សហភាពអឺរ៉ុបរម្លឹកការងារអភិវឌ្ឈន៍របស់ខ្លួននៅកម្ពុជា
ប្រតិភូសហភាពអឺរ៉ុបប្រចាំនៅកម្ពុជាកាលពីរសៀលថ្ងៃពុធម្សិលមិញ បានរៀបទិវារម្លឹកដល់ការងារអភិវឌ្ឈន៍របស់ខ្លួននៅកម្ពុជា ដើម្បីជាការកត់សម្គាល់ដល់បណ្តុំនៃសកម្មភាពអភិវឌ្ឍន៍របស់សហភាពអឺរ៉ុបនៅកម្ពុជា។ នោះរួមមានការប្រកាសដាក់ឲ្យប្រើប្រាស់នូវឯកសារយុទ្ធសាស្ត្រអឺរ៉ុប ស្តីពីកិច្ចសហប្រតិបត្តិការអភិវឌ្ឍន៍ សម្រាប់កម្ពុជា ឆ្នាំ ២០១៤ - ២០១៨ ទិវាអភិវឌ្ឍន៍អឺរ៉ុប និងការប្រកាសជាមុន ចំពោះការយកឆ្នាំ២០១៥ ជាឆ្នាំអឺរ៉ុបសម្រាប់ការអភិវឌ្ឍន៍ ។
ចុះផ្សាយនៅថ្ងៃ៖
ជាមួយគ្នានោះ សហភាពអឺរ៉ុបក៏បានប្រកាសជ័យលាភីនៃការប្រកួតថតរូប និងការប្រកួតសរសេរអត្ថបទប្រចាំឆ្នាំផងដែរ។ ការប្រកួតថតរូបនៅឆ្នាំនេះ គឺក្រោមប្រធានបទថា “ដំណាក់កាលផ្សេងៗគ្នានៃជីវិតមនុស្សតាមរយៈរូបថតមួយកំណាត់ខ្លួន"។ ចំណែកការប្រកួតសរសេរអត្ថបទវិញ មានបីប្រធានបទ រូមមាន ប្រធានបទ "អាស៊ានឆ្ពោះទៅឆ្នាំ២០១៥", "ការធ្វើចំណាកស្រុកនិងការអភិវឌ្ឈន៍នៅក្នុងប្រទេសកម្ពុជាៈ បញ្ហាប្រឈម និង កាលានុវឌ្ឍភាព" និង ប្រធានបទ "យុវជន និងការចូលរួមនយោបាយនៅកម្ពុជាៈបញ្ហាប្រឈម និងឱកាស"។
លោកហ្សង់ ហ្វ្រង់ស័រ កូតាំង (Jean-Francois Cautain) ឯកអគ្គរដ្ឋទូតនៃសហភាពអឺរ៉ុបប្រចាំនៅព្រះរាជាណាចក្រកម្ពុជា បានមានប្រសាសន៍ថា ការប្រឡងថតរូប ក្រោមប្រធានបទ “ដំណាក់កាលផ្សេងៗគ្នានៃជីវិតមនុស្សតាមរយៈរូបថតមួយកំណាត់ខ្លួន" គឺជាការររម្លឹកដល់យើងទាំងអស់គ្នាថា ប្រជាពលរដ្ឋ គឺជាស្នូលនៃរាល់គម្រោងអភិវឌ្ឍទាំងអស់។ ចំណែកឯការប្រឡងសរសេរអត្ថបទវិញ គឺជាឱកាសមួយសម្រាប់សិស្សនិស្សិតកម្ពុជា ដែលនឹងក្លាយទៅជាអ្នកដឹកនាំរបស់កម្ពុជានាពេលអនាគត ដើម្បីធ្វើការឆ្លុះបញ្ចាំងអំពីបញ្ហាប្រឈម និងកាលានុវឌ្ឍភាពនៃការអភិវឌ្ឍន៍កម្ពុជា ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ