បក្សប្រឆាំងបង្កើត“រដ្ឋាភិបាលស្រមោល” ប៉ុន្តែរដ្ឋាភិបាលពិតរបស់គណបក្សអំណាចមិនចាប់អារម្មណ៍
ចុះផ្សាយនៅថ្ងៃ៖
ស្តាប់ - ១០:៤៩
ម្សិលមិញគណបក្សសង្រ្គោះជាតិតាមរយៈលោកសុន ឆ័យ អភិបាលនៃគណៈអភិបាលក្រុមតំណាងរាស្ត្រគណបក្សប្រឆាំង បានប្រកាសបង្កើតគណៈកម្មការជំនាញចំនួន១០របស់គណបក្សដែលមានឈ្មោះដូចគ្នានឹងគណៈកម្មការទាំង១០របស់រដ្ឋសភាដូច្នេះដែរ។ គណៈកម្មការជំនាញទាំង១០នេះ គឺមានន័យដូចគ្នានឹង“រដ្ឋាភិបាលស្រមោល”ដែរ ប៉ុន្តែគណបក្សសង្រ្គោះជាតិសម្រេចហៅថា ជាគណៈកម្មការជំនាញរបស់បក្ស។ លោកស៊ុន ឆ័យ បានបញ្ជាក់ថា ការបង្កើតគណៈកម្មការជំនាញទាំងនេះ ដើម្បីត្រៀមខ្លួនបានគ្រប់គ្រាន់ក្នុងការឈានទៅរកការដឹកនាំប្រទេសនៅពេលខាងមុខ ប្រសិនបើខ្លួនឈ្នះការបោះឆ្នោតនោះ។ យ៉ាងណាក៏ដោយ រដ្ឋាភិបាលពិតរបស់គណបក្សកាន់អំណាចមិនបានចាប់អារម្មណ៍ឡើយ ប៉ុន្តែចាត់ទុកថា គ្រាន់តែជាការចង់បានចំណាប់អារម្មណ៍ពីមហាជនប៉ុណ្ណោះ។ សូមស្ដាប់សេចក្តីរាយការណ៍របស់វណ្ណ សុគន្ធា៖