លោកស្រី ធីតា ឃិះ៖ ស្រ្តីនៅតែស្ថិតក្នុងបញ្ជីបេក្ខជនចុងក្រោយនៃគណបក្សនយោបាយ
ចុះផ្សាយនៅថ្ងៃ៖
ស្តាប់ - ១១:២៧
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅរាត្រីថ្ងៃទី០២ ខែមីនានេះ គឺលោកស្រី ធីតា ឃិះ នាយិកាប្រតិបត្តិអង្គការសីលការ និងជាប្រធានគណៈកម្មការលើកស្ទួយស្រ្តីក្នុងវិស័យនយោបាយ។នៅថ្ងៃនេះ គណៈកម្មការលើកស្ទួយស្រ្តីក្នុងវិស័យនយោបាយ បានរៀបចំកិច្ចពិភាក្សា ក្រោមប្រធានបទ៖ “ខ្ញុំបោះឆ្នោតឲ្យស្រ្តី ក្នុងការបោះឆ្នោតក្រុមប្រឹក្សាឃុំ/សង្កាត់ឆ្នាំ២០១៧ ដើម្បីការអភិវឌ្ឍប្រកបដោយចីរភាព”។ តាមរយៈវេទិកានេះ លោកស្រី ធីតា ឃិះ បានជម្រុញនិងលើកទឹកចិត្តឲ្យស្រ្តីខ្មែរចូលរួមប្រជែងក្នុងការឈរឈ្មោះជាបេក្ខជនបោះឆ្នោតឃុំ/សង្កាត់នៅឆ្នាំ២០១៧ខាងមុខ។ បើតាមលោកស្រី បច្ចុប្បន្នចំនួនស្រ្តីខ្មែរដែលចូលរួមប្រឡូកក្នុងវិស័យនយោបាយទាំងថ្នាក់ជាតិ និងថ្នាក់ក្រោមជាតិនៅតែតិចតួចនៅឡើយ។
