អំពើហិង្សានៅប្រទេសបារាំងកំពុងរន្ទឺរញ្ជួយដល់អង្គការសហប្រជាជាតិ
នៅថ្ងៃសុក្រទី៣០មិថុនា ឧតុ្តមស្នងការដ្ឋានទទួលបន្ទុកសិទ្ធិមនុស្សរបស់អង្គការសហប្រជាជាតិ ពីទីស្នាក់ការ នៅទីក្រុងហ្សឺណែវបានអំពាវនាវឲ្យអាជ្ញាធរបារាំងអត់ធ្មត់ កុំឲ្យប្រើកម្លាំងជ្រុលហួសហេតុទៅលើក្រុមកុបករ។ សម្រាប់អ្នកនាំពាក្យរបស់ឧត្តមស្នងការសិទ្ធិមនុស្សលោកស្រី Ravina Shamdasani បើទោះជាបាតុកម្មវិវត្តក្លាយទៅជាហិង្សា ហើយប៉ូលិសបារាំងច្រើនរយនាក់រងរបួសនៅក្នុងអំពើហិង្សា កាលពីថ្ងៃព្រហស្បតិ៍ បារាំងមិនអាចជ្រើសរើសយកវិធីសាស្រ្តប្រើកម្លាំងប៉ូលិស។ សេចក្តីអំពាវនាវរបស់ក្រុមប្រឹក្សាសិទ្ធិមនុស្សធ្វើឡើងនៅខណៈពេល បារាំងធ្លាក់ខ្លួនក្នុងអំពើហិង្សា កុបកម្ម ដុតរថយន្ត សាលារៀន ប៉ុស្តិប៉ូលិស នៅទូទាំងប្រទេស នៅ៣យប់ជាប់គ្នា នៅក្រោយ យុវជន នៅសង្កាត់ជាយក្រុងប៉ារីសម្នាក់ ឈ្មោះ ណាអែល Nahel ត្រូវប៉ូលិសបាញ់ស្លាប់ ដោយសារមិនព្រមឈប់រថយន្ត នៅក្នុងពេលត្រួតពិនិត្យចរាចណ៍។
ចុះផ្សាយនៅថ្ងៃ៖
ស្តាប់ - ០០:៥៤
"យើងព្រួយបារម្ភពីរឿងដែលយុវជនអាយុ ១៧ ឆ្នាំម្នាក់ ដើមកំណើតអាហ្វ្រិកខាងជើង ត្រូវប៉ូលិសបាញ់សម្លាប់ នៅបារាំង កាលពីថ្ងៃអង្គារ។ យើងកត់សំគាល់ឃើញមានការបើកការស៊ើបអង្កេត ក្នុងបទចោទប្រកាន់” មនុស្សឃាតដោយចេតនា”។ យើងស្នើសុំឲ្យអាជ្ញាធរបារាំងពិនិត្យមើលឲ្យបានស៊ីជម្រៅបំផុត ពីបញ្ហាប្រកាន់ពូជសាសន៍ និងការអនុវត្តច្បាប់ ដោយមានការរើសអើង។
យើងចង់បញ្ជាក់ផងដែរពីសារៈសំខាន់នៃការធ្វើបាតុកម្មដោយសន្តិវិធី។ យើងសូមអំពាវនាវឲ្យអាជ្ញាធរអត់ធ្មត់ ធ្វើយ៉ាងណាឲ្យការប្រើកម្លាំងទៅលើបាតុករហិង្សា សមស្របទៅតាមគោលការណ៍ច្បាប់ ភាពចាំបាច់ សមាមាត្រ គ្មានរើសអើង ប្រុងប្រយ័ត្ន និងប្រកបដោយការទទួលខុសត្រូវខ្ពស់។"
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ