ពិភពលោកត្រៀមទទួលស្វាគមន៍ឆ្នាំ២០១៨ ដោយការការពារសន្តិសុខខ្ពស់
ពេលនេះពិភពលោកកំពុងត្រៀមទទួលស្វាគមន៍ឆ្នាំ២០១៨ នូវែលហ្សេឡង់ អូស្ត្រាលីជាអ្នកឆ្លងឆ្នាំមុនគេ បន្ទាប់មកគឺអាស៊ីអាហ្វ្រិក អឺរ៉ុប និងអាមេរិក ! កាំជ្រួច ផ្ទាំងទស្សនីយភាពភ្លើង ... នឹងលាន់រន្ទឺស្វាគមន៍ឆ្នាំថ្មី ឆ្នាំ ២០១៨ ប៉ុន្តែពិធីបុណ្យឆ្លងឆ្នាំនេះ ប្រព្រឹត្តទៅក្រោមការការពារសន្តិសុខនិងសុវត្ថិភាពខ្លាំងបំផុត។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១០
អូស្ត្រាលី នឹងឆ្លងចូលឆ្នាំ២០១៨ មុនគេ នៅម៉ោង១៣ម៉ោងសកល ! ប្រជាពលរដ្ឋ ប្រមាណជាង ១,៥លាននាក់ បានប្រមូលផ្តុំគ្នាក្រុងស៊ីដនី ដូចទម្លាប់និងជាប្រពៃណី ចាំមើលកាំជ្រួច។ កាំជ្រួចស្វាគមន៍ឆ្នាំថ្មីលម្អនិងក៏ក្នុងអត្ថន័យអបអរពិសេស ដែលអូស្រា្តលីទើបបញ្ចូលច្បាប់អាពាហ៍ពិពហា៍អ្នកស្រលាញ់ភេទដូចគ្នាផង។ និងរិតតែល្អទៀត អូស្ត្រាលីនឹងបន្ថែមពេលផ្ទាំងទស្សនីយភាពភ្លើងកាំជ្រួល២០វិនាទីសម្រាប់កុមារ។
ពិធីបុណ្យឆ្លងឆ្នាំនឹងបន្តនៅអាស៊ី អាហ្វ្រិក និងអឺរ៉ុប ហើយចុងក្រោយគេ កឺអាមេរិក។ នៅអាស៊ី ហុងកុងសន្យាបង្ហាញទស្សនីយភាពភ្លើងកាំជ្រួច១០នាទី បន្តដោយការបាញ់កាណុង ១២ បញ្ចេញគ្រាប់ជាផ្កាយហោះ សម្រាប់ស្វាគមន៍ឆ្នាំថ្មី។ នៅហ្សាកាតា គូស្នេហ៍កន្លះលាននាក់ រដ្ឋាភិបាលបាននាំគ្នារៀបចំអាពាហ៍ពិពាហ៍ក្នុងរូមគ្នាចំពេលឆ្លងឆ្នាំតែម្តង។ ដូបៃ បានជំនួសភ្លើងកាំជ្រួចបែបបូរណាមកជាទស្សនីយភាពបែបឡាស៊ែរ លើតួដ៏ខ្ពស់ជាងគេបំផុតលើពិភពលោក។
នៅអឺរ៉ុប ជាលើកទីមួយនៅប៊ែរឡាំងបានដាក់បញ្ឈរតង់កាកបាតក្រហមនៅកន្លែងកម្មវិធីបុណ្យ នាក្លោងទ្វារ Brandebourg ដើម្បីជាការរំលឹកដល់ជនរងគ្រោះពីការបំពារបំពានផ្លូវភេទដែលបានកើតឡើងនៅក្រុងកូឡូញ កាលពីពីរឆ្នាំក្នុងយប់ឆ្លងឆ្នាំ។ នៅក្រុងប៉ារីស ពិធីបុណ្យឆ្លងឆ្នាំលើដងមហាវិថី ដ៏ល្អប្រណិតChamps Elysée ដោយមានការបាញ់កាំជ្រួច និងផ្ទាំងទស្សនីយភាពលើវិមានArc de Triomphe ដែលមានការការពារសុវត្ថិភាពខ្លាំង។ បារាំងបានពង្រាយកម្លាំងទាហាន ប៉ូលិស ភ្នាក់ងារសន្តិសុខប្រមាណជិត ១៤០០០០នាក់ និងក្រុមអ្ននសង្គ្រោះបន្ទាន់ ៤ម៉ឺននាក់ ទូទាំងប្រទេស។
នៅប្រេស៊ីល អាជ្ញាធរក្រុងបានជំនះការគំរាមកំហែងសុវត្ថិភាពដោយសង្ឃឹមថានឹងអាចប្រមូលផ្តុំប្រជាពលរដ្ឋឆ្លងឆ្នាំបានដល់៣លាននាក់។ ២លាននាក់នៅញូវយ៉កក្រោមអាកាសធាតុត្រជាក់ខ្លាំងខុសពីសព្វមួយ ដល់ទៅ-១០អង្សារ។
ពិធីបុណ្យឆ្លងឆ្នាំ ឆ្នាំនេះដក់ដោយការគំរាមកំហែងភេវកម្ម គ្រប់ប្រទេស ពីអូស្ត្រាលី ដល់តួកគី អេស្ប៉ាញ បាសឺឡោន បារាំង នីស ប៉ារីស ញូវយ៉ក សហរដ្ឋអាមេរិក អាជ្ញាធរបានពង្រាយកម្លាំងប៉ូលិសយ៉ាងសន្ធឹកសន្ធាប់ដូចគ្នា និងប្រើគ្រប់មធ្យោបាយការពារ ព្រោះអាទិភាពចំបងគឺរក្សាសន្តិសុខជូនពលរដ្ឋ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ