គណបក្សនិន្នាការប្រឆាំងនឹងរដ្ឋាភិបាលផុតអាណត្តពីរបានសម្លេងឆ្នោតនាំមុខគេ
ការបោះឆ្នោតសភានៅអ៊ីរ៉ាក់កាលពីថ្ងៃសៅរ៍ទី១២ឧសភាមុននេះ បានធ្វើឲ្យគេភ្ញាក់ផ្អើលខ្លាំង។ បើយោងតាមលទ្ធផលខ្លះៗនៅថ្ងៃចន្ទនេះ បានអោយដឹងថា“បក្សចំនួនពីរ ដែលប្រឆាំងនឹងរដ្ឋាភិបាល បានសម្លេងឆ្នោតនាំមុខគេ ឈ្នះលើបក្សរបស់នាយករដ្ឋមន្ត្រីអ៊ីរ៉ាក់ផុតអាណត្តិ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១២
ការបោះឆ្នោតសភាអ៊ីរ៉ាក់កាលពីថ្ងៃសៅរ៍មុននេះ បានធ្វើឲ្យមតិទូទៅមានការភ្ញាក់ផ្អើលខ្លាំង។ ដោយហេតុថា សម្ព័ន្ធភាពថ្មីរបស់មេដឹកនាំសាសនាអ៊ីស្លាមនិកាយស្ហ៊ីអ៊ីតរបស់លោក Moqtada Sadr ស្និទ្ធនឹងអារ៉ាប៊ីសាអ៊ូឌីតនិងបក្សកុម្មុយនិស្តិរបស់លោក Hachd a-Cahabi ដែលមានកម្មវិធីនយោបាយប្រយុទ្ធប្រឆាំងទល់នឹងអំពើពុករលួយ បានសម្លេងឆ្នោតនាំមុខគេនៅក្នុងខែត្រ៦ក្នុងចំណោមខេត្តទាំងអស់ចំនួន ១៨ និងនៅលំដាប់ទីពីរ នៅក្នុងខេត្ត៤ផ្សេងទៀត-នេះបើយោងតាមលទ្ធផលផ្លូវការ ដែលគេរាប់បានមួយភាគ កាលពីយប់ថ្ងៃអាទិត្យឆ្លងមកថ្ងៃចន្ទទី១៤ឧសភានេះ។
ចំណែក ចលនារបស់លោក Hachd a-Cahabi ដែលធ្លាប់ជួយវាយប្រយុទ្ធជាមួយកងទ័ពអ៊ីរ៉ាក់នៅក្នុងប្រយុទ្ធប្រឆាំងរហូតដល់ឈ្នះអង្គការរដ្ឋអ៊ីស្លាម បានសម្លេងឆ្នោតនាំមុខគេនៅក្នុងខេត្តចំនួន ៤ ។ នៅក្នុងបញ្ជីនៃបក្សនេះ ដែលមានអ្នកទទួលខុសត្រូវជាច្រើនស្និទ្ធនឹងប្រទេសអ៊ីរ៉ង់ ស្ថិតនៅលំដាប់ទីពីរនៅក្នុងខេត្តចំនួន៨ផ្សេងទៀត។
ចំណែកនាយករដ្ឋមន្ត្រីអ៊ីរ៉ាក់ លោកHaïder al-Abadi ដែលគាំទ្រដោយសហគមន៍អន្តរជាតិ បានទទួលសំឡេងឆ្នោតតិចជាងគេ នៅក្នុងខេត្តទាំងអស់ លើកលែងតែខេត្ត Ninive ចេញដែលជាក្រុងធំរបស់ Mossoul។
Mossoul ដែលជាអតីតធានីរបស់ពួកអង្គការរដ្ឋអ៊ីស្លាមជីហាត ។ នៅក្រុង Mossoul នេះហើយ ដែល លោក នាយករដ្ឋមន្ត្រីអ៊ីរ៉ាក់ ផុតអាណត្តិ ធ្លាប់បានប្រកាសជូនដំណឹងដែរអំពីការរំដោះក្រុងនេះបាន កាលពីខែកក្កដាឆ្នាំ២០១៧។
គួររំលឹកថា នៅក្នុងតំណាក់កាលលើកតំបូង បណ្តា អ្នកទទួលខុសត្រូវនយោបាយអ៊ីរ៉ាក់នានា បានទស្សន៍ទាយទុកជាមុនថា នាយករដ្ឋមន្ត្រីអ៊ីរ៉ាក់ផុតអាណត្តិ ជាអ្នកនាំមុខគេនៅក្នុងការបោះឆ្នោតសភានេះ និងបានទទួលអសនៈរហូតដល់ជាង៦០ផង។
ក៏ប៉ុន្តែតួលេខនេះ អាចនឹងប្រែប្រួល ដោយហេតុថា គេ នៅពុំរាប់នៅឡើយដែរសន្លឹកឆ្នោតរបស់កងកម្លាំងសន្តិសុខ អ៊ីរ៉ាក់ដែលមាន ចំនួនជិត ៧ សែននាក់ ក៏ព្រមទាំងសន្លឺកឆ្នោត ជិត១លានទៀត សន្លឹកទៀត របស់ប្រជាជនអ៊ីរ៉ាក់ដែលរស់នៅឯបរទេស៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ