rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ទស្សនៈព្រឹត្តិការណ៍ពិភពលោក
rss itunes

អង្គការ​​សហប្រជាជាតិ​​ស្តី​បន្ទោស​​នយោបាយ​​ប្រឆាំង​​អន្តោប្រវេសន៍​​របស់​​សហរដ្ឋ​អាមេរិក​

ដោយ បូលីន ដាវីដ

កាលពី​ថ្ងៃ​អង្គារ ទី​៥ ខែ​មិថុនា​កន្លង​ទៅ​នេះ ឧត្តមស្នងការ​សហ​ប្រជាជាតិ​ទទួល​បន្ទុក​សិទ្ធិ​មនុស្ស​បាន​ចេញ​សេចក្តី​ថ្លែង​ការណ៍​មួយ​​ស្តី​បន្ទោស​រដ្ឋា​ភិបាល​អាមេរិក​ជុំវិញ​ការ​​អនុវត្តន៍​​នយោបាយ​ដ៏​តឹងរ៉ឹង​មួយ​ប្រឆាំង​នឹង​ជន​អន្តោ​ប្រវេសន៍​ខុស​ច្បាប់លួច​ឆ្លង​ព្រំដែន​។​ នយោបាយ​ដ៏​ចម្រូង​ចម្រាស​នោះ គឺ​ការ​ចាប់​បែក​កូន​ក្មេង​ចេញ​ពី​ឪពុក​ម្តាយ​យក​ទៅ​ឃុំ​ឃាំង​ដាច់​ដោយ​ឡែក​ពី​គ្នា​។​ អង្គការ​សហ​ប្រជាជាតិ​បាន​ស្នើ​ឲ្យ​រដ្ឋាភិបាល​អាមេរិក​ពិចារណា​ឡើង​វិញ​លប់​ចោល​វិធានការណ៍​គ្មាន​សណ្តោស​ប្រណី​នេះ។

​ចាប់​តាំង​ពី​ដើម​ខែ​ឧសភា​មក​ម្ល៉េះ​ ក្រសួង​យុត្តិ​ធម៌​អាមេរិក​បាន​ចេញ​មុខ​ការពារ​នយោបាយ​ប្រឆាំង​នឹង​អន្តោប្រវេសន៍​ខុស​ច្បាប់​លួច​ឆ្លង​ព្រំដែន​។​ ជាទូទៅ​ ករណី​នេះ​តែង​កើត​ឡើង​នៅ​តាម​ព្រំដែន​រវាង​សហរដ្ឋ​អាមេរិក និង​ប្រទេស​ម៉ិចសិក។

​នយោបាយ​គ្មាន​ការ​យោគ​យល់​នេះ​ គឺ​ការ​ចាប់​បំបែក​កូន​ចេញ​ពី​ឪពុក​ម្តាយ​ជា​ស្វ័យ​ប្រវត្តិ​តែ​ម្តង​ ប្រសិន​បើ​មាន​ជន​អន្តោរ​ប្រវេសន៍​ណា​បាន​លួច​ឆ្លង​ចូល​ព្រំ​ដែន​ជា​លក្ខណៈ​គ្រួសារ។​ ក្នុង​ករណី​នេះ​ ឪពុក​ម្តាយ​ដែល​ជា​មនុស្ស​ធំ​ពេញ​វ័យ​ត្រូវ​រង​ការ​ចោទ​ប្រកាន់​​ពី​ការ​ប្រព្រឹត្ត​បទល្មើស​​អន្តោប្រវេសន៍​ខុស​ច្បាប់។​​ ហើយ​ពួក​គេ​ត្រូវ​ជាប់​ឃុំ​បណ្តោះ​អាសន្ន​រង់ចាំ​សវនាការ​កាត់​ក្តី​ពី​តុលាការ​មុន​នឹង​ត្រូវ​បណ្តេញ​ចេញ​ពី​ទឹកដី​អាមេរិក។​ ដោយ​សារ​តែ​កូនៗ​ជន​អន្តោ​ប្រវេសន៍​ខុស​ច្បាប់​ទាំង​នោះ​ជា​អនិតិ​ជន​ ពោល​ គឺ​មិន​ទាន់​ពេញ​វ័យ​ ដូច​នេះ​ពួក​កុមារ​ទាំង​នោះ​មិន​អាច​នៅ​ជាប់​ឃុំ​ជាមួយ​ឪពុក​ម្តាយ​បាន​ឡើយ។​

អាជ្ញាធរត្រូវ​បំបែក​ពួក​គេ​ចេញ​ពី​ឪពុក​ម្តាយ​ ហើយ​បញ្ចូន​ពួក​គេ​ឲ្យ​ស្នាក់​នៅ​តាម​ទីកន្លែង​ខុសៗ​គ្នា។​

តាម​រយៈ​​សេចក្តី​ថ្លែង​ការណ៍​មួយ ​​ ឧត្តមស្នងការ​សហ​ប្រជាជាតិ​ទទួល​បន្ទុក​សិទ្ធិ​មនុស្ស​បាន​ចេញ​បទ​បញ្ជា​ឲ្យ​សហរដ្ឋ​អាមេរិក​បញ្ឈប់​ជា​បន្ទាន់​ចំពោះ​ការ​ឃុំ​ឃាំង​កុមារ​តាម​រយៈ​ការ​បំបែក​ចេញ​ពី​ឪពុក​ម្តាយ។​ លោក​ស្រី​ Ravina Shamasani អ្នក​នាំ​ពាក្យ​ឧត្តមស្នងការ​សហ​ប្រជាជាតិ​ទទួល​បន្ទុក​សិទ្ធិ​មនុស្ស​បាន​ស្នើ​ឲ្យ​សហរដ្ឋ​អាមេរិក​ចាត់​ទុក​សកម្ម​ភាព​អន្តោ​ប្រវេសន៍​ខុស​ច្បាប់​ជា​បទ​ល្មើស​ផែ្នក​រដ្ឋ​បាល​វិញជាជាង​ការ​ចោទ​ប្រកាន់​ថា​ជា​​ទោស​ឧក្រិដ្ឋ។​ ជា​ការ​ឆ្លើយ​តប​ លោកស្រី​ Nikki Haley ឯក​អគ្គ​រដ្ឋ​ទូត​អាមេរិក​ប្រចាំ​អង្គការ​សហប្រជាជាតិ​បាន​បញ្ចេញ​ប្រតិកម្ម​ខ្លាំងៗ​ដោយ ​បាន​រិះគន់​ស្ថាប័ន​សហ​ប្រជាជាតិ​ទៀត​ផង។​ លោក​ស្រី​ថែម​ទាំង​បាន​បញ្ជាក់​ផង​ដែរ​ថា​ មិន​មែន​អង្គការ​សហ​ប្រជាជាតិ​ ឬក៏​នរណា​ម្នាក់​ឡើយ​ដែល​ត្រូវ​មក​បញ្ជា​ ឬ​ប្រៀន​ប្រដៅ​រដ្ឋា​ភិបាល​សហ​អាមេរិក​ឲ្យ​ធ្វើ​របៀប​នេះ​ ឬ​របៀប​នោះ​ក្នុង​កិច្ច​ការពារ​សន្តិសុខ​ព្រំដែន​របស់​ប្រទេស​ខ្លួន។​

សេចក្តី​ប្រកាស​ថ្កោល​ទោស​របស់​ស្ថាប័ន​សហ​ប្រជាជាតិ​នេះ​បាន​ធ្លាក់​ចេញ​មក​ប៉ុន្មាន​ថ្ងៃ​ប៉ុណ្ណោះ​ក្រោយ​ពី​មាន​បាតុ​កម្ម​នៅ​តាម​កន្លែង​ជា​ច្រើន​។​ កាល​ពី​ថ្ងៃ​ទី​១ មិថុនា​កន្លង​ទៅ​នេះ​ មាន​បាតុករជា​ច្រើន​ពាន់​នាក់​បាន​ចូល​រួម​ក្បួន​បាតុកម្ម​នេះ។​ ហ្វូង​បាតុករ​បាន​ស្រែក​ទាម​ទារ​ឲ្យ​អាជ្ញាធរ​អាមេរិក​បញ្ចប់​ការ​បំបែក​បំបាក់​គ្រួសារ​ជន​អន្តោ​ប្រវេសន៍​ខុស​ច្បាប់។ ការ​ស្រែក​ទាម​ទារ​នេះ​បាន​ប្រព្រឹត្ត​ទៅ​តាម​ទីក្រុង​ធំៗ​មាន​ជា​អាទិ៖​ ​ទីក្រុង​ Los Angeles, New York និង Chicago។ ចំណែក​នៅឯ​រដ្ឋ​ធានី​​ Washington ហ្វូង​បាតុករ​បាន​ដើរ​ដង្ហែ​រ​ក្បួន​ឆ្ពោះ​សំដៅ​ទៅ​ក្រសួង​យុត្តិធម៌​អាមេរិក។​ តាម​ពិត​ គឺ​ស្ថាប័ន​នេះ​ហើយ​ដែល​ជា​អ្ន​ក​បាន​ចេញ​ច្បាប់​តឹងរ៉ឹង​បែប​នេះ​ប្រឆាំង​ជន​អន្តោ​ប្រវេសន៍​ខុស​ច្បាប់​។ មូល​ហេតុ​ដែល​រដ្ឋាភិបាល​អាមេរិក​របស់​លោក​ ដូណាល់​ ត្រាំ​ ចេញ​ច្បាប់​ដ៏​តឹង​រ៉ឹង​នេះ​ គឺ​មាន​គោលដៅ​បំបាក់​ទឹក​ចិត្ត​ពួក​ជន​អន្តោប្រវេសន៍​លួច​ឆ្លង​ព្រំ​ដែន​ចូល​ទឹក​ដី​អាមេរិក​ខុស​ច្បាប់។​

 បើ​យោង​តាម​ស្ថិតិ​បាន​ឲ្យ​ដឹង​ថា​ បើ​ប្រៀប​ធៀប​គ្នា​នឹង​រយៈ​ពេល​ដូច​គ្នា​កាល​ពី​ខែ​មេសា​ ឆ្នាំ​២០១៧​ និង​ខែ​មេសា​ ឆ្នាំ​២០១៨​ គឺ​គេ​ឃើញ​ថា​ចំនួន​អ្នក​លួច​ឆ្លង​ព្រំដែន​បាន​កើត​ឡើង​រហូត​ទៅ​ដល់​ ២២០%។​ ដោយ​សារ​តែ​មូល​ហេតុ​នេះ​ហើយ​ទើប​ក្រសួង​យុត្តិ​ធម៌​អាមេរិក​បាន​ចល័ត​រដ្ឋ​អាជ្ញាចំនួន​ ៣៥ រូប​នៅ​តាម​បណ្តោយ​ព្រំដែន​អាមេរិក-​ម៉ិចសិក​ ដើម្បី​អនុវត្ត​ច្បាប់​បំបែក​កូន​ក្មេង​ចេញ​ពី​ឪពុក​ម្តាយ​ភ្លាមៗ​តែ​ម្តង​។​ បើយោង​តាម​និតិវិធី​ ភ្លាមៗ​ក្រោយ​ពេល​ស្ទាក់​ចាប់​បាន​នៅ​តាម​ព្រំដែន​ ក្រោយ​ពី​បំបែក​ចេញ​ពី​ឪពុក​ម្តាយ​របស់​ពួក​គេ​ ជា​ទូទៅ​ ក្មេងៗ​ទាំង​នោះ​នឹង​ត្រូវ​បញ្ជូន​ឲ្យ​ទៅ​រស់​នៅ​តាម​ផ្ទះ​គ្រួសារ​ពលរដ្ឋ​ដ៏ទៃ​ដែល​ស្ម័គ្រ​ចិត្ត​ទទួល​ឲ្យ​ស្នាក់​នៅ​បណ្តោះ​អាសន្ន។​

សំរែក​ប្រឆាំង​តវ៉ា​នឹង​ច្បាប់​ដ៏​តឹង​រ៉ឹង​នេះ​បាន​ចាប់​ផ្តើម​ឡើង​កាល​ពី​ចុង​ខែ​មេសា​មក​ម្ល៉េះ។ យោង​តាម​របាយ​ការណ៍​មួយ​ផ្ញើ​ទៅ​សភា​កុង​គ្រែស​បាន​ឲ្យ​ដឹង​ថា​ ក្រសួង​សុខាភិបាល​ និង​សេវា​កម្ម​សង្គម​អាមេរិក​បាន​រក​ឃើញ​ថា​ ក្រោយ​ពី​បំបែក​កុមារ​ពី​ឪពុក​ម្តាយ​របស់​ពួក​គេ​ អាជ្ញាធរ​អាមេរិក​បាន​បាត់ដាន​កូន​ក្មេង​ចំនួន​ ១ ៥០០ នាក់។​ ក្រោយ​ពី​ការ​ប្រកាស​ព័ត៌មាន​នេះ​ មជ្ឈដ្ឋាន​ទូទៅ​បាន​សម្តែង​ប្រតិកម្ម​ស្តី​បន្ទោស​ឲ្យ​អាជ្ញាធរ​អាមេរិក។​ គេ​បារម្ភ​ខ្លាច​ក្មេងៗ​ទាំង​នោះ​ក្លាយ​ជា​ជន​រង​គ្រោះ​នៃ​អំពើរ​​ជួញ​ដូរមនុស្ស​ខុស​ច្បាប់។​

បាតុភូត​នេះ​គេ​ធ្លាប់​ឃើញ​កើត​មាន​ម្តង​រួច​ទៅ​ហើយ​ក្នុង​អាណត្តិ​ដឹកនាំ​របស់​លោក​អតីតៈ​ប្រធានាធិបតី​ បារ៉ាក់​ អូបាម៉ា។​​ គឺ​កាលពី​ឆ្នាំ​២០១៦​ រដ្ឋាភិបាល​អាមេរិក​បាន​ធ្វេស​ប្រហែស​​ដោយ​បាន​ប្រគល់​កុមារ​ចំនួន​ ៨​ នាក់​ឲ្យ​ទៅ​ស្នាក់​នៅ​តាម​គេហដ្ឋាន​ជាមួយ​គ្រួសារ​ណា​ដែល​ព្រម​ទទួល​យក​​។ ​ជា​ភ័ព្វ​សំណាង​អាក្រក់​ កុមារ​ទាំង​នោះ​បាន​ធ្លាក់​ទៅ​ក្នុង​ដៃ​ពួក​ជួញ​ដូរ​មនុស្ស។​ កុមារ​ទាំង​នោះ​ត្រូវពួក​ឈ្មួញ​ចាប់​បង្ខំ​ឲ្យ​ធ្វើ​ការ​នៅ​កសិដ្ឋាន​ចិញ្ចឹម​មាន់​មួយ​ក្នុង​រដ្ឋ​ Ohio។

កាលពី​ថ្ងៃ​ទី​៣១​ ខែ​ឧសភា​កន្លង​ទៅនេះ ​តាម​រយៈ​សេចក្តី​ប្រកាស​ព័ត៌​មាន​មួយ​ ក្រុម​អង្គការ​តស៊ូ​មតិ​ផែ្នក​សិទ្ធិ​មនុស្ស​មួយ​ក្រុម​ប្រចាំ​រដ្ឋ​តិច​សាស់​បាន​សួរ​ដេញ​ដោល​គណៈកម្មាធិការ​សិទ្ធិ​មនុស្ស​អន្តរ​អាមេរិក​។ ក្រុម​អង្គការ​តស៊ូ​មតិ​នេះ​មាន​មក​ពីសមាគម​គំរោងសិទ្ធិ​មនុស្ស​រដ្ឋ​តិចសាស់​ និង​គណៈកម្មាធិការ​ស្រ្តី​ជន​ភៀស​ខ្លួន។ សមាគម​ទាំង​ពីរ​នេះ​បាន​ទទួល​ការ​គាំទ្រ​ផ្នែក​បច្ចេក​ទេស​ពី​​ការិយាល័យ​ស្រាវជ្រាវ​ផែ្នក​អន្តោប្រវេសន៍​ប្រចាំ​សាកល​វិទ្យាល័យ​តិចសាស់​ និង​ការិយាល័​មេធាវី​ឯកជន​មួយ​ជំនាញ​ផែ្នក​អន្តោ​ប្រវេសន៍​​។​

តំណាង​ឲ្យ​ឪពុក​ម្តាយ​​ជន​អន្តោប្រវេសន៍​ខុស​ច្បាប់​ចំនួន​ប្រាំ​គ្រួសារ​​ដែល​កំពុង​បាត់​​ដំណឹង​កូនៗ​របស់​ពួក​គេ​ ក្រុម​អង្គការ​តស៊ូ​មតិ​ទាំង​នោះ​បាន​ចោទ​ប្រកាន់​រដ្ឋាភិបាល​អាមេរិក​ចំពោះ​ការ​ប្រព្រឹត្ត​ទង្វើ​បែប​ព្រៃផ្សៃ។​ ក្រុម​អង្គការ​ស៊ីវិល​​ទាំង​នោះ​បាន​ចោទ​ប្រកាន់​ថា​​ ទង្វើ​គ្មាន​មនោសញ្ចេត​នា​នេះ​បាន​ធ្វើ​ឲ្យ​ប៉ះ​ពាល់​ធ្ងន់​ធ្ងរ​ដល់​ស្ថានភាព​ផ្លូវ​ឪពុក​ម្តាយ​កុមារ​ទាំង​នោះ។​ ក្រុម​អង្គការ​ទាំង​នោះ​​បាន​ទាម​ទារ​ឲ្យ​អាជ្ញាធរ​អាមេរិក​យក​កុមារ​ទាំង​នោះ​មក​ជួប​ឪពុក​ម្តាយ​ពួក​គេ​វិញ។​ ហើយ​អាជ្ញាធរ​ត្រូវ​ចាត់​វិធានការណ៍​ថ្មី​មួយ​ចៀស​វាងការ​បំបែក​បំបាក់​របៀប​នេះ​នា​ពេល​អនាគត៕​

តើបារាំងពិតជាអាចរាំងខ្ទប់ឥទ្ធិពលរបស់ចិននៅអាហ្វ្រិកដូចការចង់បានដែរឬទេ?

វិស័យ​ទេសចរណ៍​ក៏ដូច​ជា​វិស័យ​វិនិយោគ ក្រុម​ឧត្តមសេនីយ​ថៃងាក​រក​ចិន​ជា​ជាង​អាមេរិក

បោះឆ្នោតថៃ៖ ​លោកប្រាយុទ្ធ​នៅតែអាច​ធ្វើ​នាយករដ្ឋមន្រ្តី​ដោយ​មិន​ចាំបាច់​ឈ្នះបាន​សំឡេង​ភាគច្រើន

ករណី​លែងលះ​កើនឡើង​ធ្វើឲ្យ​គូស្នេហ៍​ជប៉ុន​គិតគូរពីការចុះកិច្ចសន្យាអាពាហ៍ពិពាហ៍

តើ​រថយន្តអគ្គិសនី​អាច​ជួយ​បរិស្ថាន​បាន​ប៉ុណ្ណា?

ដើម្បីទប់​នឹង​ឥទ្ធិពល​របស់​ចិន បារាំង​ផ្តើម​ទៅ​បបោស​អង្អែល​ជីប៊ូទី​ដែល​ជា​ដៃគូ​យុទ្ធសាស្រ្ត និង​ប្រវត្តិសាស្រ្ត​របស់​ខ្លួន

ស្ថានភាព និង​តួនាទី​ស្ត្រី ក្នុងប្រទេស​រុស្ស៊ី​សម័យថ្មី

ជម្លោះ​តំបន់កាស្មៀរ​មិនមែន​គ្រាន់តែ​ជា​ជម្លោះ​ព្រំដែន​រវាង​ឥណ្ឌា​និង​ប៉ាគីស្ថាន​

ហេតុអ្វី​បានជា​ក្រុមហ៊ុន​ផលិត​រថយន្ត​នាំគ្នា​ផ្តោត​ខ្លាំង​លើ​រថយន្ត​ដើរ​ដោយ​អគ្គិសនី?

ហេតុអ្វី​បាន​ជា​ពលរដ្ឋ​អាល់ហ្សេរី​ប្រឆាំង​នឹង​ការ​ឈរ​ឈ្មោះ​ប្រធានាធិបតី​របស់​លោក​អាប់ឌែលឡាហ្ស៊ីស ប៊ូតេហ្វ្លីកា​សម្រាប់​អាណត្តិ​ទី៥?

វិសមភាពសង្គម ​និង​ចល័តភាព​នៃ​ចំណូល​ក្នុង​បណ្តា​ប្រទេស​រីកចម្រើន

បារាំងចង់​​ឱ្យ​ចិន​មាន​តម្លាភាព​ក្នុងរឿង​ផ្តល់​ប្រាក់​ឱ្យ​ប្រទេស​​ក្រីក្រ​ខ្ចី

ហេតុអ្វី​បានជា​ប្រទេសចិន​ នៅតែ​ជាអ្នក​មាន​តួនាទី​សំខាន់​ចំពោះ​ជំនួប​ត្រាំ​-គីម​?

អេហ្ស៊ីប៖​អឺរ៉ុប និង​អារ៉ាប់​បញ្ជាក់​ពី​ភាព​ចាំបាច់​ក្នុង​ការ​ដោះស្រាយ​ជម្លោះ​នៅ​មជ្ឈិមបូព៌ា តែ​ចៀសវាង​ប្រធាន​រឿង​ចម្រូងចម្រាស

អព្ភូតហេតុ​នៃ​​សេដ្ឋកិច្ច​វៀតណាម​

ហេតុអ្វី​ប្រទេស​រុស្ស៊ី​ ចង់​ចង​សម្ព័ន្ធភាព​ជាមួយ​ប្រទេស​ចិន​ទៅវិញ?​

​អ្នក​នយោបាយ​​បារាំង ប្រមូល​ផ្តុំគ្នា​ប្រឆាំង​នឹង​ការរើសអើង​ជាតិ​ជ្វីហ្វ

សេដ្ឋកិច្ច និង​ឥទ្ធិពល​ជា​កម្មវត្ថុ​នៃ​ដំណើរ​ទស្សនកិច្ច​មួយជុំ​តំបន់អាស៊ី​របស់​រាជទាយាទ​អារ៉ាប៊ីសាអូឌីត​បេន សាលម៉ាន

ការ​ព្យាករណ៍​សេដ្ឋកិច្ច​សាកល​​​សម្រាប់​​​​ឆ្នាំ​​​២០១៩​​

ហេតអ្វី​បានជា​អូស្ត្រាលី​ ខិតខំ​ពង្រឹង​វិស័យ​ការពារជាតិ​ខ្លាំងម្ល៉ោះ​?