កម្ពុជាសម្រេចគោលដៅប្រឆាំងនឹងជំងឺអេដស៍មុន៣ឆ្នាំនៃទិសដៅកំណត់ដោយអង្គការសហប្រជាជាតិ
អង្គការសហប្រជាជាតិ បានចាត់ទុកកម្ពុជា ថាជាប្រទេសមួយ នៅក្នុងចំណោមប្រទេសចំនួន៦ ផ្សេងទៀតនៅទូទាំងពិភពលោក ដែលទទួលជោគជ័យនៃការសម្រេចបានមុន៣ឆ្នាំ នៃទិសដៅប្រឆាំងមេរោគអេដស៍។ ការលើកឡើងយ៉ាងដូច្នេះធ្វើឡើង នៅក្នុងកិច្ចប្រជុំថ្នាក់ដឹកនាំជាន់ខ្ពស់នៅទីក្រុងប៉ារីស ដើម្បីពិនិត្យមើលវឌ្ឍនភាពការអនុវត្តន៍ជាសកលក្នុងការសម្រេចទិសដៅ ៩០-៩០-៩០ ចាប់ពីថ្ងៃទី ២០ ដល់ថ្ងៃទី ២៣ កក្កដា។
ចុះផ្សាយនៅថ្ងៃ៖
ទិសដៅ ៩០-៩០-៩០ ដែលដាក់ចេញដោយអង្គការសហប្រជាជាតិប្រយុទ្ធនឹងជំងឺអេដស៍នេះ មានន័យថា ទី១) ត្រូវធានាថា ៩០% នៃអ្នករស់នៅជាមួយមេរោគអេដស៍ត្រូវដឹងពីស្ថានភាពនៃការឆ្លងមេរោគនេះ។ ទី២) ៩០% នៃអ្នកដែលរកឃើញមានឆ្លងមេរោគអេដស៍ ត្រូវតែទទួលបានការព្យាបាលដោយឱសថប្រឆាំងនឹងមេរោគអេដស៍។ និងទី៣ ៩០% នៃអ្នកដែលកំពុងទទួលបានការព្យាបាលដោយឱសថប្រឆាំងនឹងមេរោគអេដស៍ ត្រូវមានបន្ទុកមេរោគអេដស៍ក្នុងឈាមកម្រិតទាបបំផុត ឬ ស្ទើរមិនអាចរកឃើញ។
របាយការណ៍របស់មជ្ឈមណ្ឌលជាតិប្រយុទ្ធនឹងជំងឺអេដស៍ សម្រាប់កម្ពុជា ដែលជាប្រទេសសម្រចបានជោគជ័យមុន៣ឆ្នាំ នៃទិសដៅរបស់អង្គការសហប្រជាជាតិ បង្ហាញថា ៨៣% នៃចំនួនប៉ាន់ស្មានអ្នកផ្ទុកមេរោគអេដស៍ទាំងអស់នៅឆ្នាំ ២០២០ បានដឹងពីស្ថានភាពរបស់ខ្លួន ខណៈរហូតដល់ ៩៧% នៃអ្នកដែលរកឃើញមានឆ្លងមេរោគអេដសន៍ទទួលបានការព្យាបាលដោយឱសថប្រឆាំងនឹងមេរោគអេដស៍។ ជាចំនួនដែលលើសពីការកំណត់ដៅរបស់អង្គការសហប្រជាជាតិ រហូតដល់ទៅ ៧%។ ចំណែកឯ ៨០% នៃអ្នកជំងឺអេដស៍ដែលកំពុងទទួលបានការព្យាបាលដោយឱសថប្រឆាំងនឹងមេរោគអេស៍ទាំងអស់ មានបន្ទុកមេរោគអេដស៍ក្នុងកម្រិតទាបបំផុត។
តាមរយៈរបាយការណ៍នេះ អង្គការសហប្រជាជាតិប្រឆាំងនឹងមេរោគអេដស៍ បានវាយតម្លៃថាកម្ពុជា ជាប្រទេសមួយដែលនាំមុខគេលើសកលលោកក្នុងការសម្រេចទិសដៅនេះ។ ក្រៅពីកម្ពុជា ក៏មានប្រទេសចំនួន៦ផ្សេងទៀត ដែរ ដូចជាប្រទេស Botswana ដាណាម៉ាក អ៊ីស្លង់ សឹង្ហបុរី ស៊ុយអ៊ែត ចក្រភពអង់គ្លេសនិងប្រទេសអៀរឡង់ខាងជើង។
សូមរំលឹកថា មេរោគអេដស៍បានផ្ទុះរីករាលដាលនៅកម្ពុជាខ្លាំងនៅឆ្នាំ១៩៩៨ ដែលមានអត្រាឆ្លងក្នុង១០០នាក់ក្នុងមួយថ្ងៃ ហើយនៅពេលនោះ គឺមានអ្នកផ្ទុកមេរោគអេដស៍រហូតដល់ ១៦ម៉ឺន ៩ពាន់នាក់។ ក្នុងរយៈពេលជិត២០ឆ្នាំមកនេះ ចំនួនអ្នកផ្ទុកមេរោគបានថយចុះមកនៅត្រឹម ៥ម៉ឺន ៧នាក់ ដែលអត្រាអ្នកឆ្លងមេរោគនេះ មានត្រឹម២នាក់ ក្នុងមួយឆ្នាំ។ ហើយដើម្បីពន្លឿននៃការសម្រេចបានគោលដៅនេះ ដែរ អាជ្ញាធរជាតិប្រយុទ្ធនឹងជំងឺអេដស៍ នឹងដាក់បញ្ចូលការឆ្លើយតបនឹងមេរោគអេដស៍ និងជំងឺអេដស៍ទៅក្នុងគោលនយោបាយភូមិ-ឃុំមានសុវត្ថិភាព ដើម្បីអប់រំផ្សព្វផ្សាយដល់ប្រជាពលរដ្ឋ នៅក្នុងមូលដ្ឋានឲ្យចេះការពារនិងទប់ស្កាត់មេរោគអេដស៍ ជំងឺអេដស៍ប្រកបដោយប្រសិទ្ធភាព៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ