ព្រឹត្តិការណ៍កម្ពុជាប្រចាំថ្ងៃ
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។
អានអត្ថបទទាំងស្រុងស្តាប់វគ្គចុងក្រោយ
គ្រប់វគ្គទាំងអស់
-
10:07
-
12:59
-
ហេតុអ្វីបានជាប្រទេសវៀតណាមបន្តរិះគន់លើគម្រោងព្រែកជីកហ្វូណន?
មកដល់ពេលនេះ ការរិះគន់ពីគម្រោងព្រែកជីកហ្វូណនពីសំណាក់បរទេសកំពុងបន្តកើតមាន។ ជាក់ស្តែង អ្នកជំនាញផ្នែកធនធានទឹកវៀតណាមបានលើកឡើងថា គម្រោងព្រែកជីកហ្វូណនអាចបង្កការរាំងស្ទះដល់ទឹកជំនន់ធម្មជាតិ ពិសេសធ្វើឱ្យប៉ះពាល់ដល់វិស័យកសិកម្ម។ ក្រុមអ្នកតាមដានបញ្ហាសង្គមយល់ថា ក្តីបារម្ភរបស់វៀតណាមគ្រាន់តែជាលេសប៉ុណ្ណោះ ព្រោះគម្រោងព្រែកជីកហ្វូណនអាចធ្វើឲ្យវៀតណាមបាត់បង់ផលប្រយោជន៍សេដ្ឋកិច្ច។16/03/202411:57 -
កម្ពុជាអាចរងសម្ពាធអ្វីខ្លះនៅពេលប្រទេសក្បែរខាងមានកិច្ចព្រមព្រៀងពាណិជ្ជកម្មសេរីជាមួយអឺរ៉ុប?
ប្រទេសថៃអាចនឹងមានកិច្ចព្រមព្រៀងពាណិជ្ជកម្មសេរី(FTA) ជាមួយសហភាពអឺរ៉ុបនៅឆ្នាំ២០២៥ ខាងមុខ ខណៈដែលវៀតណាមមាន FTA នេះជាមួយសហភាពអឺរ៉ុបតាំងពីឆ្នាំ២០២០។ បើធៀបនឹងកម្ពុជា វៀតណាម និងថៃមានការលូតលាស់ផ្នែកសេដ្ឋកិច្ចខ្លាំងជាងកម្ពុជា។ ដូច្នេះនៅពេលដែលប្រទេសជិតខាងកម្ពុជាទាំងពីរមានកិច្ចព្រមព្រៀងពាណិជ្ជកម្មសេរីជាមួយសហភាពអឺរ៉ុប តើកម្ពុជាអាចរងសម្ពាធអ្វីខ្លះពីការប្រកួតប្រជែងផ្នែកពាណិជ្ជកម្ម?15/03/202412:23 -
តើលំនឹងសេដ្ឋកិច្ចកម្ពុជា បានឆ្លើយតបទៅនឹងការត្រៀមចាកចេញពីប្រទេសក្រីក្រហើយឬនៅ?
សេដ្ឋកិច្ចកម្ពុជានៅដំណាក់កាលក្រោយវិបត្តិកូវីដ១៩ ត្រូវបានវាយតម្លៃថាមានកំណើន។ ជាក់ស្តែងក្នុងឆ្នាំ២០២៣ សេដ្ឋកិច្ចកម្ពុជាមាន ៥,៤% ខណៈដែលឆ្នាំ២០២៤ រដ្ឋាភិបាលព្យាករណ៍ថា កំណើនសេដ្ឋកិច្ចកម្ពុជានឹងសម្រេចបានចំនួន ៦,៦%។ ការណ៍នេះក្រុមអ្នកតាមដានសេដ្ឋកិច្ច យល់ថា ជាសញ្ញាណវិជ្ជមានសម្រាប់កម្ពុជាក្នុងការត្រៀមខ្លួនចាកចេញពីឋានៈជាប្រទេសក្រីក្រ (LDC) នៅឆ្នាំ២០២៧ខាងមុខ។ ក៏ប៉ុន្តែអ្នកសេដ្ឋកិច្ចក្រៅប្រព័ន្ធ ថា វាមិនទាន់ជាពេលវេលាស័ក្តិសមសម្រាប់កម្ពុជាឡើយ ព្រោះកត្តាសេដ្ឋកិច្ចប្រជាពលរដ្ឋនៅមានកម្រិត។14/03/202410:33 -
តើពលរដ្ឋចង់បានដំណោះស្រាយបែបណា បន្ទាប់ពីចាប់ខ្លួនឧកញ៉ា ឡេង ចាន់ណា?
សាលាដំបូងខេត្តសៀមរាបបានឃាត់ខ្លួន ឧកញ៉ា ឡេង ចាន់ណា និងបក្ខពួក នៅថ្ងៃទី១២មីនា ពី«បទឆបោក និងចេញឆែកស្អុយ»។ តាមពលរដ្ឋ ស្ត្រីជាឧកញ៉ាវ័យក្មេងរូបនេះ បានឆបោកប្រាក់វិនិយោគរបស់ពួកគេជាង៥ពាន់គ្រួសារ បើគិតជាប្រាក់សរុបខ្ទង់៣០០លានដុល្លារ។ នេះមិនមែនជាលើកទី១ទេ ដែលឧកញ៉ារកស៊ីក្នុងល្បែងដូចគ្នានេះត្រូវបានចាប់ខ្លួន។ ឧកញ៉ា ជា សារ៉ន ត្រូវបានចាប់ខ្លួននៅខែមេសាឆ្នាំ២០២៣ និងឧកញ៉ា ហ៊ី គឹមហុង ត្រូវបានចាប់ខ្លួន នៅសីហាឆ្នាំ២០២៣ ដូចគ្នា ប៉ុន្តែឧកញ៉ារូបនេះត្រូវបានដោះលែងវិញនៅខែវិច្ឆិកាឆ្នាំដដែល។ ក្រោយចាប់ខ្លួនឧកញ៉ាទាំងនេះ ពលរដ្ឋអះអាងថា ពួកគេនៅមិនទាន់បានលុយរបស់ពួកគេមកវិញនៅឡើយ។13/03/202410:56 -
តើមានហេតុផលអ្វីខ្លះដែលជំរុញឲ្យស៊ុយអែតផ្តាច់ជំនួយពីកម្ពុជា?
រដ្ឋាភិបាលស៊ុយអែតបានប្រកាសផ្តាច់ជំនួយពីកម្ពុជានៅដំណាច់ឆ្នាំ២០២៤ ក្រោមហេតុផលថា មិនអាចស្តារឡើងវិញនូវស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា។ នេះបើតាមមន្ត្រីសិទ្ធិមនុស្សក្នុងស្រុក។ គួរបញ្ជាក់ថា នេះជាការផ្តាច់ជំនួយជំហានទី២ បន្ទាប់ពីស៊ុយអែតបានបិទការិយាល័យតំណាងរបស់ខ្លួននៅកម្ពុជាកាលពីចុងឆ្នាំ២០២១។ តែក្នុងពេលជាមួយគ្នា ស៊ុយអែតនៅបន្តផ្តល់ជំនួយឲ្យសង្គមស៊ីវិលនៅកម្ពុជាតាមរយៈ(SIDA)លើផ្នែកសិទ្ធិមនុស្ស អភិបាលកិច្ចល្អ ប្រជាធិតេយ្យ និងនីតិរដ្ឋរហូតដល់ឆ្នាំ២០២៤នេះ។ ទោះយ៉ាងណា ការផ្តាច់ជំនួយរបស់ស៊ុយអែតដែលជាប្រទេសជាប់ចំណាត់ថ្នាក់ល្អខាងសេរីភាពឲ្យកម្ពុជាពេលនេះមានការយល់ឃើញផ្ទុយគ្នារវាងមន្ត្រីរដ្ឋាភិបាល និងមន្ត្រីអង្គការសង្គមស៊ីវិល។12/03/202410:03 -
12:26
-
សង្គមស៊ីវិលរំពឹងថា តុលាការនឹងផ្តល់យុត្តិធម៌ដល់សកម្មជនថៃ ក្រោយសមត្ថកិច្ចបិទការស៊ើបអង្កេត
អាជ្ញាធរកម្ពុជាសម្រេចបិទបញ្ចប់ដំណាក់កាលស៊ើបអង្កេតលើករណីបាត់ខ្លួនសកម្មជនថៃ វ៉ាន់ ឆាឡឹមនៅកម្ពុជា ខណៈសមត្ថកិច្ចកំពុងរៀបចំរបាយការណ៍ស៊ើបអង្កេតទៅកាន់តុលាការដើម្បីបន្តនីតិវិធីច្បាប់បន្ថែម។ ក្រោយបិទការស៊ើបអង្កេត ក្រុមអង្គការសង្គមស៊ីវិល និងអ្នកនយោបាយក្រៅរដ្ឋាភិបាលយល់ថា ពន្លឺយុត្តិធម៌របស់ជនរងគ្រោះកាន់តែខិតជិតចូលមកដល់ ខណៈពួកគេក៏ស្នើឱ្យតុលាការកាត់សេចក្តីដោយត្រូវឈរការលើពិត ជាជាងការពារ។ ចំណែកអ្នកនាំពាក្យអគ្គស្នងការនគរបាលជាតិវិញអះអាងថា សមត្ថកិច្ចនឹងបើកការស៊ើបអង្កេតជាថ្មីប្រសិនបើមានការស្នើពីតុលាការ។10/03/202411:04 -
ហេតុអ្វីតម្លៃគ្រាប់ស្វាយចន្ទីធ្លាក់ចុះ ខណៈប្រជាពលរដ្ឋកំពុងប្រមូលផល?
ប្រជាពលរដ្ឋដែលជាអ្នកដាំស្វាយចន្ទីបានត្អូញត្អែរពីការធ្លាក់ថ្លៃតម្លៃគ្រាប់ស្វាយចន្ទី។ បច្ចុប្បន្ន តម្លៃគ្រាប់ស្វាយចន្ទីស្រស់មួយគីឡូបានធ្លាក់ពី៥០០០រៀល មក ៤៥០០រៀល។ អ្នកសេដ្ឋកិច្ចយល់ថា តម្លៃគ្រាប់ស្វាយចន្ទីធ្លាក់ថ្លៃដោយសារឈ្មួញវៀតណាមជាអ្នកទម្លាក់។ ចំណែកក្រសួងកសិកម្មបានអះអាងថា ការធ្លាក់តម្លៃគ្រាប់ស្វាយចន្ទីពេលនេះប៉ះពាល់តែអ្នកផលិតតូចតាចដោយសារពួកគេចំណាយថ្លៃដើមខ្ពស់ និងទទួលបានទិន្នផលទាប។09/03/202413:16 -
ហេតុអ្វីនៅបន្តមានកំហុសដដែលៗចំពោះការផលិតវណ្ណកម្ម សិល្បៈ វប្បធម៌ខ្មែរ?
ជារឿយៗគេសង្កេតឃើញថា ការផលិតវណ្ណកម្មបទចម្រៀង វីដេអូ និងទំរង់សិល្បៈផ្សេងៗនៅក្នុងប្រទេសកម្ពុជាអំឡុងទសវត្សរ៍ចុងក្រោយនេះ តែងមានកំហុសឆ្គងជាបន្តបន្ទាប់។ នៅដំណាក់កាលចុងក្រោយនេះ ការចេញបទចម្រៀងរបស់ផលិតកម្មថោន តាមរយៈបទ«Team ទឹកត្នោតជូរ» ក៏រងនូវការរិះគន់ពីសំណាក់មហាជនតាមរយៈបណ្តាញសង្គមយ៉ាងផុលផុស។ រិះគន់ដោយសារតែបទភ្លេងនៃចម្រៀងនេះដូចគ្នាទៅនឹងបទ«ដែនដីខ្មែរ» ដែលជាព្រះរាជនិពន្ធរបស់សម្តេចព្រះសង្ឃរាជ ជួន ណាត។ ភ្លាមៗដែរ ក្រសួងវប្បធម៌ក៏បានចេញមកព្រមានផលិតកម្មថោនឲ្យលុបចម្រៀងនេះចោលជាបន្ទាន់ពីបណ្តាញសង្គម និងស្នើឲ្យធ្វើការសុំទោសជាសាធារណៈ។08/03/202408:59 -
ទំនាស់ដីធ្លី៖ ហេតុអ្វីអំពើហិង្សាផ្ទុះអាវុធបានកើតឡើងជាថ្មី?
នៅថ្ងៃទី០៦មីនាឆ្នាំ២០២៤ ប្រជាពលរដ្ឋមួយក្រុម និងអាជ្ញាធរខេត្តព្រះវិហារ បានប៉ះទង្គិចគ្នាពាក់ព័ន្ធទំនាស់ដីធ្លី ក្នុងស្រុកគូលែន ខេត្តព្រះវិហារ។ ការប្រឈមមុខដាក់គ្នា បានឈានទៅផ្ទុះជាអំពើហិង្សា ដោយសារប្រជាពលរដ្ឋបានប្រើប្រាស់ដបសាំង កាំបិត និងផ្គាក់ ជាហេតុនាំឲ្យកងកម្លាំងផ្ទុះអាវុធតបត។ ការប៉ះទង្គិចនេះ នាំឲ្យភាគីសង្គមស៊ីវិល សម្តែងការសោកស្តាយ ចំពោះហេតុការណ៍ដែលកើតឡើង។ បើតាមក្រុមអង្គការសង្គមស៊ីវិល អាជ្ញាធរជាកងកម្លាំងគួរតែបញ្ឈប់ការប៉ះទង្គិចជាមួយពលរដ្ឋ ដោយប្រើប្រាស់អាវុធ រួចដោះស្រាយដោយសន្តិវិធី។07/03/202412:03 -
11:47
-
អ្នកជំនាញ៖ សំណង់នានាក្នុងវត្តអារាម ត្រូវតែគោរពទៅតាមក្បួនខ្នាតព្រះពុទ្ធសាសនា
ព្រះចៅអធិការវត្តវត្តគិរីសាលវ័នហៅវត្តថ្មីបានសុំទោសជាសាធារណៈ ខណៈមហាជននាំគ្នារិះគន់លើរចនាបថ នៃមហាកុដិ នៅក្នុងវត្តមួយកន្លែង ក្នុងខេត្តកំពង់ចាម។ បើតាមព្រះចៅអធិការវត្ត ការជ្រើសរចនាបថបែបទំនើបដូចម៉ូតផ្ទះវីឡានេះ គឺដើម្បីឲ្យមានភាពទាក់ទាញ ប៉ុន្តែនៅផ្នែកខាងក្នុងពោពេញដោយរចនាបថបែបព្រះពុទ្ធសាសនាសុទ្ធសាធ។ ទោះជាយ៉ាងណា អ្នកជំនាញវប្បធម៌លើកឡើងថា រាល់ការកសាងសមិទ្ធផលនៅក្នុងវត្តអារាម គឺត្រូវតែគោរពទៅតាមក្បួនខ្នាត និងវប្បធម៌របស់ខ្មែរ បើពុំដូច្នោះទេ គឺដូចពាក្យចាស់ពោលថា «បើវប្បធម៌រលត់ ជាតិនឹងរលាយ»។05/03/202412:53 -
14:09
ព្រឹត្តិការណ៍កម្ពុជាប្រចាំថ្ងៃ
រៀងរាល់ថ្ងៃ ពីថ្ងៃចន្ទ ដល់ថ្ងៃអាទិត្យ យើងនឹងលើកយកព្រឹត្តិការណ៍ក្តៅគគុកជាងគេបង្អស់មួយ នៅកម្ពុជា មកពន្យល់ ដោយមានអន្តរាគមន៍ពីឥស្សរជននយោបាយ អ្នកជំនាញ ឬមន្រ្តីសង្គមស៊ីវិល។