ប្រព័ន្ឋសង្គមដ៏ល្បីរបស់ចិន Weibo ផ្លាស់ប្តូរជំហរ ទាក់ទិននឹងការទប់ស្កាត់មិនឲ្យមានខ្លឹមសារអំពីភេទទី៣
នៅថ្ងៃចន្ទទី ១៦ មេសា ក្រុមហ៊ុនបណ្តាញសង្គមដ៏ពេញនិយមរបស់ប្រទេសចិនWeibo បាន ដកចេញនូវសេចក្តីសម្រេចរបស់ខ្លួន ដែលហាមមិនឲ្យមានខ្លឹមសារផ្សេងៗ ទាក់ទងនឹងអ្នកស្រលាញ់ភេទដូចគ្នា នៅលើវេទិកាសង្គមរបស់ខ្លួន។ ចំណាត់ការដកនូវ ចេញនូវសេចក្តីសម្រេចខាងលើនេះធ្វើឡើង ក្រោយពីមានមតិរិះគន់យ៉ាងសម្បើមពីមហាជន នៅក្នុងប្រទេស។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
ក្រុមហ៊ុនបណ្តាញសង្គមយក្សរបស់ចិនSina Weibo បានប្រកាសលុបចោល នូវយុទ្ឋនាការទប់ស្កាត់ខ្លឹមសារទាំងឡាយណា ដែលជាប់ពាក់ព័ន្ឋនឹងអ្នកស្រលាញ់ភេទដូចគ្នា ហើយដែលគេគិតថាជាសារអាសអាភាស។ ជាយុទ្ឋនាការដែលបានប្រកាសធ្វើកាលពីថ្ងៃសុក្រសប្តាហ៍មុន ហើយត្រូវបានរិះគន់យ៉ាងចាស់ដៃពីសំណាក់អ្នកប្រើបណ្តាញសង្គមWeibo នាចុងសប្តាហ៍កន្លងទៅនេះ។
អ្នកប្រើប្រាស់បណ្តាញWeibo ចិនម្នាក់បានសរសេរនៅលើទំព័រWeibo ផ្ទាល់ខ្លួនថាគាត់គាំទ្រឲ្យក្រុមហ៊ុនបណ្តាញសង្គមដ៏ល្បីល្បាញរបស់ចិននេះ លុបបំបាត់ចោលឲ្យអស់នូវខ្លឹមសារអាសអាភាស។ ប៉ុន្តែក្រុមហ៊ុនមិនត្រូវផ្សាភ្ជាប់រឿងនេះ ទៅនឹងអ្នកស្រលាញ់ភេទដូចគ្នានោះទេ។
ចំនែកឯក្រុមហ៊ុន Weibo វិញបានអះអាងនៅថ្ងៃចន្ទ ទី ១៦ មេសា ថា ខ្លួនបានចំណាយពេលលុបចោល នូវ វីដេរអូរ ហ្គេម និង ខ្លឹមសារនានា គឺមិនសំដៅលើអ្នកស្រលាញ់ភេទដូចគ្នានោះទេ ប៉ុន្តែវាជាការបោសសម្អាតខ្លឹមសារទាំងឡាយណា ដែលជាប់ពាក់ព័ន្ឋអំពើហឹង្សា រឿងអាសអាភាស ដែលប៉ះពាល់ដល់សង្គមចិន។
ទាក់ទិនរឿងនេះដែរ នាយកមជ្ឈមណ្ឌលការពារសិទ្ឋិអ្នកស្រលាញ់ភេទដូចគ្នា មានទីតាំងនៅទីក្រុងប៉េកាំងបានលើកឡើងថា ចលនាទប់ស្កាត់ខ្លឹមសារនានាដោយភ្ជាប់នឹងការស្រឡាញ់ភេទដូចគ្នា របស់Weibo កាលពីថ្ងៃសុក្រគឺជាការប្រុងប្រយ័ត្នហួសហេតុ ដែលក្រុមហ៊ុនមិនបានធ្វើការឲ្យច្បាស់លាស់ថាតើ ប្រភេទនៃខ្លឹមសារ ឫ ព័ត៌មានបែបណាគួរគ្រប់គ្រង ឬ ទប់ស្កាត់។
គួរកត់សម្គាល់ថា បច្ចុប្បន្ននេះ Weibo មានអ្នកប្រើសកម្មប្រចាំខែចំនួន ៤០០ លាននាក់។ យុទ្ឋនាការបោសសម្អាតខ្លឹមសារមិនសមរម្យរបស់Weibo នាពេលចុងក្រោយនេះ គឺស្របទៅតាមគោលការណ៍របស់បក្សកាន់អំណាច កុម្មុយនិស្តចិន ក្នុងការលុបបំបាត់ចោលនូវខ្លឹមសារណា ដែលផ្ទុយពីគុណតម្លៃរបស់សង្គមចិន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ