វីរ៉ុសH7N9នៃជំងឺគ្រុនផ្តាសាយបក្សីបន្តសម្លាប់មនុស្សនៅក្នុងប្រទេសចិន
មានស្លាប់៦នាក់ ព្រោះជំងឺគ្រុនផ្តាសាយបក្សី ! នេះបើតាមតួលេខចុងក្រោយផ្តល់ដោយអាជ្ញាធរចិន ! នៅភាគខាងកើតប្រទេស អាជ្ញាធរតំបន់បន្តយុទ្ធនាការសម្លាប់សត្វបក្សីនៅតាមកសិដ្ឋាននានា ចំណែកនៅក្រុងសៀងហៃវិញ អាជ្ញាធរសុខាភិបាលបានប្រកាសបិទទ្វារទីផ្សារលក់ដូរសត្វមាន់ទារស់តែម្តង ដើម្បីចៀសវាងការរាតត្បាត ព្រោះ វីរ៉ុសH7N9 នៃជំងឺគ្រុនផ្តាសាយបក្សីរហូតមកទល់នឹងពេលនេះឆ្លងតាមរយៈការប៉ះពាល់ជាមួយនឹងបក្សី ពុំមានធ្វើការឆ្លង ធ្វើមនុស្សទៅមនុស្សទេ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:០៧
វិរ៉ុស H៧ N៩ នៃ ជម្ងឺ គ្រុនផ្តាសាយ បក្សី ទំនងជាគ្មានការឆ្លងពីមនុស្សទៅមនុស្សឡើយ។ ក៏ប៉ុន្តែ អាជ្ញាធរសុខាភិបាល នៅហុងកុង បានប្រកាសដាក់ស្ថានភាពអាសន្ននិងចាត់វិធានការប្រុងប្រយ័ត្នខ្ពស់នៅតាមអាកាសយាន្តដ្ឋាន។
នៅអាកាសយានដ្ឋានក្នុងប្រទេសជប៉ុនវិញ អាជ្ញាធរជប៉ុន បានបិទប្រកាសធំៗ អំពាវនាវដល់អ្នកដំណើរដែលមកពីប្រទេសចិន ឲ្យប្រាប់ដល់អាជ្ញាធរជប៉ុន ភ្លាម ប្រសិនបើពួកគេគិតថាខ្លួនមានផ្ទុកវីរ៉ុសគ្រុនផ្តាសាយបក្សី។
ករណីគ្រុនផ្តាសាយបក្សីចំនួន១៤ ត្រូវបានរកឃើញនៅភាគខាងកើតប្រទេសចិន ហើយ ជន ៥នាក់បានស្លាប់។ អ្នកជម្ងឺពីរនាក់ចុងក្រោយ បានស្លាប់នៅថ្ងៃព្រហស្បតិ៍ម្សិលមិញនៅក្រុងសៀងហៃ។
អាជ្ញាធរក្រុងសៀងហៃ បានរកឃើញវីរ៉ុសគ្រុនផ្តាសាយបក្សីនៅក្នុងéchantillon ដែលគេយកចេញពីសត្វព្រាបនៅក្នុងទីផ្សារធំមួយ។ នេះជាលើកទីមួយហើយដែលគេរកឃើញវិរ៉ុសនៅលើសត្វមួយចាប់តាំងពីការលេចឡើងនូវវីរ៉ុសប្រភេទថ្មីនេះ និងបានប្រកាសបិទទីផ្សារលក់សត្វមាន់ទាមួយរយៈ។
នាយកដ្ឋានមួយទទួលបន្ទុកការប្រយុទ្ធប្រឆាំងទល់នឹងវីរ៉ុសគ្រុនផ្តាសាយបក្សី សហការសម្របសម្រួលគ្នានិងការរៀបចំប្រព័ន្ធអនាម័យនៅទូទាំងប្រទេស កំពុងពង្រឹងវិធានការការងារ។
ក្រសួងសុខាភិបាលចិន ថែមទាំងបានសន្យាថា នឹងផ្គត់ផ្គង់នូវបណ្តាញទូរគមនាគមន៍និងព័តមានដល់អង្គការសុខភាពពិភពលោក OMS ដល់បណ្តាប្រទេសនិងតំបន់នានាដែលជាប់ពាក់ព័ន្ធ ជាពិសេសចាត់វិធានការត្រួតពិនិត្យនិងវិធានការបង្កាការពារទុកដើម្បីប្រឆាំងទល់នឹងជម្ងឺគ្រុនផ្តាសាយបក្សី។
ការប្រកាសស្ថានភាពអាសន្ននៅក្រុងហុងកុង គ្រោងទុកការត្រួតពិនិត្យក្នុងកំរិតខ្ពស់នៅតាមទីកន្លែងចិញ្ចឹមសត្វ ធ្វើយុទ្ធនាការចាក់វ៉ាក់សាំងនិងសម្លាប់សត្វក៏ព្រមទាំងផ្អាកការនាំចូលសត្វមាន់ទានៅរស់មកពីប្រទេសចិន។ ម្យ៉ាងទៀត រាល់ការនាំមាន់ទាចូលក្នុងប្រទេសវៀតណាមត្រូវហាមឃាត់ដែរ។
នៅសហរដ្ឋអាមេរិក មណ្ឌលត្រួតពិនិត្យនិងការពារជម្ងឺ បានជូនដំណឹងដែរថាបានតាមដានយ៉ាងស្អិតបំផុត ស្ថានការណ៍នេះដោយបានបញ្ជាក់ផងដែរថា ការងារមួយត្រូវបានចាប់ផ្តើមឡើងហើយដើម្បីសម្រេចរកឲ្យឃើញនូវវ៉ាក់សាំងមួយដើម្បីទប់ស្កាត់នឹងវីរ៉ុសគ្រុនផ្តាសាយបក្សីនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ