rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ព្រឹត្តិការណ៍អន្តរជាតិប្រចាំថ្ងៃ
rss itunes

ការវាយប្រហារ​នៅ​ទីស្នាក់ការ​ប៉ូលិស​ក្រុង​ប៉ារីស រំលេច​ឱ្យ​ឃើញ​ពីចន្លោះប្រហោង​នៃចារកិច្ចបារាំង

ដោយ អៀង សុខម៉ិញ

ការវាយប្រហារ​ដោយ​កាំបិត​នៅ​ក្នុង​ទីស្នាក់ការ​ប៉ូលិស​ក្រុង​ប៉ារីស កាលពី​ថ្ងៃព្រហស្បតិ៍​ ទី ៣ តុលា ស្លាប់​អ្នក​រដ្ឋការប៉ូលិស​អស់​បួននាក់​ ត្រូវ​បាន​អាជ្ញាធរ​ប្រកាស​បើក​ស៊ើបអង្កេត​ជា​បទ​ភេរវកម្ម។ សេចក្តី​សម្រេច​បែប​នេះ​ ធ្វើ​ឡើង​ក្រោយ​ពី​មាន​តម្រ៉ុយ​ជាច្រើន ដែល​បង្ហាញ​ពី​និន្នាការ​អ៊ីស្លាម​ជ្រុល​និយម​របស់​ជនដៃដល់។ រដ្ឋមន្រ្តី​ក្រសួង​មហាផ្ទៃបារាំង​ ដែល​កំពុង​រង​ការ​រិះគន់​ខ្លាំង​រឿង​បរាជ័យ​ក្នុង​ការ​ទប់ស្កាត់​ការ​វាយប្រហារភេរវកម្ម​នេះ បាន​ប្រកាស​នៅ​ថ្ងៃ​ចន្ទ​នេះ ចង់​ដាក់​ឱ្យ​មាន​ប្រព័ន្ធ​ផ្តល់​សញ្ញា​ជា​ស្វ័យប្រវត្តិ​អំពី​និន្នាការ​អ៊ីស្លាម​ជ្រុលនិយម​ ក្នុង​ជួយមន្ត្រី​រដ្ឋ​ការ។

នៅទីបំផុត នៅ​ថ្ងៃសៅរ៍​ទី ៥​តុលា២០១៩​ រដ្ឋ​អាជ្ញារ​បារាំង​បាន​សម្រេច​បើក​អង្កេត​​ ការ​វាយប្រហារ​ដោយ​កាំបិត​នៅ​ទីស្នាក់ការ​ប៉ូលិស​ក្រុង​ប៉ារីស ជា​បទ​ភេរវកម្ម​ ព្រោះមាន​សញ្ញា​ដែល​បញ្ជាក់ថា ​​ជន​ដៃ​ដល់​ Michaël Harpon អាយុ​៤៥​ឆ្នាំ បាន​ផ្តាច់​ខ្លួន​ទៅ​ធ្វើ​ជាជនជ្រុលនិយម​​អ៊ីស្លាម​ ហើយគឺ​​ក្នុងនាម​​សាសនាដែល​ជំរុញ​ឱ្យជននេះ​​ធ្វើ​ឃាតមនុស្ស​កាលពី​ថ្ងៃ​ព្រហស្បតិ៍។ ​រដ្ឋ​អាជ្ញា​ផ្នែក​ប្រឆាំ​ងនឹង​ភេរវកម្មដដែល​បាន​លើក​ឡើង​អំពីការ​ប្តូរ​ផ្លាស់​ទម្លាប់​របស់​​ជនដៃ​ដល់ បែរ​ជា​​លែង​មានទំនាក់ទំនង​ជា​ស្ត្រី​ជា​អ្នក​រួម​ការងារ​- រីករាយ​អបអរ​នៅ​ពេល​មាន​ភេរវកម្ម​ប្រឆាំង​នឹង​ទស្សនាវដ្តី​ Charlie Hebdo កាលពី​ឆ្នាំ ២០១៥- បោះបង់​ទម្លាប់​​ស្លៀកពាក់​បែប​​អឺរ៉ុប​ បែប​សម័យ ដោយ​ងាក​ទៅ​ស្លៀក​បូរាណ​ពេល​ទៅ​វិហារ ...

ខ្មាន់កាំបិត ​ជាជនជ្រុលនិយម និង​មាន​វិបត្តិ​ផ្លូវចិត្ត

តាមការពិត បើ​តាម​ប្រភព​ស្និទ្ធ​នឹង​ការ​អង្កេត សញ្ញា​នៃ​ការ​ផ្តាច់​ខ្លួន មាន​លេច​ចេញ​តាំង​ពី​ឆ្នាំ ២០១៥​មក។ សាក្សី​នៅក្នុង​កន្លែងធ្វើ​ការ​ជាមួយ​គ្នា បាន​បញ្ជាក់​ថា ជនដៃដល់​នេះ បាន​ផ្តាច់​ខ្លួន​ទៅ​ធ្វើ​ជា​អ្នក​កាន់​សាសនា​អ៊ីស្លាម​ជ្រុលនិយម តាំង​ពី​យូរ​ឆ្នាំមក​ហើយ តែសញ្ញា​ជ្រុលនិយម​ទើប​ត្រូវ​បាន​ស្តែង​ឡើង​ខ្លាំង​នា​រយៈ​ពេល​បួន​ឆ្នាំ​ចុងក្រោយ​នេះ។ ក្នុង​ពេល​ដែល​គ្រប់គ្នា​ថ្កោល​ទោស​ទង្វើ​ភេរវកម្ម ខ្មាន់​កាំបិត Harpon​វិញ​ បានសម្តែង​អំណរ​និងគាំទ្រទង្វើ​ភេរវកម្ម​កាលពី​ឆ្នាំ​២០១៥​យ៉ាង​ចំហ។ សូត្រធម៌​ កាន់​តែ​ញឹកញយ​ឡើងៗ​ក្នុង​មួយ​ថ្ងៃៗ ឥរិយាបថ​ចំពោះ​ស្ត្រី​ក៏​ប្រែប្រួល។

អ្នក​រួមការងារ​ បាន​បង្ហាញ​ក្តី ព្រួយ​បារម្ភ និងបាន​​លើ​និយាយ​អំពី​បញ្ហាផ្តាច់​ខ្លួន​ជ្រុលនិយម​​​របស់ជន​នេះ​​ ព្រោះ​ក្រៅ​អំពី​ឥរិយាបថ​បែប​សាសនា ខ្មាន់​កាំបិត​នេះ​ជាមនុស​មិនសូវ​នឹង​ន ឆាប់​​មាន​អារម្មណ៍​ថា​អន់​ជាង​អ្នក​ដទៃ ព្រោះ​ខ្លួន​មាន​ភាព​ពិការ​ជាប់​នឹង​ខ្លួន (ធ្ងន់​ត្រចៀក​)។

ចុះ​ហេតុ​យ៉ាង​ដូចម្តេច បាន​ជា​បុគ្គលិក​ ធ្វើ​ការ​ក្នុងការិយាល័យ​​ស៊ើបការណ៍​​ដ៏​សំខាន់​នៃ​សេវា​ព័ត៌មាន​វិទ្យា​របស់ប៉ូលិស​ក្រុង​ប៉ារីស ​ផ្តាច់​ខ្លួន​ធ្វើ​ជា​អ្នក​ជ្រុលនិយម​ហើយ មាន​វិបត្តិ​ផ្លូវចិត្ត​ទៀត តែ​បែរ​ជាអាច​បន្ត​ការងារ​បាន​ដោយ​គ្មាន​ទទួល​ចំណាប់​អារម្មណ៍​អ្វី​ជា​ពិសេស​ពី​សំណាក់​​ក្រុម​អ្នក​អង្កេត​ភេរវកម្ម​ទៅ​កើត ?!

នេះ​ហើយ​ជា​ដើម​ហេតុ​ នាំ​ឱ្យ​រដ្ឋមន្ត្រី​ក្រសួង​មហាផ្ទៃ និង​នាយក​ការិយាល័យ​ប៉ូលិស​ រង​ការ​រិះគន់​ខ្លាំង​ ចាស់​ដៃ។ ព្រោះ​សូម​កុំ​ភ្លេច​ថា ក្រោយ​ការ​កើត​ហេតុ​ភ្លាម និង​រហូត​មក​ទល់​ថ្ងៃ​អាទិត្យ​ម្សិលមិញ​ រដ្ឋមន្ត្រី​ក្រសួង​មហាផ្ទៃនៅ​តែ​អះអាង​ថា​ ជន​ដៃដល់​គ្មាន​បញ្ហា​អាកប្បកិរិយា ឬ​សញ្ញា​ជ្រុលនិយម​អ្វីទេ។

តាមការ​ពិត នៅ​ក្នុង​សំណុំ​ឯកសារ​រដ្ឋបាល​​ ជនដៃដល់​ពិត​ជា​គ្មាន​ប្រវត្តិ​​ជា​អ្នក​ផ្តាច់​ខ្លួន​ជ្រុលនិយម​សោះមែន។ ភាព​ជ្រុលនិយម​របស់​ខ្មាន់​កាំបិតនេះ ត្រូវ​បាន សម្គាល់ដោយ​មិត្ត​រួមការងារ​ ប៉ុន្តែ​ពុំ​បាន​សរសេរ​ជា​របាយការណ៍​ជា​លាយ​លក្ខណ៍​​អក្សរ​ផ្តល់​សញ្ញា​ជា​ផ្លូវការ​ទេ។ អ្នកទទួល​ខុស​ត្រូវ​ យល់​ថា​ជាបញ្ហា​ផ្ទៃក្នុង​ ក្នុង​ក្រុម ត្រូវដោះស្រាយ​ក្នុង​ក្រុម​​ឯង ទើប​មិន​បញ្ជូន​សំណុំ​រឿង​ទៅ​ថ្នាក់លើ។ ​តើ​នរណា​អាច​នឹក​ស្មាន​ដល់​ថាការ​ជ្រើសរើស​ប្រកាន់​​​អ៊ីស្លាម​ជ្រុលនិយម​ គឺ​ជា​សញ្ញាអាសន្ន​ ​ត្រូវ​ប្តឹងទៅ​ថ្នាក់​លើ ​ថា​ជន​ម្នាក់​នោះ​នឹងក្លាយ​ជា​ភេរវជន?!

​ភាព​មិន​ប្រក្រតីនៃ​ប្រព័ន្ធ​ត្រួតពិនិត្យ​រដ្ឋ

យ៉ាងណា​ក៏​ដោយ ក៏​ភេរវកម្ម​នៅ​ទីស្នាក់ការ​ប៉ូលិសក្រុង​ប៉ារីស​កាលពីថ្ងៃព្រហស្បតិ៍ បាន​រំលេច​ឱ្យ​ឃើញ​ថា ការ​ផ្តាច់​ខ្លួន​ជា​ជនជ្រុលនិយម​​អ៊ីស្លាម​ បាន​ជ្រៀត​ចូល​ដល់​ក្នុង​ជួរសេវា​​រដ្ឋការ​បារាំង​ និង​ដល់​​ក្នុង​ស្ថាប័ន​​​ជា​យុទ្ធសាស្ត្របំផុតទៀតផង។

ប៉ុន្តែ​ថ្វី​បើ​រដ្ឋមន្ត្រី​ក្រសួង​មហាផ្ទៃ​បារាំង បាន​ទទួល​ស្គាល់ថា ការ​វាយប្រហារ​នេះ​​ បាន​ទម្លាយ​ឱ្យ​ឃើញ​អំពីដំណើរ​ការ​​មិន​ប្រក្រតីក្នុង​ប្រព័ន្ធរដ្ឋ​មែន តែសំណុំ​រឿង​នេះ​​មិន​មែន​ជា​រឿង​អាស្រូវ​ជាតិ​ដូច​ដែលប​ក្ស​ប្រឆាំង​ចោទ​ឡើយ ! សម្រាប់​លោក​រដ្ឋមន្ត្រី ចំណុច​ខ្សោយ​ដំបូង​​​នៃ​ប្រព័ន្ធ​ទប់​ស្កាត់​ភេរវកម្ម​បារាំង គឺ​ ដោយ​សារ​តែប្រទេស​គ្មាន​ប្រព័ន្ធ​ផ្តល់​សញ្ញា​ និង​ពិសេស​គ្មាន​ប្រព័ន្ធ​បញ្ជូន​​ព័ត៌មាន​ជា​ស្វ័យ​ប្រវត្តិ​ ទាក់ទង​នឹង​សកម្មភាព​ផ្តាច់​ខ្លួន​ទៅ​ធ្វើ​ជាជនជ្រុលនិយម​អ៊ីស្លាម ទៅ​ផ្នែក​ដេល​មាន​សមត្ថកិច្ច។

ករណីផ្តាច់​ខ្លួន​របស់​ Michaël Harpon ​ជនដៃ​ដល់ ដែលឈាន​ដល់​ការ​​វាយប្រហារ​ដោយ​កាំបិត​សម្លាប់​អ្នក​រួមការងារ​បួន​នាក់ និង​របួស​ម្នាក់ គឺ​បណ្តាល​មក​ពី​គ្មាន​ការ​ផ្តល់​ព័ត៌មាន​ ផ្តល់​សញ្ញា ឱ្យ​បាន​ត្រឹម​ត្រូវ និង​ចំពេល ចំពោះ​​ថ្នាក់លើ​​។ ហេតុ​ដូច្នេះ​ហើយ បាន​ជា​លោក​រដ្ឋមន្ត្រី​បាន​ប្រកាស​នៅ​ពឹ្រក​មិញ ចង់​ដាក់​ឱ្យ​ដំណើរ​ប្រព័ន្ធ​ផ្តល់​ដំណឹង​ជា​ស្វ័យ​ប្រវត្តិ​ នៅ​ពេល​ឃើញ​មាន​សញ្ញា​ផ្តាច់​ខ្លួន​របស់បុគ្គលិក​ណា​ម្នាក់​ នៅ​ក្នុង​ស្ថាប័ន។ សម្រាប់​លោក បើ​មាន​កំហុស​ត្រូវ​តែ​កែ បើ​មាន​កំហុស​ត្រូវ​តែទទួល​ទោស។ ក្រៅ​ពី​នោះ លោក​រដ្ឋមន្ត្រី​ចង់​ឱ្យ​មាន​ការ​កែប្រែ​ទម្លាប់​មួយ​ចំនួន​ទៀត​។ រដ្ឋាភិបាល​បារាំង​បានទទួល​ស្គាល់​ថា​ប៉ូលិស​មាន​ចំណុច​ខ្សោយ​តែ​មិន​បាន​បញ្ជាក់​ថា​ជា​អ្វី​ខ្លះ​ទេ។

រដ្ឋាភិបាល​បារាំង​ក៏​បាន​ប្រកាស​បើក​​បេសកកម្ម​ពីរ​​ ដើម្បី​ត្រួត​ពិនិត្យ​បុគ្គលិក​ក្នុង​រង្វង់​ភ្នាក់ងារ​ចារកិច្ច​។ អាច​ចាត់ទុក​ថា​ទាល់​តែ​គោបាត់​ទើប​ធ្វើ​របង​ក៏​បាន ប៉ុន្តែ​យ៉ាង​ហោច​ណាស់ ក៏​បេសកកម្ម​នេះ​នឹង​អាច​បំភ្លឺ​ចម្ងល់​ថា​ហេតុអ្វី​បាន​ជា​ខ្មាន់​កាំបិត​ជ្រុលនិយម​អាច​​ រួច​ពី​សំណាញ់​ភ្នាក់ងារចារកិច្ច​បាន ហើយ​តើ​អាច​មាន​បុគ្គលិក​ក្នុង​ទម្រង់​នេះ​កំពុង​ធ្វើ​សកម្មភាព​ក្នុង​រង្វង់​ស្ថាប័ន​រដ្ឋ​ទៀត​ដែរ​ឬ​យ៉ាងណា៕

វិបត្តិ​ស៊ីលី​៖ មនុស្ស​យ៉ាងហោច​៧ នាក់​ស្លាប់​ ទោះបី​មាន​ការ​ដាក់​ប្រទេស​ក្នុង​ភាព​អាសន្ន​

ឥណ្ឌូណេស៊ី ៖ លោក​ប្រធានាធិបតី ផ្តើម​អាណត្តិទីពីរ ក្នុង​បរិបទ​នៃ​ភាព​មិន​ទុក​ចិត្ត

សភាអង់គ្លេសបោះឆ្នោតជាប្រវត្តិសាស្ត្រ ដើម្បីសម្រេចព្រមឬមិនព្រមលើកិច្ចព្រមព្រៀង Brexit

Brexit៖សហភាពអឺរ៉ុប និងអង់គ្លេសចាត់ទុកកិច្ចព្រមព្រៀងថ្មីមានយុត្តិធម៌ និងមានតុល្យភាព

ប្រមុខ​ដឹកនាំហុងកុង ខកខាន​មិន​បាន​ថ្លែង​គោលនយោបាយ​ប្រចាំឆ្នាំ ​នៅ​ចំពោះ​មុខ​សភា​

Unicef៖មានកូនក្មេងម្នាក់ក្នុងចំណោម ៣នាក់ជួបបញ្ហាកង្វះអាហារូបត្ថម្ភ

ក្រុម​យុទ្ធជន​​គួឌីស្ថាន​ស៊ីរី​​ចុះកិច្ចព្រមព្រៀង​ជាមួយ​រដ្ឋាភិបាល​ដាម៉ាស ដើម្បី​ទប់ទល់​នឹង​តួកគី

អេក្វាទ័រ៖ក្រោយផ្ទុះវិបត្តិសង្គមអស់ ១១ថ្ងៃ ប្រធានាធិបតី និងសហគមន៍ជនជាតិដើមម្ចាស់ស្រុកយល់ព្រមចូលតុចរចា

តួកគី​បន្ត​ការ​វាយលុក​នៅស៊ីរី​ ទោះបី​រង​សម្ពាធ​ទណ្ឌកម្ម​ច្រើនឡើង​​ពី​អាមេរិក​

នាយករដ្ឋ​មន្ត្រី​អេត្យូពី Abiy Ahmed ជាជ័យ​លាភី​ណូបែល​សន្តិភាព​២០១៩

តួកគី​រង​ការ​រិះគន់​ជុំទិស ទាក់ទង​នឹង​ការវាយប្រហារ​ទៅលើ​ទីតាំង​គួឌីស្ថាន​នៅ​ស៊ីរី

ស្វែង​រក​លុយ​ចំនួន ១៤ ០០០លានដុល្លារ​ដើម្បី​បន្ត​យុទ្ធនាការ​ប្រយុទ្ធប្រឆាំងនឹងជំងឺស៊ីដា ជំងឺរបេង និងជំងឺគ្រុនចាញ់

សង្គ្រាម​ពាណិជ្ជកម្ម៖ លោក ត្រាំ ថាចង់​បាន​កិច្ចព្រមព្រៀង​រួម​គ្រប់​វិស័យ​ជាមួយចិន ​

បាតុកម្ម ៥ថ្ងៃ ដែល​សម្លាប់​ជនជាតិ​អ៊ីរ៉ាក់ ជិត​១០០នាក់ និង​របួស ជាង ៤ពាន់នាក់

ហុងកុង៖ បាតុកម្ម​កាន់តែ​ហិង្សា​ឡើង ក្រោយ​អាជ្ញាធរ​ហុងកុង​ចេញ​ច្បាប់​ថ្មី ហាម​​មិន​ឱ្យ​ពាក់​ម៉ាស់​បិទមុខ​ធ្វើ​បាតុកម្ម​

លោកដូណាល់ ត្រាំ​ស្នើសុំ​ជាចំហ ឲ្យ​ចិន​ស៊ើបអង្កេត​កូនប្រុស​​លោក Joe Biden

អ៊ីរ៉ាក់៖មូលហេតុដែលបានបញ្ឆេះកំហឹងប្រជាជនឲ្យចុះផ្លូវធ្វើបាតុកម្មប្រឆាំងរដ្ឋាភិបាល

Brexit: នាយករដ្ឋមន្ត្រី​អង់គ្លេស ចង់ដាក់​សំណើ​ថ្មីបែង​ចែក​«ព្រំដែនពីរ»​រវាង​អង់គ្លេស​និង​អៀរឡង់​

ចិនបានបង្ហាញមហិទ្ធិឫទ្ធិប្រាប់ពិភពលោកនៅក្នុងខួប ៧០ឆ្នាំនៃការបង្កើតសាធារណរដ្ឋប្រជាមានិតចិន