លោក សោម សូរីដា៖ បក្សភ្លើងទៀនគ្មានសិទ្ធិចូលរួមបោះឆ្នោត បើនៅតែគ្មានឯកសារដើម
អ្នកនាំពាក្យគណៈកម្មាធិការជាតិរៀបចំការបោះឆ្នោត បានបញ្ជាក់ថា គ្រប់គណបក្សនយោបាយទាំងអស់គឺមានសិទ្ធិដាក់បេក្ខជនឈរបោះឆ្នោតព្រឹទ្ធសភា ពេលខាងមុខនេះ ពោលឲ្យតែគណបក្សនោះ មានការទទួលស្គាល់ពីក្រសួងមហាផ្ទៃ។ ចំណែកគណបក្សភ្លើងទៀន គឺគ្មានសិទ្ធិចូលរួមការបោះឆ្នោតអសកលនេះឡើយ ដែលបើតាម លោក សោម សូរីដា គឺគណបក្សនេះនៅតែមិនមានឯកសារច្បាប់ដើមស្តីពីការចុះបញ្ជីគណបក្សនយោបាយដែលទទួលស្គាល់ដោយក្រសួងមហាផ្ទៃ។
ចុះផ្សាយនៅថ្ងៃ៖
ស្តាប់ - ០១:៥២
ប៉ុន្តែគណបក្សភ្លើងទៀន បានប្រកាសថា ខ្លួនសម្រេចជ្រើសរើស យកគណបក្សឆន្ទះខ្មែរដែលជាសម្ព័ន្ធភាពរបស់ខ្លួនមុនគេឲ្យឈរឈ្មោះក្នុងការបោះឆ្នោតព្រឹទ្ធសភា ក៏ដូចជាការបោះឆ្នោត ក្រុមប្រឹក្សារាជធានី ខេត្ត ក្រុង ស្រុក ខណ្ឌ នាពេលខាងមុខ។
បើតាមអ្នកនាំពាក្យគណៈកម្មាធិការជាតិរៀបចំការបោះឆ្នោត គឺគណបក្សឆន្ទះអាចឈរឈ្មោះបោះឆ្នោតព្រឹទ្ធសភា បានដោយសារតែមានឯកសារគ្រប់គ្រាន់។
នៅពេលសួរថា ចំពោះគណបក្សនយោបាយដែលគ្មានអង្គបោះឆ្នោត (ទើបបង្កើតថ្មី តួយ៉ាង គណបក្សកម្លាំងជាតិ) អាចឈរឈ្មោះឲ្យគេបោះឆ្នោតឲ្យបានទេ?លោក សោម សូរីដា បានបញ្ជាក់ថា គឺអាចឈរឈ្មោះឲ្យគេបោះឆ្នោតឲ្យបាន ទោះជាគ្មានអង្គបោះឆ្នោតក៏ដោយ ពោលឲ្យតែគណបក្សនោះ មានការទទួលស្គាល់ពីក្រសួងមហាផ្ទៃ។
សូមបញ្ជាក់ថា គណបក្សកម្លាំងជាតិដែលទើបបង្កើតថ្មីក៏ប្រកាសថា ខ្លួននឹងឈរឈ្មោះបោះឆ្នោតអសកលនេះដែរ ។ ប៉ុន្តែ លោក ស៊ុន ចន្ធី អះអាងថា នេះមិនមែនជាការបំបែកសំឡេងគណបក្សភ្លើងទៀនឡើយ។ គណបក្សភ្លើងទៀនដែលមានអង្គបោះឆ្នោតជាសមាជិក្រុមប្រឹក្សាឃុំ សង្កាត់ ជាង២ពាន់នាក់ ពួកគេនឹងត្រូវរារែកក្នុងការសម្រេចិត្តថា នឹងបោះឆ្នោតឲ្យគណបក្សណាមួយក្នុងចំណោមគណបក្សប្រឆាំងពីរ គឺគណបក្សឆន្ទះខ្មែរ តំណាងឲ្យគណបក្សភ្លើងទៀន និងគណបក្សកម្លាំងជាតិ ដែលស្ថាបនិកភាគច្រើនចេញពីគណបក្សភ្លើងទៀនដែរនោះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ