាគរយ។ ​មិនត្រឹម​ប៉ុណ្ណេះទេ​ ​​លោកត្រាំ​ ​រហូត​គំរាម​សហភាព​អឺរ៉ុប​​អោយ​លើក​ពន្ធ​ពី​ទំនិញ​អាមេរិក។ លោក​សរសេរក្នុង​ន័យ​ថា​៖ ​​“លើកពន្ធ​ចេញ​ទៅ មិនអញ្ចឹង​ទេ ​យើង​នឹងធ្វើ​​​អោយ​​គ្រាន់បើ​​ជាង​ពួកអ្នក”។

លោកត្រាំ​គំរាម​បែបនេះ បង្ហាញថា លោក​នៅតែ​ប្រកាន់​​​​ជំហរ​នយោបាយ​​សេដ្ឋកិច្ច​ ពាណិជ្ជកម្ម​អាត្មានិយម​របស់​អាមេរិក ហើយលោក​ទំនង​ជា​​មិនខ្លាចធ្វើសង្គ្រាម​ពាណិជ្ជកម្ម​ជាមួយ​កាណាដា រឺ​អឺរ៉ុប​ទេ ករណី​ចាំបាច់។ ​ម្សិលមិញ ក្នុងពេល​ជួប​ជាមួយ​លោកអាបេ​ជា​​​នាយករដ្ឋមន្ត្រី​ជប៉ុន លោក​ត្រាំធ្វើអោយ​គេ​គិត​​រួចហើយថា លោក​មិនងាយ​ស្រុះស្រួល​ជាមួយ​មេដឺកនាំ​ប្រទេស​ហ្សេ៦ផ្សេងៗ​ទេ បើប្រទេស​ទាំងនេះ​​មិនព្រម​សម្របតាម​អាមេរិក​មុន។ ​​

គោលការណ៍​សេដ្ឋកិច្ច​​អាត្មានិយម​នេះ​​​ ​​បាន​ធ្វើអោយ​អាមេរិក​​​ឯកា​តែឯង។ អាមេរិក​បាន​ធ្វើខុសពី​គេ ​លើសំណុំរឿង​ផ្សេងៗ​ក្នុង​ឆាកអន្តរជាតិ ដូចជា​បញ្ហា​បរិស្ថាន ការកើន​សីតុណ្ហភាព​​ភពផែនដី សំណុំរឿង​​អ៊ីស្រាអែល-ប៉ាឡេស្ទីន រឺ​ក៏​កិច្ចព្រមព្រៀង​នុយក្លេអ៊ែរ​អ៊ីរ៉ង់​​ជាដើម។ ​​​ កាណាដា​មិនពេញចិត្ត​នឹង​លេស​របស់​អាមេរិក​ដែលថា ​យកពន្ធដែកថែប​និង​អាលុយមីញ៉ូម ​គឺដើម្បី​ការពារ​សន្តិសុខ​អាមេរិក​នោះទេ។ ​​ពិចារណា​មើលទៅ​ ហេតុផល​នេះ​ដូច​ជា​មិនសម​មែន ហើយ​​​គួរ​អស់​សំណើច​ទៀតផង ដែលយើងលឺ​​ថា ​ការនាំចូល​ត្រឹមតែដែកថែប រឺ​អាលុយមីញ៉ូម ​ធ្វើអោយ​​​ប៉ះសន្តិសុខ​ប្រទេស​នាំចូល។ ​​សហភាព​អឺរ៉ុប​បាន​ដាក់បណ្តឹង ប្តឹង​អាមេរិក ​​ទៅ​អង្គការ​ពាណិជ្ជកម្ម​ពិភពលោករួចហើយ។ អឺរ៉ុប​​ក៏​ត្រៀម​ដាក់ពន្ធ​លើ​ផលិតផល​មួយចំនួន​​របស់​អាមេរិក​ដែរ ដូចជា​ស្រាវីស្គី ​ប៊ើរ សណ្តែកដី ​រឺ​ក៏​ម៉ូតូ។

ប្រហែល​អញ្ចឹងហើយ ​ទើប​​មុនជំនួប​កំពូល​ហ្សេ៧ លោក​ដូណាល់ ត្រាំ ក៏​សេរសេរ​គំរាម​សហភាព​អឺរ៉ុប​តែម្តងទៅ។ ប៉ុន្តែ លោកត្រាំ​​សរសេរ​វាយប្រហារ​ស្រេចតែ​ក្បាលចិត្ត គឺ​​លោក​មិនខ្លាច​​​បង្ហាញ​ថា​ សហរដ្ឋ​អាមេរិក​​​​​ខ្លាំងជាងគេ​ក្នុង​ពិភពលោកទេ។ ​​ប្រធានាធិបតី​បារាំង លោក​ម៉ាក្រុង ប្រឆាំង​​ចំពោះ​ការ​ដែ​លប្រទេស​មួយ យក​គោលកាណ៍​ថា អាតូច​មិនឈ្នះ​អាធំ​ មកប្រើ​។ លោក​ម៉ាក្រុង​បង្ហាញ​ជំហរ​រួចទៅហើយ​ថា បើ​ហ្សេ៧ ធ្លាក់​មក​នៅ​ត្រឹម​ហ្សេ៦ ក៏​មិនអីដែរ បារាំង​មិនខ្វល់ទេ។ ដោយសារ​តែ​លោកដូណាល់ ត្រាំ ដូចជា​ហួសហេតុ​ដូច្នេះ ទើប​មេដឺកនាំ​បារាំង និង​កាណាដា បាន​ជួបពិភាក្សា​គ្នា​​ម្សិលមិញ រក​គោលជំហរ​ទប់ទល់​អាមេរិក។ ប្រឈមអាមេរិក ​ប្រទេស​មហាអំណាច​អឺរ៉ុប និង​កាណាដា​​បាន​បង្ហាញ​ភាព​សាមគ្គី​គ្នា​​ទៅវិញទៅមក។

ដោយឡែក ជប៉ុន​និង​អ៊ីតាលី ដូចជា​មិនសូវ​ជា​តឹងតែង​ជាមួយ​លោក​ត្រាំទេ។ មូលហេតុ​គឺ​ជប៉ុន​មិនចង់​ឯកា នៅ​អាស៊ី ទាក់ទង​សំណុំរឿង​កូរ៉េខាងជើង​នេះឯង។ ដោយសារ​លោក​ដូណាល់ ត្រាំ ត្រូវជួ​ប​ជាមួយ​លោក​គឺម ជុងអ៊ុន ក្នុង​ពេល​ខាងមុខ​នេះឯង។ ​ ​

គេអាច​សង្ឃឹមអ្វីខ្លះពី​ជំនួប​ហ្សេ៧ នៅ​កាណាដា​?

រឿងសេចក្តី​ថ្លែងការណ៍រួម​នេះ​ ដែល​ហ្សេ៧ អាច​សម្រេចចេញ គេមិនសង្ឃឹម​ប៉ុន្មានទេ។ តែ​គេសង្ឃឹមថា ​អាមេរិក​និង​ប្រទេស​មហាអំណាច​សេដ្ឋកិច្ច​​៦ទៀត​ មានកាណាដា ​​បារាំង អង់គ្លេស អាល្លឺម៉ង់ ​អ៊ីតាលី និង​ជប៉ុន យ៉ាងហោច​ណាស់​ក៏​អាច​បន្ត​ដោះស្រាយ​បាន​ទៅមុខ​​ទៀត លើ​សំណុំរឿង​ដូចជា ​ឧក្រិដ្ឋកម្ម​តាម​បណ្តាញ​ព័ត៌មាន​វិទ្យា បញ្ហា​សម្រាម​ផ្លាស្ទិក​តាម​សមុទ្រ ​ការអប់រំ​ក្មេងស្រី ​រឺ​បញ្ហា​បំពានភេទជាដើម។ ​ ​​ ​

សហភាព​អឺរ៉ុបមិនដូច​អាមេរិក មិនចង់​​ប្រកាន់​គោលការណ៍​អត្មានិយម​ពាណិជ្ជកម្ម​ហួសហេតុ​ទេ ព្រោះអឺរ៉ុប​ដឹងច្បាស់ថា បើ​ធ្វើតបទៅ​លោកត្រាំ​វិញ វាអាច​​នឹង​ធ្វើអោយ​សេដ្ឋកិច្ច​ពិភពលោក​គ្មានលំនឹង។ នេះ​ជា​អ្វី​ដែល​បារាំង​ចង់​អោយ​ជជែកគ្នា​ជាមួយ​អាមេរិក ថ្ងៃនេះ ដើម្បី​អោយ​អាមេរិក​គិតគូរ​អោយ​មែនទែន​ពីផលវិបាក​នៃ​សង្គ្រាម​ពាណិជ្ជកម្ម។ ​ពេលនេះ អាល្លឺម៉ង់បារម្ភ​ និង​ចង់​ស្រុះស្រួល​​​ខ្លះៗដែរ​ជាមួយ​អាមេរិក ចៀស​វាង​កុំអោយ​លោកដូណាល់ ត្រាំ យកពន្ធ​ធ្ងន់​លើសលុប​លើ​ផលិតផល​រថយន្ត​បរទេស។ ​ដោយឡែក ស្អែកនេះ ​លោកត្រាំ​មិននៅ​រហូត​ដល់​ចប់​កម្មវិធី​ប្រជុំទេ ព្រោះ​លោកត្រូវ​ធ្វើដំណើរ​ទៅ​សិង្ហបុរី ដើម្បី​ជួប​លោក​គឹម ជុងអ៊ុន ក្នុង​ពេល​ខាងមុខ៕ ​​​

តើ​លោក​អាន់វ៉ា អ៊ីប្រាហ៊ីមកំពុង​ឆ្ពោះ​ទៅ​កាន់​តំណែង​នាយករដ្ឋមន្រ្តី​ម៉ាឡេស៊ី?

អារ៉ាប៊ីសាអូឌីត ថាមិន​ដែល​មាន​បំណង​សម្លាប់​លោក Jamal Khashoggi ទេ!

ហេតុអ្វី​អាមេរិក​រឹតបន្តឹង​ការនាំចេញ​នុយក្លេអ៊ែរ​ទៅប្រទេស​​ចិន?

ឯកអគ្គរដ្ឋទូត​អាមេរិក​ប្រចាំ​អង្គការ​សហប្រជាជាតិ​សុំ​លាលែងពី​​តំណែង

IMF៖​កំណើនសេដ្ឋកិច្ច​ក្នុង​លោក​សម្រាប់​ឆ្នាំ ២០១៨ និង ២០១៩ មាន​តិច​ជាង​ការ​ប្រមើលទុក

ចិនចោទ​ប្រធាន​អាំងទែរប៉ូល​ដែលបាត់ខ្លួន ពីបទ​​ពុករលួយ

ប្រេស៊ីល៖​ការបោះឆ្នោត​ប្រធានាធិបតី​បង្កប់​ដោយ​ភាព​ប្រេះឆា​ក្នុង​សង្គម និងកំណើន​​សម្លេង​របស់​គណបក្ស​ស្តាំនិយមជ្រុល

តើអ្វី​ខ្លះ​ជា​កម្មវត្ថុ​នៃ​ទស្សនកិច្ច​របស់​លោក​ ប៉ុមប៉េអូ នៅតូក្យូ ព្យុងយ៉ាង សេអ៊ូល ?

ណូបែល​សន្តិភាព​ឆ្នាំ​២០១៨ បាន​ទៅ​​លើ​សកម្មជន​ប្រយុទ្ធ​ប្រឆាំង នឹង​អំពើ​ហិង្សា​ផ្លូវភេទ​លើ​ស្ត្រី​

ហេតុអ្វីបាន​ជា​ឥណ្ឌា​នៅតែ​ផ្គើន​ចង់ទិញ​ប្រព័ន្ធ​ខែល​មីស៊ីល​រុស្ស៊ី S-400?

បារាំង​ចោទ​អ៊ីរ៉ង់​ពី​បទ​នៅ​ពី​ក្រោយ​គម្រោង​ធ្វើ​ភេរវកម្ម​នៅ​ជាយ​ក្រុង​ប៉ារីស​

របាយការណ៍៖ កំដៅផែនដី​នឹង​កើនឡើង ១,៥អង្សាសេ នៅឆ្នាំ ២០៤០

អាមេរិក​រកឃើញ​កិច្ចព្រមព្រៀង​ពាណិជ្ជកម្ម​ថ្មី​ជាមួយ​កាណាដា និង​ម៉ិចស៊ិក

ហេតុអ្វី​ សារTwitter​តែ​ប៉ុន្មានម៉ាត់​ធ្វើ​ឲ្យ​លោក​Musk ខ្ទាតចេញ​ពីតំណែង​ប្រធាន​ក្រុមហ៊ុន​Tesla?

ចោរ​បន្លំ​ចូល​ក្នុង​គណនី ​Facebook ​របស់​អ្នក​ប្រើ ​មិន​តិច​ជាង​៥០​លាន​គណនី

តើ​ព្រឹទ្ធសភាអាមេរិក​នឹងតែងតាំង បេក្ខជន​ចៅក្រម​តុលាការ​កំពូល ដែល​រងចោទប្រកាន់​ពីរឿងអាស្រូវផ្លូវភេទ?

តើ​ទស្សនកិច្ច​របស់​លោកអ៊ែរដូហ្កាន​នៅ​អាល្លឺម៉ង់​អាច​ជួយ​ស្តារ​ទំនាក់ទំនង​តានតឹង​រវាង​តួកគី និង​អាល្លឺម៉ង់​បាន​ដែរ​ឬទេ?

អ៊ីរ៉ង់ ក្លាយជា​សំណុំរឿង​ស្នូល​នៃ​កិច្ចប្រជុំ​ក្រុម​ប្រឹក្សា​សន្តិសុខ​អ.ស.ប.

អ.ស.ប. បើក​មហាសន្និបាត​លើក​ទី​៧៣ នៅ​ក្នុង​បរិបទ​ពិភពលោក​ពោរពេញ​ដោយ​ជម្លោះ និង​ការ​មិន​ទុក​ចិត្ត​គ្នា

ជប៉ុន​នឹង​​អាច​​ក្លាយ​​ជា​ជន​រងគ្រោះ​នៃ​​សង្គ្រាម​ពាណិជ្ជកម្ម​អាមេរិក ដែរ​ឬ ?