rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

គម្រោង​ដាក់​ទណ្ឌកម្ម​ប្រឆាំង​រដ្ឋាភិបាល​ស៊ីរី​ធ្លាក់ទឹក​ជា​លើក​ទីបី

ដោយ ឈាង បុប្ផា

កាលពីថ្ងៃ​ព្រហស្បតិ៍ ទី ១៩ កក្កដា ក្រុមប្រឹក្សា​សន្តិសុខ​របស់​អង្គការ​សហប្រជាជាតិ​បាន​បរាជ័យ​ជាថ្មី មិន​អាច​អនុម័ត​សេចក្តី​សម្រេច​ស្តីពី​វិបត្តិ​ស៊ីរី។ រុស្ស៊ី និង​ចិន ដែល​ជា​សមាជិក​អចិន្រ្តៃយ៍​របស់​ក្រុមប្រឹក្សា​សន្តិសុខ​បាន​ធ្វើ​វេតូ​មិន​ឲ្យ​គេ​ដាក់​ទណ្ឌកម្ម​ទៅលើ​រដ្ឋាភិបាល​លោក​Bachar Al Assad ដែល​ជា​សម្ព័ន្ធមិត្ត​របស់​ខ្លួន។

ក្រុមប្រឆាំង​វិញ​ទើប​វាយ​ដណ្តើម​បាន​បុស្តិ៍​ច្រក​ត្រួតពិនិត្យ​របស់​រដ្ឋាភិបាល ដែល​ស្ថិតនៅ​តាមព្រំដែន​រវាង​ស៊ីរី​ជាមួយ​តួកគី និង​អ៊ីរ៉ាក់ កាលពីថ្ងៃព្រហស្បតិ៍ ​ម្សិលមិញ។ នៅថ្ងៃ​ដែល​អង្គការ​សហប្រជាជាតិ​បរាជ័យ មិន​អាច​ចេញសេចក្តី​សម្រេច ​មនុស្ស​ជាង ២៤៨​នាក់​ត្រូវ​គេ​បាញ់សម្លាប់ នៅក្នុង​ប្រទេស​ស៊ីរី។

ក្នុង​រយៈពេល​មួយឆ្នាំ​ដែល​ការបះបោរ និង​អំពើ​ហិង្សា​ផ្ទុះ​ឡើង នៅស៊ីរី នេះ​ជា​លើកទីបី ដែល​រុស្ស៊ី និង​ចិន ដែល​ជាសមាជិក​ក្រុមប្រឹក្សា​សន្តិសុខ ធ្វើ​វេតូ ប្រឆាំង​មិន​ឲ្យ​មិន​ឲ្យ​អង្គការ​សហប្រជាជាតិ​បោះឆ្នោត​អនុម័ត​សេចក្តីសម្រេច​ដើម្បី​ដាក់​ទណ្ឌកម្ម​ទៅលើ​របប​ស៊ីរី។

គ្រប់គ្នា​សំដែង​ខកចិត្ត​ខ្លាំង ក្រោយ ពេល​ចិន និង​រុស្ស៊ី ធ្វើវេតូ។ ប្រទេស​លោកខាងលិច​ដែល​នាំមុខ​ដោយ អាមេរិក អង់គ្លេស និង​បារាំង បានចោទ រុស្ស៊ី និង​ចិន​ថា កំពុង​ការពារ​របប​ឃោរឃៅ​របស់​លោកBachar Al Assad។

រុស្ស៊ីវិញ បាន​និយាយ​ការពារ​ខ្លួន ដោយ​លើកឡើង​ថា សេចក្តីសម្រេច​រៀបចំ​ដោយ​ប្រទេស​លោកខាងលិច​មាន​ចេតនា ដាក់​ទណ្ឌកម្ម​សេដ្ឋកិច្ច តែ​ទៅលើ​រដ្ឋាភិបាល ប៉ុន្តែ គ្មាន​ដាក់​សម្ពាធ​ទៅលើក្រុមប្រឆាំង​ស៊ីរី។

ម្យ៉ាងវិញ តាម ចិន និង​រុស្ស៊ី សេចក្តី​សម្រេច​លើកនេះ​មាន​ន័យ​​បើកផ្លូវ​ឲ្យ​មាន​អន្តរាគម​ទ័ព​បរទេស នៅក្នុង​ប្រទេស​ស៊ីរី។ ប្រទេស​ធ្វើ​វេតូ​ទាំងពីរ​​ចង់​សំដៅ​ដល់​ទៅ​ជំពូក​ទី ៧ របស់​សេចក្តី​សេចក្តី​សម្រេច ព្រោះថា ជំពូក​ទី​៧​នេះ ធ្លាប់​ត្រូវ​បាន​គេ​ប្រើ​ម្តង​រួចហើយ ដើម្បី​អនុញ្ញាត​ឲ្យ​មាន​អន្តរាគម​ទ័ព​បរទេស នៅក្នុង​ប្រទេស​លីប៊ី។

ប៉ុន្តែ ប្រទេស​លោកខាងលិច​បាន​និយាយថា ជំពូក​ទី ៧​លើកនេះ​មិន​ដូច​លើកមុន ព្រោះ​វា​ត្រូវ​បាន​ចង​ទៅនឹង​មាត្រា​ទី​៤១ របស់​អង្គការ​សប្រជាជាតិ ដែល​ប្រឆាំង​អន្តរាគម​ទ័ព​បរទេស។សេចក្តី​សម្រេច​ដែល​ចងក្រង​ដោយ​ប្រទេស​លោកខាងលិច មាន​និយាយ​តែ​ពីការ​ដាក់​ទណ្ឌកម្ម​សេដ្ឋកិច្ច ក្នុង​ករណី​ដែល ក្នុង​រយៈពេល ១០ថ្ងៃ របបលោក​Bachar Al Assad ខកខាន មិន​បញ្ឈប់​អំពើ​ហិង្សា មិន​ព្រមដកទ័ព និង​អាវុធ​ធុនធ្ងន់​ចេញ​ពី​ទីក្រុង​រប់ស​ក្រុមប្រឆាំង។

យ៉ាងណាក៏ដោយ លើកនេះ រុស្ស៊ី និង​ចិន​នៅតែមិន​ទុកចិត្ត ព្រោះ កាល​ពីក្នុង​ពេល​មាន​វិបត្តិនៅ​លីប៊ី  រុស្ស៊ី និង​ចិន​បាន​បោះឆ្នោត​អនុប្បវាត ដែល​ជាហេតុ​ធ្វើ​ឲ្យ​ក្រុមប្រឹក្សា​សន្តិសុខ​អាច​ចេញ​សេចក្តី​សម្រេច​មួយ ដែល​អនុញ្ញាត​ឲ្យ​ទ័ព​អូតង់​ធ្វើ​អន្តរាគម​ផ្នែកអាកាស នៅ​ក្នុង​ប្រទេស​លីប៊ី។ ចិន​ដែល​បោះឆ្នោត​អនុប្បវាត ក្រោយ​មក​ក៏​រិះគន់​ប្រតិបត្តិការ​របស់​ទ័ព​អូតង់។ តាមទីក្រុង​ប៉េកាំង គេ​បាន​រំលោភសេចក្តី​សម្រេច​របស់​អង្គការ​សហប្រជាជាតិ​ដោយ​បាន​ប្រើ​កម្លាំងយោធា ដើម្បី​ជួយ​តែ​ក្រុមប្រឆាំង ផ្តួលរំលំ​មេដឹកនាំ​ប្រទេស​មួយ។

យើង​ដឹង​ហើយ​ថា តាំងពីណា ពីណីមក នយោបាយ​របស់​ចិន គឺ​មិនចង់​លូកដៃ​ក្នុង​កិច្ចការផ្ទៃក្នុង​ប្រទេស​មួយ ហើយ​ក៏​មិន​ចង់​ឲ្យ​គេ​យក​សេចក្តីសម្រេច​របស់​អង្គការ​ប្រជាជាតិ​ដាក់​សម្ពាធ​លើ​របបដឹកនាំ​ប្រទេស​ណាមួយ ដូច​ជានៅលីប៊ី ឬ​ស៊ីរី​បច្ចុប្បន្ន។ មើលទៅ ចិន​ដែល​ចង់​គោរព មិន​លូកលាន់​ក្នុង​កិច្ចការផ្ទៃក្នុង​ប្រទេស​គេ​ផ្សេង ព្រោះតែ​ចិន​ក៏​មិន​ចង់​ឲ្យ​ប្រទេស​ដទៃ​លូកដៃ​ក្នុង​កិច្ចការ​ផ្ទៃក្នុង​របស់ខ្លួន។ ជាក់ស្តែង វិបត្តិនៅទីបេ ឬ​ការបះបោរ​នៅ​ស៊ីនជាំង ចិន​បាន​ចាត់ទុក​ជា​វិបត្តិ​ផ្ទៃក្នុង និង​ធ្លាប់​ព្រមាន​មិន​ឲ្យ​អន្តរជាតិ​លូកដៃ​អន្តរាគមអ្វីដែរ។

សេចក្តីសម្រេច​ថ្មី​ដើម្បី​ពន្យា​បេសកកម្ម​របស់​ក្រុមអ្នកសង្កេតការណ៍​អសប

អង្គការ​សហប្រជាជាតិ​នឹង​ត្រូវ​សម្រេច នៅថ្ងៃ​សុក្រនេះ ពីអនាគត​វត្តមាន​របស់​ទ័ពមួកខៀវ ៣០០​នាក់ ដែល​ត្រូវ​បញ្ចប់​អាណត្តិ​របស់ខ្លួន នៅ​យប់​ថ្ងៃ​សុក្រ​នេះដែរ។ ទោះជា​ក្រុមប្រឹក្សា​សន្តិសុខ​ខកខាន​ក្នុង​ការអនុម័ត​សេចក្តីសម្រេច ប៉ុន្តែ គ្មាន​ប្រទេស​ណាមួយដែល​ចង់ឃើញ​ក្រុមអ្នកសង្កេតការណ៍​អង្គការ​សហប្រជាជាតិ​បញ្ចប់​ការងារ​ត្រឹមណេះដែរ។ អង់គ្លេស​ស្នើ​ឲ្យ​គេ​បន្ត​តែ​៣០ថ្ងៃ ប៉ុន្តែ ប៉ាគីស្ថាន ដែល​គាំទ្រ​ដោយ​រុស្ស៊ី​បាន​ស្នើ​សេចក្តីសម្រេច​មួយ​ដែល​ចង់​ឲ្យ​ក្រុមមួយខៀវ​ស្ថិតនៅ​បន្ត នៅស៊ីរី​ ៤៥​ថ្ងៃទៀត។ សម្រាប់​អាមេរិក និង​អង់គ្លេស ការបន្តពន្យារ​ពេល​ក្រុមមួយខៀវ នៅ​ស៊ីរី ជារឿង​គ្មាន​ប្រយោជន៍ និង​គ្រោះថ្នាក់​សម្រាប់​ក្រុមនេះ ដែល​គ្មាន​អាវុធ​ក្នុង​ដៃ។ ហើយ​ការងារ​របស់ពួកគេ​បាន​ព្យួរផ្អាក តាំង​ពី​ពាក់​កណ្តាល​មិថុនា ដោយសារ​តែ​ភាគី​ទាំងពីរ រដ្ឋាភិបាល​ស៊ីរី និង​ក្រុមប្រឆាំង មិន​បាន​គោរព​បទឈប់បាញ់​របស់​លោក​កូហ្វី អាណាន់។

ម្យ៉ាងវិញទៀត បើទោះ​ជាក្រុមប្រឹក្សា​សន្តិសុខ​បរាជ័យ​មិនអាច​ចេញសេចក្តីសម្រេច អាមេរិក​ដែល​នាំមុខ​ក្នុង​ក្រុមប្រទេស​មិត្ត​ស៊ីរី ក្នុង​នោះ មាន​ការចូលរួម​ពី​ប្រទេស​អារ៉ាប់​មួយ​ចំនួន​ផង បាន​និយាយ​ថា អាមេរិក​នឹង​បន្ត​ធ្វើ​ការងារ​ជាមួយ​ប្រទេស​លោកខាងលិច​ផ្សេងទៀត និង​ក្រុមប្រឆាំង​ស៊ីរី ដើម្បី ដាក់​សម្ពាធ​ទៅលើ​រដ្ឋាភិបាល​លោក​Bachar Al Assad។ អាមេរិក​អាច​ផ្គង់ផ្គង់​ព័ត៌មាន​ដល់​ក្រុមទាហាន​ប្រឆាំង ចំណែក​ប្រទេស​កាតា និង​អារ៉ាប៊ី សាអ៊ូឌីត​វិញ ជា​អ្នកផ្តល់អាវុធ​ដល់​ទាហាន​ស៊ីរី​សេរី។

នៅ​ក្នុង​ការប្រយុទ្ធ​ប៉ុន្មាន​ថ្ងៃនេះ គេឃើញ​ថា ក្រុមទាហាន​ស៊ីរី​សេរី កាន់តែ​មាន​បទពិសោធន៍ និង​បច្ចេកទេស​ប្រយុទ្ធ​ជាងមុន ព្រោះថា បើទោះជា​ត្រូវ​ប្រឈម​នឹង​អាវុធ​ធុនធ្ងន់​របស់​កងទ័ព​រដ្ឋាភិបាល ក្រុមទាហានបះបោរ​បាន​សម្រុក​វាយ​ទៅលើ​ទ័ព​រដ្ឋាភិបាល​ដល់​ទីក្រុង នេះ​គេ​នៅមិនទាន់​រាប់បញ្ចូល​ពី​ជ័យជំនះ​របស់​ក្រុមប្រឆាំង​ដែល​ទើប​វាយ​ដណ្តើម​បាន​បុស្តិ៍​ច្រកត្រួតពិនិត្យ​របស់រដ្ឋាភិបាល ដែល​ស្ថិតនៅ​តាមព្រំដែន​តួកគី និង​អ៊ីរ៉ាក់ កាលពីថ្ងៃ​ម្សិលមិញ។

មើលទៅ​សេណារីយ៉ូ ស្ថានភាព​ស៊ីរី​កាន់​តែ​ដូច​ស្ថានភាព​នៅលីប៊ី មុន​ពេល​ដែល​លោក​កាដាហ្វ៊ី​បាក់ទ័ព​ចាញ់​ក្នុង​ដៃ​របស់ក្រុមប្រឆាំង។ គ្រាន់តែ​ថា នៅស៊ីរី ដោយសារ​តែ​គ្មាន​អន្តរាគមន៍​ទ័ព​បរទេស លោកប្រធានាធិបតី​Bachar Al Assad អាច​នៅក្រាញអំណាច​បាន​យូរ​ជាង​បន្តិច។ ប៉ុន្តែ មិន​យូរមិនឆាប់ ការបែកបាក់​ផ្ទៃក្នុង​ជួរកងទ័ព និង​ការដើរចេញ​របស់​មន្រ្តី​សំខាន់ៗ​របស់​រដ្ឋាភិបាល នឹង​ធ្វើ​ឲ្យលោក​Bachar Al assad ​ចុះទន់ខ្សោយ នោះ​បើទោះជា​មាន​ការគាំទ្រ​ពី​រុស្ស៊ី និង​ចិន​យ៉ាងណា​ក៏ដោយ៕

បារាំង៖ មួយ​ឆ្នាំក្រោយ ចលនា​បាតុកម្ម​អាវកាក់​លឿង​ព្យាយាម​ស្ទុះ​តវ៉ា​ឡើងវិញ

អាមេរិក និងអឺរ៉ុប ខ្វែងគំនិតគ្នា​ជុំវិញ ការចាប់បញ្ជូន​ទាហានជីហាត​ទៅប្រទេស​កំណើត

សវនាការសួរចម្លើយសាក្សីជាសាធារណៈលើកទី១ នៅក្នុងដំណើរការដកតំណែងប្រធានាធិបតី

លោកដូណាល់ ត្រាំ ទទួល​ជួប​លោក អ៊ែរដូហ្កាន់ បើ​ទោះបី​មាន​ការ​រិះគន់​និង​រកាំ​រកូស​ខ្លាំង

វេទិកាសន្តិភាព លើកទីពីរ បើកធ្វើនៅប៉ារីស មានអ្នកចូលរួម៦ពាន់នាក់

ប្រធានាធិបតី បូលីវី ប្រកាស​លាលែង​ពីមុខ​តំណែង នៅក្រោយ កងទ័ព​ដោះដៃចោល

៣០ឆ្នាំក្រោយ​ការរលំជញ្ជាំងប៊ែរឡាំង អត្តសញ្ញាណអាល្លឺម៉ង់នៅ​តែ​ប្រេះស្រាំ

ប្រធានាធិបតីបារាំង​វាយតម្លៃ​ថា បក្សសម្ព័ន្ធ​អូតង់​ដូចជា​ស្លាប់

ការផ្សាយពាណិជ្ជកម្ម​​ឃោសនា​​នយោបាយ ជា​បញ្ហា​​ចម្រូង​ចម្រាស​ចំពោះ​ក្រុម​ហ៊ុន​ប្រព័ន្ធ​​ទាក់ទង​សង្គម​

អាមេរិកផ្តើម​នីតិវិធី​​ដកខ្លួនជាផ្លូវការពី ​កិច្ចព្រមព្រៀងស្តីពីអាកាសធាតុ

ថៃ៖អាមេរិកប្រើវេទិកាអាស៊ានវាយប្រហារចិន និងថា អាមេរិកមិនបោះបង់អាស៊ានទេ

ថៃ៖ចិនប្តេជ្ញាបន្តការងារជាមួយអាស៊ានដើម្បីឈានទៅសម្រេចក្រមប្រតិបត្តិស្តីពីសមុទ្រចិនខាងត្បូង

សភាអាមេរិក​​បោះឆ្នោត​លើ​សេចក្តីសម្រេច​បើក​នីតិវិធី​ទម្លាក់​ដូណាល់ ត្រាំ ជាផ្លូវការ

គ.ជ.ប.ហុងកុង​​ច្រាន​ចោល​បេក្ខភាព​ឈរឈ្មោះ​​របស់​សកម្មជន​ប្រជាធិបតេយ្យ Joshua Wong

តើប្រមុខអង្គការរដ្ឋអ៊ីស្លាមឈ្មោះ អាប៊ូ បា អាល់ បាដាឌីពិតជាបានស្លាប់មែន ឬ?

អាមេរិកមានឱនភាពថវិកាធ្ងន់ធ្ងរខ្លាំង​ ដោយសារ​សង្គ្រាម​ពាណិជ្ជកម្ម ?

បូលីវី៖ ប្រធានាធិបតី​ម៉ូរ៉ាល់​ ហៅការ​ប្រឆាំងតវ៉ា​លើលទ្ធផលបោះឆ្នោត​របស់​ក្រុម​អ្នកប្រឆាំង​ថា​ជាទង្វើ​ធ្វើរដ្ឋប្រហារ​

កាណាដា ៖ លោកទ្រុយដូ ជាប់​អាណត្តិ​ថ្មី តែ​គ្មាន​សំឡេង​ភាគច្រើន​នៅ​ក្នុង​សភា

វិបត្តិ​ស៊ីលី​៖ មនុស្ស​យ៉ាងហោច​៧ នាក់​ស្លាប់​ ទោះបី​មាន​ការ​ដាក់​ប្រទេស​ក្នុង​ភាព​អាសន្ន​

ឥណ្ឌូណេស៊ី ៖ លោក​ប្រធានាធិបតី ផ្តើម​អាណត្តិទីពីរ ក្នុង​បរិបទ​នៃ​ភាព​មិន​ទុក​ចិត្ត