rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ទស្សនៈព្រឹត្តិការណ៍ពិភពលោក
rss itunes

បំណុល​ជាតិ​​ចំណាយ​​សាធារណៈ​​និង​​ការ​​ព្រមាន​​របស់​​មូលនិធិរូបិយវត្ថុ​អន្តរជាតិ​​លើ​​រដ្ឋាភិបាល​​បារាំង​​

ដោយ ឆន ឌីណា

មូលនិធិរូបិយ​វត្ថុ​អន្តរជាតិ ​(FMI) តាម​រយៈ​លោក​ស្រី​ គ្រីស្ទីន ឡាហ្កាដ​ (Christine Lagarde) ​បាន​​ធ្វើការ​​ព្រមាន​​អំពី​​ការ​កើនឡើង​បំណុលជាតិ​របស់​រដ្ឋាភិបាល​បារាំង​ និង​​អំពាវនាវ​ឱ្​យលោក​ប្រធានាធិបតី ​អេម៉ានុយអែល​ ម៉ាក្រុង ​(Emmanuel Macron) ដាក់​ចេញ​នូវវិធានការ​​កាត់​​បន្ថយ​​ចំណាយ​​សាធារណៈ ​ដើម្បី​ចីរភាព​នៃ​សេដ្ឋកិច្​ច​បារាំង​​ ក្នុង​​រយៈ​ពេល​មធ្យម​ និង​ក្នុង​​រយៈពេល​​​វែង។​ តើ​​ហេតុអ្វី?​

ក្នុង ​របាយការណ៍ ចេញផ្សាយ​កាល​ពីពេល​ថ្មី​ៗ ​មូលនិធិរូបិយវត្ថុអន្តរជាតិ​បាន​សម្ដែង​ក្តីព្រួយ​បារម្ភ អំពី​កម្រិត​បំណុលជាតិ​របស់​រដ្ឋាភិបាល​បារាំង ដែល​បាន​កើន​ឡើង​លើស​ពី ​៩៨,៤ភាគរយ​ធៀប​នឹង​ចំណូល​ជាតិសរុប និងបាន​អំពាវនាវ​ឱ្យ​រដ្ឋាភិបាល​បារាំង ដែលកំពុងដឹកនាំដោយ លោកប្រធានាធិបតី អេម៉ានុយអែល ម៉ាក្រុង ​ចាំបាច់​ត្រូវ​កាត់​បន្ថយ​ ​ចំណាយ​សាធារណៈ​របស់​ខ្លួន។ មូលនិធិរូបិយវត្ថុអន្តរជាតិ ក៏​បាន​ក្រើន​រំលឹក​ផងដែរ​អំពី ការ​ដាក់ចេញនូវ​វិធានការ​ដើម្បីធ្វើ​ឱ្យ​មាន​ការគាំទ្រពីសាធារណៈជន​ ជាពិសេស​ពាក់ព័ន្ធទៅនឹង​បញ្ហា​ដែល​ប្រទេស​នៅបន្តជាប់ផុងជាមួយ​ក្រុមប្រឆាំង​នឹង​រដ្ឋាភិបាល​ ពោលគឺក្រុម​អាវ​កាក់​ពណ៌​លឿង។

បើ​ទោះបី​ជា​បំណុល​ជាតិរបស់​បារាំង​បាន​ធ្លាក់​ចុះ​ប្រមាណ -០,៣ភាគរយ​ នៅត្រឹម​ត្រីមាសទីបួន​ ក្នុង​ឆ្នាំ​២០១៨ ក៏ទំហំបំណុលជារួម​​បាន​កើន​ឡើង​រហូត​ដល់ ២,៣២ ទ្រីលាន​អឺរ៉ូ។ ជាពិសេស ក្នុង​កំឡុង​ពេល​មួយ​ឆ្នាំ​ បំណុល​នេះ​បាន​កើន​ឡើង​ ២,៥​ភាគរយ។ គួរបញ្ជាក់​ផងដែរថា បំណុលជាតិរបស់បារាំងមានត្រឹមតែ ២០ភាគ​រយ​ប៉ុណ្ណោះ​​ធៀប​នឹង​ចំណូលជាតិសរុប កាលពីឆ្នាំ​១៩២០ តែវា​បាន​កើន​ឡើង​ជិត​១០០​ភាគរយ​ នាពេល​បច្ចុប្បន្ន។

ជាក់ស្ដែង ទោះគ្មានការព្រមានអំពី​ហានិភ័យ​អ្វី​ជា​ដុំកំភួន​ក្នុង​ពេល​ភ្លាមៗក៏​ដោយ ក៏ប៉ុន្តែ​ការអនុវត្ត​នយោបាយ​អត្រាការប្រាក់ទាបក្នុង​ពេល​បច្ចុប្បន្ន អាច​រុញច្រាន​ឱ្យ​បំណុលជាតិ​ចេះតែបន្តកើន​ឡើង រហូត​ដល់​កម្រិត​មួយ​ដែលអាច​ផ្តល់​លទ្ធផល​មិន​ល្អ សម្រាប់​សេដ្ឋកិច្ច​បារាំង​នៅ​រយៈពេល​មធ្យម និង​រយៈពេល​វែង។​

មូលនិធិរូបិយវត្ថុអន្តរជាតិ ដែលជាស្ថាប័នអន្តរជាតិដឹកនាំដោយ លោកស្រី​នាយិកា ​គ្រីស្ទីន ឡាហ្កាដ បាន​ធ្វើការ​កត់សម្គាល់​ថា កំណើនសេដ្ឋកិច្ច​បារាំង បើ​ទោះ​ជា​មាន​ល្បឿន​យឺត​បន្តិច ក៏ប៉ុន្តែ វា​នៅ​តែ​បង្កើតបាន​ការងារ​យ៉ាងច្រើន។ នោះក៏ព្រោះ​ដោយសារ​កំណែទម្រង់​ដែលបាន​អនុវត្ត​នៅ​ប៉ុន្មាន​ឆ្នាំ​ចុងក្រោយ លើ​នយោបាយ​ទីផ្សារ​ការងារ និង​នយោបាយពន្ធដារ។

ស្ថាប័នអន្តរជាតិមួយ​នេះ បាន​ធ្វើការព្យាករណ៍កាលពី​ខែ​មេសា​នេះថា កំណើន​សេដ្ឋកិច្ច​បារាំង​នឹង​មាន​ប្រមាណ ១,៣ភាគរយ​នៅ​ឆ្នាំនេះ ហើយ​កំណើន​សេដ្ឋកិច្ច​អាចបន្ត​ក្នុង​អត្រាថេរប្រមាណ ១,៥ភាគរយ​ នៅក្នុង​រយៈពេល​មធ្យម។ បារាំងបច្ចុប្បន្ន​ជា​ប្រទេស​ដែល​មាន​សេដ្ឋកិច្ច​ធំបំផុត​លំដាប់​ទីពីរ​នៅតំបន់​ចាយ​ប្រាក់​​អឺរ៉ូ និង​ទីប្រាំពីរ​លើ​ពិភពលោក​ វាស់វែង​ដោយ​ចំណូលជាតិសរុប ឬ​ផលិតផល​​ក្នុង​ស្រុក​សរុប។

គួរបញ្ជាក់ផងដែរថា រដ្ឋាភិបាល​បារាំង កាល​ពីខែមេសា​នេះ បាន​ប្រកាស​គម្រោង​នយោបាយថ្មីៗ ដោយ​គ្រោង​នឹង​កាត់បន្ថយការយកពន្ធ ការកាត់​បន្ថយ​លើ​ចំណាយ​​សាធារណៈ និង​ការបង្កើន​ម៉ោង​ធ្វើការ​ឱ្យបាន​វែងជាងមុន។

ជាចុងក្រោយ មូលនិធិរូបិយវត្ថុអន្តរជាតិ ​ក៏​បាន​បង្ហាញផងដែរអំពី ហានិភ័យ​សាកល​ដែល​បាន​និងកំពុងបន្តកើនឡើង ដូចជា ភាពតានតឹង​នៃ​ជម្លោះ​ពាណិជ្ជកម្មរវាងប្រទេសមហាអំណាច ឬភាពមិន​ច្បាស់លាស់នៃ​ការ​ចាក​ចេញ​របស់​​ចក្រភពអង់គ្លេស​ពីសហភាពអឺរ៉ុប ជាដើម៕

រុស្ស៊ី-ចិន៖ ចំណងទូត៧០ឆ្នាំ បានបើកយុគសម័យថ្មី

ក្រោយ​បោះឆ្នោតជាតិ​, ​អ៊ីស្រាអែល​ នៅតែ​លំបាកក្នុង​ការ​រៀបចំ​រដ្ឋាភិបាល​ចម្រុះ​

ហេតុអ្វី​បានជា​ឥណ្ឌូណេស៊ី​តែងតែ​ប្រឈម​នឹង​បញ្ហា​ភ្លើង​ឆេះព្រៃ?

ហេតុអ្វីបានជាមានផ្ទុះអំពើហិង្សាប្រឆាំងនឹងជនបរទេសនៅក្នុងប្រទេសអាហ្រ្វិកខាងត្បូង?

សេដ្ឋកិច្ច ហុងកុង តើវិបត្តិនយោបាយហុងកុងមានពាក់ព័ន្ធអ្វីនឹងវិសមភាពសង្គម?

រុស្ស៊ី ជាម្ចាស់ផ្ទះ ទទួលជាលើកដំបូង មហាសន្និបាតនៃអង្គការទេសចរណ៍ពិភពលោក

សហភាពអឺរ៉ុបបង្ហាញ​​សមាសភាព​​គណៈកម្មការ​ថ្មី ប្រកប​​ដោយ​​សមភាព តែ​ក៏​មាន​​ការ​រិះគន់​

ហេតុអ្វី​ឥណ្ឌូណេស៊ីឈប់​នាំ​ចេញ​រ៉ែនីកែលទៅក្រៅប្រទេស?

អង្គការ Amnesty International បរិហារពីអវត្តមានក្រមសីលធម៌ និងភាពគ្មានតម្លាភាពរបស់ឧស្សាហកម្មអាវុធ

ហេតុអ្វីអាហ្សង់ទីនប្រើវិធានការត្រួតពិនិត្យលើការដោះដូររូបិយវត្ថុ?

អ៊ុយក្រែន បារម្ភនឹងក្រុមអ្នកទេសចរទៅថតរូប​នៅស្ថានីយអគ្គិសនីបរមាណូ Tchernobyl

រដ្ឋាភិបាលថៃ​​ប្រឹងប្រែង​​ទាក់ទាញ​ការ​វិនិយោគ​ពី​កូរ៉េខាងត្បូង​

តើ​សមយុទ្ធ​ជើងទឹក​រួម​អាស៊ាន-អាមេរិក​មាន​សារៈសំខាន់​យ៉ាងណា​សម្រាប់​អាស៊ាន?

ហេតុអ្វីបានជាផ្ទៃដីកសិកម្មចំនួន ១ភាគ៣ ក្នុងលោកត្រូវបានខូចខាត និងប្រហែលមិនអាចធ្វើកសិកម្មបាន?

សិង្ហបុរី៖ សញ្ញាសេដ្ឋកិច្ចធ្លាក់ចុះ និងជម្លោះនយោបាយផ្ទៃក្នុង

ជប៉ុនបើក​សន្និសីទ​អន្តរជាតិ​ជប៉ុន-អាហ្វ្រិក​លើកទី៧ ទោះ​ដឹង​ថា​ពិបាក​នឹង​ប្រជែង​ជាមួយ​ចិន

បន្ទាប់ពីស៊ីរី អ៊ីស្រាអែលបានប្រើសមរភូមិអ៊ីរ៉ាក់ និងលីបង់ដើម្បីប្រឆាំងអ៊ីរ៉ង់ និងសម្ព័ន្ធមិត្តរបស់អ៊ីរ៉ង់

រុស្ស៊ី​រៀបចំ«ល្បែងកងទ័ពអន្តរជាតិ» នៅម៉ូស្គូ ​ដោយ​មាន​និស្សិត​យោធា​ខ្មែរចូលរួមផង

ហេតុអ្វី អាមេរិក​ចង់ទិញ​ដែនដី​ហ្ក្រូអេឡិន ពីដាណឺម៉ាក ?

ហេតុអ្វី​​អាមេរិក​ខ្វល់ខ្វាយ​ខ្លាំងម្ល៉េះពី​ជម្លោះ​រវាង​ជប៉ុន​និង​កូរ៉េខាងត្បូង​?