លោក គីមសួរ ភីរិទ្ធ៖ ការតវ៉ាឲ្យដកប្រធានបក្សភ្លើងទៀន គឺមានអ្នកនៅពីក្រោយ
ចុះផ្សាយនៅថ្ងៃ៖
ស្តាប់ - ០៩:៥១
ការទាមទារឲ្យដកប្រធាន និងអគ្គលេខាធិការគណបក្សភ្លើងទៀនចេញមានន័យស្មើនឹងរុញឲ្យគណបក្សនេះរលាយ។ នេះគឺជាការឆ្លើយតបរបស់អតីតអ្នកនាំពាក្យគណបក្សភ្លើងទៀនចំពោះការតវ៉ានៅព្រឹកនេះ ខណៈអ្នកតវ៉ាទាមទារឲ្យទម្លាក់លោក ទាវ វណ្ណុល ពីប្រធានបក្ស និងលោក លី សុធារ៉ាយុត្តិ ពីអគ្គលេខាធិការបក្ស។ បើតាម លោក គីមសួរ ភីរិទ្ធ ការតវ៉ាបែបនេះ គឺមានអ្នកនៅពីក្រោយ។ ក្នុងបទសម្ភាសជាមួយវិទ្យុបារាំងអន្តរជាតិRFI លោក គីមសួរ ភីរិទ្ធ អះអាងថា អ្នកដែលចេញតវ៉ានោះមិនមែនជាក្រុមប្រឹក្សារបស់គណបក្សភ្លើងទៀនទៀតទេ ពីព្រោះពួកគេបានទៅចូលរួមជាមួយគណបក្សកម្លាំងជាតិ និងចូលជាមួយគណបក្សផ្សេងតាំងពីក្រោយបោះឆ្នោត២៣កក្កដា។