សម្ព័ន្ធអារ៉ាប់ជាប់ឈ្មោះជាលើកទី១ក្នុងបញ្ជីខ្មៅ អ.ស.ប.
កងទ័ពសម្ព័ន្ធអារ៉ាប ដែលចូលរួមនៅក្នុងសង្រ្គាមយេម៉ែនក្រោមការដឹកនាំរបស់អារ៉ាប៊ីសាអ៊ូឌីត ស្ថិតនៅក្នុងបញ្ជីខ្មៅប្រចាំឆ្នាំរបស់អ.ស.ប.ជាលើកទី១។ អ.ស.ប. ដែលបានបរិហារ”ក្រុមប្រទេសនិងអង្គភាពនានា ថាបានប្រព្រឹត្តការធ្វើទុក្ខបុកម្នេញយ៉ាងហិង្សាទៅលើកុមារនៅក្នុងឆ្នាំ២០១៦។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:៤០
បញ្ជីខ្មៅរបស់អសប ដែលចុះនៅក្នុងឯកសារមួយភ្ជាប់ទៅនឹងរបាយការណ៍ស្តីពីបញ្ហាកុមារនិងជម្លោះប្រដាប់អាវុធ ត្រូវបានផ្សព្វផ្សាយជារៀងរាល់ឆ្នាំដោយអគ្គលេខាធិការនៃ អ.ស.ប។ ឯកសារនេះ ចេញផ្សាយជាសាធារណៈនៅថ្ងៃព្រហស្បតិ៍ម្សិលមិញ និងធ្វើកំណត់សំគាល់ថា “ដើម្បីស្តារភាពស្របច្បាប់របស់កងទ័ពខ្លួននៅយេម៉ែន កងសម្ព័ន្ធអារ៉ាបដែលនាំមុខដោយអារ៉ាប៊ីសាអ៊ូឌីត ត្រូវចាត់វិធានការយ៉ាងណា ដើម្បីកំរិតលើផលវិបាកនានា ពាក់ព័ន្ធនឹងកុមារ ក្នុងពេលធ្វើការវាយប្រយុទ្ធគ្នា។
ដោយពុំនិយាយចំឈ្មោះអារ៉ាប៊ីសាអ៊ូឌីត អគ្គលេខាធិការអ.ស.ប. លោក Antonio Guterres កាលពីម្សិលមិញ នៅក្នុងសេចក្តីជូនដំណឹងមួយ បានគូសបញ្ជាក់ប្រាប់ថា “កុមារជាង ៨ 0០០ នាក់ ត្រូវបានគេសម្លាប់ឬក៏បំពារបំពានដោយអំពើហិង្សានៅក្នុងសង្គ្រាមនៅយេមែននាឆ្នាំ ២០១៦ ដែលគេពុំអាចអត់អោនទោសអោយបានឡើយ។
ម្យ៉ាងទៀត គោលដៅនៃរបាយការណ៍ប្រចាំឆ្នាំនេះ ពុំគ្រាន់តែបរិហារ អំពីការធ្វើទុក្ខបុកម្នេញ ឬឃាតកម្ម និង ការបំពានលើភេទកុមារ ដែលត្រូវបានកែណ្ឌ ឬក៏ចាប់ជម្រិតជាថ្នូរប៉ុណ្ណោះនោះទេ ប៉ុន្តែ ក៏បានជម្រុញអោយភាគីជម្លោះទាំងអស់ ចាត់វិធានការយ៉ាងណាដើម្បីកុំឲ្យមានការប៉ះពាល់ទៅលើសិទ្ធកុមារនៅក្នុងសង្គ្រាម-នេះជាការបញ្ជាក់បន្ថែមរបស់លោក Guterres ។
ត្រង់ចំណុចនេះ លោក Guterres បានទទួលការលើកទឹកចិត្តដែរ ដោយរដ្ឋាភិបាលជាច្រើនប្រទេសនិងក្រុមសកម្មជនដែលពុំមែនជារដ្ឋ បាននាំគ្នា ចាប់ធ្វើការ ពីអំណេះតទៅហើយ ជាមួយនឹងអ.ស។
គួររំលឹកថានៅខែសីហាមុន ប្រទេសអារ៉ាប៊ីសាអ៊ូឌីត ដែលដឹកមុខកងសម្ព័ន្ធអារ៉ាបនិងបានជួយប្រយុទ្ធនៅក្នុងសង្គ្រាមនៅយេមែនតាំងពីឆ្នាំ២០១៥ បានគូសបញ្ជាក់នៅក្នុងសេចក្តីជូនដំណឹងមួយថា កងទ័ពសម្ព័ន្ធរបស់ខ្លួន បានគោរពយ៉ាងពេញលេញ កាតព្វកិច្ចរបស់ខ្លួននៅលើវិស័យច្បាប់អន្តរជាតិនិងច្បាប់មនុស្សធម៌។
របាយការណ៍របស់អគ្គលេខាធិការអសប បានគូសបញ្ជាក់ដែរថា” នៅយេមែន សកម្មភាពនានារបស់កងសម្ព័ន្ធអារ៉ាប បានបណ្តាលឲ្យកុមារចំនួន ៦៨៣នាក់បាត់បង់ជីវិតនៅក្នុងឆ្នាំ ២០១៦ នាអំឡុងការវាយប្រហារនៅសាលារៀនឬក៏មន្ទីរពេទ្យ។
ចំពោះ ប្រទេសយេមែនវិញ ឯកសាររបស់អគ្គលេខាធិការអសប បានចាត់ទុកសកម្មភាពរបស់ពួកឧទ្ទាមហ៊ូទី កងទ័ពរដ្ឋាភិបាលយេមែន និងអង្គការជីហាត Al-Qaïda ថា ជាសកម្មភាពឧក្រឹដ្ឋ និងក៏ជាអង្គភាពដែលខុសត្រូវនៅលើការ រិបអូសនិងធ្វីទុកបុកម្នេញបំពានទៅលើកុមារ តែដោយពុំមាន វិធានការណាមួយ សំរាប់ការពារកុមារនោះដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ