ក្មេង១៣នាក់នៅថៃ មានម្នាក់ត្រូវក្រុមគ្រួសាររង់ចាំធ្វើខួបកំណើតជូន
ក្នុងចំណោមកុមារទាំង១២នាក់ គឺមានក្មេងប្រុសម្នាក់ដែលមានថ្ងៃកំណើត គម្រប់១៦ឆ្នាំ នៅថ្ងៃទី២៣មិថុនា គឺជាថ្ងៃដែលគេបានបាត់ដំណឹងតែម្តង។ រូបគេខកខាតមិនបានប្រារព្ធពិធីខួបកំណើត ដោយសារតែជាប់ក្នុងរូងភ្នំ ចំនួន១១ថ្ងៃមកហើយ ក្នុងខេត្តឈៀងរ៉ៃ ជាប់ក្បែរប្រទេសឡាវនិងភូមា។
ចុះផ្សាយនៅថ្ងៃ៖ កែប្រែថ្ងៃទី៖
Phunphatsa Sompiengjai ជាបងស្រីរបស់កុមារាម្នាក់ ដែលកំពុងជាប់កុនក្នុងរូងភ្នំ។ នាងរង់ចាំប្អូនប្រុស ដោយបានរៀចចំជាស្រេចនូវនំខួបកំណើត ដើម្បីចាំទទួលប្អូន។ នាងប្រាប់អ្នកកាសែតថា «នំខែកសម្រាប់ខួបកំណើត គឺរក្សាទុកក្នុងទូទឹកកកជាស្រេច។ Night ( រាត្រី ឈ្មោះហៅក្រៅរបស់ក្មេងប្រុសនោះ) មានអាយុ១៦ឆ្នាំ នៅយប់ថ្ងៃទី២៣។»
ពេលមើលវីដេអូដែលក្រុមជួយសង្គ្រោះបង្ហោះផ្សាយចេញពីរូងភ្នំ ម្តាយរបស់ Night បានថ្លែងទាំងក្តីរំភើបនិងរន្ធត់ផងថា «ខ្ញុំឃើញកូនរបស់ខ្ញុំហើយ។ នោះ ក្មេងប្រុសពាក់អាវយឺតព័ណ៌ក្រហមស។ គេនិយាយថា សួស្តី ខ្ញុំឈ្មោះ Night ។ ខ្ញុំសុខសប្បាយទេ»។ ម្តាយរបស់ Night បន្តថា «ល្អណាស់ដែលដឹងថាកូនប្រុសខ្ញុំមានសុវត្ថិភាព។ ប៉ុន្តែវារឹតតែប្រសើរ បើគេអាចចាកចេញពីរូងភ្នំនោះកាន់តែឆាប់។ »
គួរជម្រាបថា នៅពេលនេះ ក្រុមកុមារទាំង១២និងគ្រូបង្វឹករបស់គេម្នាក់ ត្រូវអាជ្ញាធរនិងក្រុមជួយសង្គ្រោះបានរកឃើញហើយ ប៉ុន្តែពួកគេនៅតែមិនទាន់អាចជម្លៀសចេញពីរូងភ្នំនៅឡើយ។ ក្រុមសង្គ្រោះកំពុងញាប់ដៃញាប់ជើងរកវិធីសាស្ត្រនាំពួកគេចាកចេញពីរូង៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ