rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

អ៊ីស្រាអែល៖ លោក​ណេតាន់យ៉ាហ៊ូ ត្រូវ​រដ្ឋ​អាជ្ញា​ចោទ​ប្រកាន់​ពីបទ​ពុករលួយ

ដោយ ម៉ម ពិសី

កាលពីល្ងាចថ្ងៃព្រហស្បតិ៍ទី ២១ វិច្ឆិកា រដ្ឋអាជ្ញាអ៊ីស្រាអែល បានសម្រេចចោទប្រកាន់ជាផ្លូវការ​ ទៅលើលោក បេនយ៉ាមីន ណេតាន់យ៉ាហ៊ូ នាយករដ្ឋមន្ត្រីអ៊ីស្រាអែល ពីបទពុករលួយ កេងចំណេញនយោបាយ និងរំលោភលើសេចក្តីទុកចិត្ត។ លោកណេតាន់យ៉ាហ៊ូ បានចាត់ទុកការចោទប្រកាន់នេះ ថាគឺជា​ការឃុបឃិតគ្នាធ្វើរដ្ឋប្រហារ ក្នុងគោលបំណង​ រារាំងលោកមិនឲ្យបន្តតំណែងជានាយករដ្ឋមន្ត្រី។ គួរបញ្ជាក់ថា អ៊ីស្រាអែល កំពុងតែឆ្លងកាត់​នូវភាព​ជាប់គាំងនយោបាយ ដោយគណបក្សធំៗទាំង២ ដែលបានឈ្នះឆ្នោតកាលពី​ខែកញ្ញា នៅមិនទាន់​អាចរៀបចំរដ្ឋាភិបាលថ្មីបាននៅឡើយទេ ដោយសារតែគ្មានសម្លេងឆ្នោតគ្រប់គ្រាន់ក្នុងសភា។

លោកណេតាន់យ៉ាហ៊ូ បំបែកឯកត្តកម្ម

លោកណេតាន់យ៉ាហ៊ូ បានបំបែកឯកត្តកម្មច្រើនករណីណាស់ លើឆាកនយោបាយអ៊ីស្រាអែល។ នៅឆ្នាំ១៩៩៦ ក្នុងវ័យ​៤៧ឆ្នាំ លោកណេតាន់យ៉ាហ៊ូ បានក្លាយជានាយករដ្ឋមន្ត្រីអ៊ីស្រាអែល វ័យក្មេងជាងគេ។ ហើយបច្ចុប្បន្ននេះ លោកណេតាន់យ៉ាងហ៊ូ​ គឺជានាយករដ្ឋមន្ត្រីដែលបានកាន់តំណែងនេះ បានយូរឆ្នាំជាងគេ។ ឥឡូវពេលនេះ លោក​ណេតាន់យ៉ាហ៊ូ បានក្លាយជានាយករដ្ឋមន្ត្រីកំពុងបំពេញមុខងារ​​ ដំបូងគេដែលត្រូវតុលាការចោទពីបទពុករលួយ ចាប់តាំងពីរដ្ឋអ៊ីស្រាអែល បានចាប់បដិសន្ធិមក។

លោកណាតាន់យ៉ាហ៊ូ បានមានប្រតិកម្មភ្លាមៗ ដោយបានចោទទៅវិញថា អ្វីដែលគេកំពុងធ្វើមកលើករូបលោកនេះ គឺវា​មិនខុសអំពីការធ្វើរដ្ឋប្រហារ ដើម្បីទំលាក់លោកចេញពីតំណែងនាយករដ្ឋមន្ត្រីនោះទេ។ លោកលើកឡើងថា ការចោទប្រកាន់មកលើរូបលោក គឺធ្វើឡើយដោយក្រុមមនុស្ស ដែលជមានកម្មវត្ថុនយោបាយសុទ្ធសាធ។ តែយ៉ាងណា លោកអះអាងថា លោកនឹងតស៊ូប្រយុទ្ធ មិនចុះចាញ់ ហើយមិនលាលែងចេញពីតំណែងជាដាច់ខាត។

ដោយឡែក លោកបេនី ហ្កាន់ គូរប្រជែងនយោបាយ​របស់​លោក​ណេតាន់យ៉ាហ៊ូ  បានលើកឡើងថា គ្មាននរណាធ្វើរដ្ឋប្រហារនោះទេ។ វាជាការសម្រេចចោទប្រកាន់ ដោយឆ្លងកាត់ការស៊ើបអង្កេតដ៏ត្រឹមត្រូវរបស់រដ្ឋអាជ្ញា។ លោក បេនី ហ្កាន់ បានលើកឡើងទៀតថា លោកណេតាន់យ៉ាហ៊ូ ល្មមចុះចេញពីតំណែងទៅ ព្រោះកាន់តំណែង​យូរពេក ឡើងដុះស្នឹម ក្អេងក្អាង ហើយ​ពុលនឹងអំណាចខ្លួនឯង។

ពុករលួយ កេងចំណេញអំណាច រំលោភលើសេចក្តីទុក្ខចិត្ត

សំណុំរឿងដែលរដ្ឋអាជ្ញារសម្រេចចោទប្រកាន់​ គឺមាន​៣សំណុំរឿង។ សំណុំរឿងទី១ លេខ4000 លោកណេតាន់យ៉ាហ៊ូ ត្រូវរដ្ឋអាជ្ញាចោទពីបទ ប្រព្រឹត្តិអំពើពុករលួយ កេងចំណេញនយោបាយ និងរំលោភលើសេចក្តីទុកចិត្ត។ សំណុំរឿងនេះ គឺមានពាក់ព័ន្ធនឹងក្រុមហ៊ុនទូរគមនាគមន៍ដ៏ធំជាងគេ នៅអ៊ីស្រាអែល ឈ្មោះក្រុមហ៊ុន Bezeq។ ក្រុមហ៊ុននេះគឺជាម្ចាស់គេហទំព័របណ្តាញព័ត៌មានមួយ​​ ឈ្មោះ Walla។

តាមការសង្ស័យ លោកណេតាន់យ៉ាហ៊ូ ទំនងជាបានឃុបឃិត ជាមួយថៅកែក្រុមហ៊ុន Bezeq ដើម្បីឲ្យគេហទំព័រ Walla នេះ ចុះផ្សាយតែរឿងល្អៗពីលោក។ ជាថ្នូរវិញ លោក​ណេតាន់យ៉ាហ៊ូ ក្នុងនាមនាយករដ្ឋមន្ត្រី បានបើកភ្លើងខៀវ ឲ្យក្រុមហ៊ុនBezeq អាចរកស៊ី ចំណេញប្រាប់រាប់សិបលាន ដូចជាក្នុងករណី ទិញយក​បណ្តាញ​​ទូរទស្សន៍ខ្សែកាប Yes ជាដើម។ កាលពីខែធ្នូ ឆ្នាំ២០១៨ នគរបាលអ៊ីស្រាអែល ធ្លាប់បានសន្និដ្ឋានម្តងរួចមកហើយ ថាលោកណេតាន់យ៉ាហ៊ូ មានពាក់ព័ន្ធស៊ីសំណូកជាមួយនឹងក្រុមហ៊ុនBezeq នេះមែន​។

សំណុំរឿងទី២ មានលេខ1000 គឺជាសំណុំរឿងទាក់ទិន នឹងការទទួលអំណោយមានតម្លៃជាច្រើន ក្នុងនោះមានរាប់ទាំង ស៊ីហ្កាប្រណិត ស្រាឆំប៉ាញតម្លៃថ្លៃៗ គ្រឿងអលង្កា ដែលគិតជាទឹកប្រាក់ ប្រមាណ​៧សែនឆេកែល ស្មើនឹងជិត២សែនអឺរ៉ូ។ មហាសេដ្ឋី ដែលជាប់ពាក់ព័ន្ធទាំងនោះ ត្រូវគេសង្ស័យថា បានទិញទឹកចិត្ត លោកណេតាន់យ៉ាហ៊ូ ដើម្បីបើកផ្លូវ​ធ្វើជំនួញ។ ទាក់ទិននឹងការចោទប្រកាន់នេះ លោកណេតាន់យ៉ាហ៊ូ អះអាងថា លោកទទួលអំណោយពីមនុស្ស ដែលគេស្រលាញ់​រាប់អានលោក វាគឺជារឿងធម្មតា គ្មានអ្វីខុសទាស់ឡើយ។

ចំណែកសំណុំរឿងទី៣ លេខ2000 គឺទាក់ទិននឹងផែនការ​ឃុបឃិត ជាមួយសារព័ត៌មានប្រចាំថ្ងៃដ៏ធំជាងគេនៅអ៊ីស្រាអែល ឈ្មោះ Yediot Aharonot។ លោកណេតាន់យ៉ាហ៊ូ ត្រូវគេសង្ស័យថា​ បាន​ព្យាយាមចរចាជាមួយថៅកែកាសែតនេះ ដើម្បីឲ្យ​កាសែតនេះចុះផ្សាយគាំទ្រ និយាយល្អពីលោក។ ហើយជាថ្នូរវិញ លោកណេតាន់យ៉ាហ៊ូ បានសន្យាថានឹងធ្វើច្បាប់មួយ ដើម្បីកាត់បន្ថយវិសាលភាពនៃការបោះផ្សាយកាសែតមួយ ឈ្មោះ Israel Hayom  ដែលជាគូរប្រជែងរបស់កាសែត Yediot Aharonot ហើយ​ដែល​គេនិយមអានខ្លាំងជាង ដោយសារតែជាកាសែត​ចែកចាយដោយឥតគិតថ្លៃ។ ការចរចា​ឃុបឃិត​គ្នានេះ មិនបានសម្រេចទេ តែក្រុមស៊ើបអង្កេត សន្និដ្ឋានថា លោកណេតាន់យ៉ាហ៊ូ បានប្រើប្រាស់អំណាច ដើម្បីកេងចំណេញនយោបាយ។

នរណានឹងក្លាយជានាយករដ្ឋមន្ត្រីថ្មី?

​សម្រាប់ពេលនេះ លោកណេតាន់យ៉ាហ៊ូ ក៏ដូចជាគណបក្សលីគូតរបស់គាត់ ត្រូវស្ថិតក្នុងការលំបាកខ្លាំង។ ការបោះឆ្នោត​កាលពីថ្ងៃទី១៧កញ្ញា បាន​ចេញលទ្ធផល សឹងតែស្មើគ្នា រវាងគណបក្សលីកូដដឹកនាំដោយលោកណេតាន់យ៉ាហ៊ូ និងគណបក្សកណ្តាលនិយម​ខៀវស របស់លោកបេនី ហ្កាន់។ ដើម្បីអាច តែងតាំងនាយករដ្ឋមន្ត្រី និងបង្កើតរដ្ឋាភិបាល​ថ្មី​បាន គេត្រូវការសម្លេងឆ្នោតក្នុងសភា ចំនួន៦១ ក្នុងចំណោម១២០អាសនៈ។

ទាំង២បក្ស សុទ្ធតែមានសម្លេងមិនគ្រប់ ហើយត្រូវការការសហការចុះចូល ពីបក្សតូចៗផ្សេងទៀត។ តែប្រមាណ​២ខែមកហើយ ទាំងលោកណេតាន់យ៉ាហ៊ូ ទាំងលោកបេនី ហ្កាន់ មិនអាចប្រមូលសម្លេងបានគ្រប់ ដើម្បីបង្កើតរដ្ឋាភិបាលទេ។

ក្រោយដំណឹងបទចោទប្រកាន់ពីរដ្ឋអាជ្ញានេះ លោកប្រធានាធិបតីអ៊ីស្រាអែល Reuven Rivlin បាន​​ប្រកាសរន្ធាន់ឲ្យ​សភាអ៊ីស្រាអែល ត្រូវសម្រេចបោះឆ្នោតតែងតាំងនាយករដ្ឋមន្ត្រីឲ្យបានឆាប់ ដើម្បីបិទបញ្ចប់វិបត្តិនយោបាយនេះ។ លោកប្រធានាធិបតីអ៊ីស្រាអែល បានអំពាវនាវ ឲ្យសមាជិកសភា ដែលទើបតែជាប់ឆ្នោតទាំងអស់​ ថាត្រូវធ្វើការសម្រេចចិត្តឲ្យបានត្រឹមត្រូវ និងប្រកបដោយការទទួលខុសត្រូវ។

សំណួរពេលនេះសួរថា តើក្រោយរដ្ឋអាជ្ញា សម្រេចចោទលោកណេតាន់យ៉ាហ៊ូ ពីបទពុករលួយនេះ មានសមាជិកសភាប៉ុន្មាននាក់ ពីបក្សតូចៗ ដែលងាកទៅបោះឆ្នោតគាំទ្រលោកបេនី ហ្កាន់ ឲ្យធ្វើនាយករដ្ឋមន្ត្រី? គ្មាននរណាអាចស្មានបានទេ។ សភាអ៊ីស្រាអែល​ មានពេល​ពីនេះ រហូតដល់ថ្ងៃ១១ធ្នូ។ ពុំនោះទេ គេ​ត្រូវតែរៀបចំបោះឆ្នោតជ្រើសសមាជិកសភាម្តងទៀត ឲ្យប្រជាជនអ៊ីស្រាអែលជាអ្នកសម្រេ​ច ក្រែងលោ អាចមានបក្សមួយក្នុងចំណោមបក្សធំៗទាំង២នេះ ឈ្នះបានសម្លេងភាគច្រើន៕

បារាំង​ជាប់​គាំង​ស្ទើរ​គ្រប់វិស័យ ដោយ​បាតុកម្ម​ប្រឆាំងនឹង​​កំណែទម្រង់​ច្បាប់​ចូលនិវត្តន៍

នៅក្នុងខួបគម្រប់ ៧០ឆ្នាំ អង្គការអូតង់ព្យាយាមស្តារឯកភាពដែលបានបាត់បង់

ចិន ដណ្តើមចំណាត់ថ្នាក់​លេខ១ពី​សិង្ហបុរី ក្នុងនាមប្រទេស​ដែល​មានប្រព័ន្ធសិក្សា​អប់រំ​មាន​ប្រសិទ្ធិភាពខ្ពស់

សន្និសីទអាកាសធាតុCOP25 ៖ ចង់​បង្កើន​មហិច្ឆតា និង​រំពឹង​លើ​សហភាពអឺរ៉ុប

អសប៖ ចំនួនអ្នកស្លាប់ដោយសារ​ជម្ងឺអេដស៍​បានថយចុះ ប៉ុន្តែ ករណី​ឆ្លងថ្មី​នៅតែមានច្រើន

ការវាយ​ប្រហារ​ដោយ​កាំបិត​ចាក់​សម្លាប់មនុស្ស​ពីរនាក់ នៅ​ក្រុង​ឡុង​ឌ្រឺ ​ប្រទេស​អង់គ្លេស

ហេតុអ្វីបានជា​ប្រធានាធិបតី​បារាំង​ទាមទារ​ឲ្យ​អូតង់ កែប្រែ​យុទ្ធសាស្រ្ត​យោធា​ឡើងវិញ?

ចិនដំឡើងសម្លេងដាក់អាមេរិក បន្ទាប់ពីលោកដូណាល់ ត្រាំចុះហត្ថលេខាលើច្បាប់គាំទ្របាតុករហុងកុង

អង្គការសហប្រជាជាតិព្រមានពីគ្រោះមហន្តរាយអាកាសធាតុធ្ងន់ធ្ងរ បើពិភពលោកបន្តពន្យារពេលទប់ស្កាត់

បារាំងបង្ហាញផែនការទប់​ស្កាត់​​នឹង​អំពើ​ហិង្សា​ក្នុង​គ្រួសារ ចំ​ថ្ងៃ​ទិវា​ពិភពលោក​​លុបបំបាត់អំពើហិង្សាលើស្ត្រី ​

បោះឆ្នោតឃុំ សង្កាត់ហុងកុង៖ជាក្តីសង្ឃឹមសម្រាប់ក្រុមអ្នកប្រជាធិបតេយ្យ និងជាតេស្តសម្រាប់លោកស្រីការី ឡាំ

តើ​គ្រិស្ត​សាសនា​ នៅ​ជប៉ុន​មាន​ប្រវត្តិ​យ៉ាងណា ?

ដំណើរការដកតំណែងប្រធានាធិបតី៖ សាក្សី​ឆ្លើយ​ដាក់បន្ទុក​លើ​លោក​ដូណាល់ ត្រាំ​

អាមេរិក​ប្រកាស​ថា សំណង់​អាណានិគមកិច្ច​អ៊ីស្រាអែល នៅ​ទឹកដី​ប៉ាឡេស្ទីន មិនមែន​ជារឿងខុសច្បាប់​អន្តរជាតិ

វិទ្យុបារាំងអន្តរជាតិ​ឧទ្ទិស​ថ្ងៃ១៨វិច្ឆិកាលើបញ្ហាសំរាម

អនាគត​ប្រធានាធិបតី​ស្រីលង្កា ជាអ្នកនយោបាយជាតិនិយម និង​ចង់ស្តារទំនាក់ទំនង​ជាមួយប្រទេស​ចិន

បារាំង៖ មួយ​ឆ្នាំក្រោយ ចលនា​បាតុកម្ម​អាវកាក់​លឿង​ព្យាយាម​ស្ទុះ​តវ៉ា​ឡើងវិញ

អាមេរិក និងអឺរ៉ុប ខ្វែងគំនិតគ្នា​ជុំវិញ ការចាប់បញ្ជូន​ទាហានជីហាត​ទៅប្រទេស​កំណើត

សវនាការសួរចម្លើយសាក្សីជាសាធារណៈលើកទី១ នៅក្នុងដំណើរការដកតំណែងប្រធានាធិបតី