អ៊ីស្រាអែលវាយប្រហារទីតាំង២៥កន្លែងនៅតំបន់ហ្កាហ្សាតបតទៅនឹងការបាញ់ផ្លោងរ៉ុកកែតពីហ្កាហ្សា
កងទ័ពអ៊ីស្រាអែល បានជូនដំណឹងថា យន្តហោះរបស់ខ្លួន បានបើកការវាយប្រហារតាំងពីព្រលឹមថ្ងៃពុធនេះប្រឆាំងទៅលើទីតាំងចំនួន២៥ កន្លែងនៅក្នុង តំបន់ហ្កាហ្សា ដើម្បីឆ្លើយតបទៅនឹងការបាញ់ផ្លោងគ្រាប់រ៉ុកកែត ពីដែនដីប៉ាឡេស្ទីន ។ ប្រតិបត្តិការណ៍របស់អ៊ីស្រាអែលនេះ ត្រូវបានប្រព្រឹត្តទៅនៅក្នុងបរិបថនៃភាពតានតឹងខ្លាំងនៅក្នុងតំបន់ចាប់តាំងពីច្រើនសប្តាហ៍មកហើយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៤
យោងតាមសេចក្តីជូនដំណឹងមួយរបស់កងទ័ពអ៊ីស្រាអែល “យន្តហោះរបស់ អ៊ីស្រាអែល បានធ្វើការវាយប្រហារទីតាំងចំនួន២៥កន្លែង របស់ចលនាហាម៉ាសប៉ាឡេស្ទីនតាំងពីព្រលឹមថ្ងៃពុធ ជាពិសេស ទីតាំងយោធា ៤ កន្លែងដែលក្នុងនោះក៏ មានជំរំ បង្វឹកហាត់មួយកន្លែងនៅក្រោមដីផង"។
សេចក្តីជូនដំណឹងរបស់កងទ័ពអ៊ីស្រាអែល បានគូសបញ្ជាក់ប្រាប់ទៀតថា” គ្រាប់រុកកែតប្រមាណ ជា ៤៥គ្រាប់ ត្រូវ បានបាញ់ផ្លោងចេញ ពី តំបន់ ហ្កាហ្សា កាលពីយប់ថ្ងៃអង្គារឆ្លងមកព្រលឹមថ្ងៃពុធ ដោយតម្រង់ទៅកាន់ ប្រទេសអ៊ីស្រាអែល”។ យោងតាមកងទ័ពអ៊ីស្រាអែលដដែល” រ៉ុកកែតចំនួន ៧គ្រាប់ ត្រូវបានប្រព័ន្ធការពារមីស៊ីលចល័តអាកាសរបស់កងទ័ពអ៊ីស្រាអែល ឈ្មោះ Dome បាញ់ស្តាត់ទាន់។
ក៏ប៉ុន្តែ គ្រាប់រ៉ុកកែត ចំនួន ៣គ្រាប់ផ្សេងទៀត បានធ្លាក់នៅលើទឹកដីអ៊ីស្រាអែល ក៏ប៉ុន្តែ ពុំបាន បណ្តាលឲ្យមានជនរងគ្រោះណាម្នាក់ទេ។
គួរបញ្ជាក់ថា ភាពតានតឹងនៅក្នុងតំបន់ហ្កាហ្សា កាន់តែធ្លាក់ចុះដុនដាប ចាប់តាំងពីថ្ងៃទី៣០មីនាកន្លងទៅ បន្ទាប់ពីប្រជាជនប៉ាឡេស្ទីន បានកែណ្ឌគ្នាធ្វើបាតុកម្មនៅតាមព្រំដែនជាប់អ៊ីស្រាអែល ដើម្បីប្រឆាំងនឹងការបិទខ្ទប់នៅក្នុងតំបន់ និង ដើម្បីទាមទារសិទ្ធិរបស់ពួកគេនៅក្នុងការវិលត្រឡប់ទៅកាន់ទឹកដីចាស់របស់ពួកគេវិញ។ គឺជា ប្រជាជនប៉ាឡេស្ទីន ដែលត្រូវបាន អ៊ីស្រាអែល ធ្វើការបណ្តេញចេញពីផ្ទះសម្បែងរបស់ពួកគេ ឬ ក៏ បាន រត់ភៀសខ្លួន នៅពេល ការបង្កើតឡើងនូវ រដ្ឋអ៊ីស្រាអែល នៅឆ្នាំ ១៩៤៨។
ពាក់ព័ន្ធនឹងភាពតានតឹងនៅក្នុងតំបន់នេះ សហគមន៍អន្តរជាតិ ក៏បានទាញសញ្ញាអាស្ន ពីភាពតានតឹងខ្លាំង នៅក្នុងតំបន់ ជាពិសេសស ការធ្លាក់ចុះដុនដាបក្នុងផ្នែកស្ថានភាពមនុស្សធម៌ និង សេដ្ឋកិច្ច នៅក្នុងដែនដីប៉ាឡេស្ទីន ដោយ បានព្រមានប្រឆាំងផងដែរ នឹង ហានិភ័យ នៃសង្គ្រាមថ្មីមួយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ