ទិវាពលកម្មអន្តរជាតិទី១ឧសភា ត្រូវបានរំខានដោយអំពើហិង្សាពីសំណាក់ក្រុុមជ្រុលនិយម
នៅប្រទេសបារាំងក្យួនបាតុកម្មរបស់សហជីពនៅក្នុងទិវាពលកម្មអន្តរជាតិនាថ្ងៃទី១ឧសភានាម្សិលមិញនៅទីក្រុងប៉ារីស ត្រូវបានរំខានដោយអំពើហិង្សានានាដែលបង្កឡើងពួកឆ្វេងជ្រុលនិយមឬហៅថាពួក « Black Blocs ។ ប៉ូលីសបារាំង បានជូនដំណឹងនៅថ្ងៃពុធនេះ ពីការឃុំខ្លួនជនចំនួន១០៩នាក់ដែលពាក់ព័ន្ធនឹងអំពើហិង្សាម្សិលមិញនេះ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១១
នៅប្រទេសបារាំង បាតុកម្មរបស់សហជីពនៅក្នុងទិវាពលកម្មអន្តរជាតិនាថ្ងៃអង្គារទី១ឧសភាម្សិលមិញ ត្រូវបានអុកឡុករំខានដោយអំពើហិង្សារបស់ក្រុមឆ្វេងជ្រុលនិយម។
ប្រមុខនគរបាល បានបញ្ជាក់តាមវិទ្យុ France Inter ថា ពួកឆ្វេងជ្រុលនិយមដែលមានគ្នាប្រមាណ ១២០០នាក់ក្នុងសម្លៀកបំពាក់ព័ណ៌ខ្មៅនិងបិទមុខដែលគេហៅថាក្រុម « Black Blocs បាននាំគ្នាសែ្រកយ៉ាងគងរំពងថា “នរណាក៏ស្អប់ប៉ូលីសដែរ ឬក៏ថាប៉ារីសត្រូវតែងើបឡើងដើម្បីធ្វើការបះបោ”រ។ ពួកជ្រុលនិយមទាំងនោះ បានទៅជួបជុំគ្នាជាតំបូងនៅម្តុំស្ពាន Austerlitz ភាគខាងកើតប៉ារីសជាទីដែលមានក្បួនដង្ហែររបស់ក្រុមសហជីព។
ក៏ប៉ុន្តែក្រោមសេចក្តីសម្រេចចិត្តរបស់ប្រមុខនគរបាលបារាំង ក្បួនដង្ហែររបស់សហជីព បានប្តូរទិសដៅឆ្ពោះទៅកាន់ម្តុំទីលាន Italie ក្នុងសង្កាត់ប៉ារីសទី១៣វិញ។ គឺពេលនោះហើយដែលពួក« Black Blocs ត្រូវបានកម្លាំងរក្សាសណ្តាប់ធ្នាប់ដាក់អោយនៅទោលឯកា។ ក្រុមប៉ូលិស បានរង់ចាំមើលសភាពការណ៍ពីរឬ៣នាទីសិនមុននឹងចាប់ផ្តើមអន្តរាគន៍តបទៅនឹងពួកBlack Blocs ដែលបានគប់ចោលគ្រឿងឆេះទៅលើក្រុមប៉ូលីស។ ពេលនោះហើយដែលប៉ូលីសបានប្រើកាណុងបាញ់ទឹកនិងឧស្ម័នធ្វើឲ្យចេញទឹកភ្នែកតបតវិញទៅនឹងពួកបះបោរដើម្បីបំបែកពួកនេះ។
ក៏ប៉ុន្តែ ពួកជ្រុលនិយមខ្លះៗ នៅតែមានឱកាសក្នុងការវាយកំទេចបំផ្លាញកញ្ចក់ហាងលក់ទំនិញនានាប្រមាណ ៣១កន្លែងនៅក្នងទីក្រុងប៉ារីសក្នុងនោះហាងពីរកន្លែងត្រូវឆាបឆេះ យាន្តយន្ត៦គ្រឿងត្រូវដុតបំផ្លាញនិង១០គ្រឿងផ្សេងទៀតត្រូវខូតខាត។
ជាសរុប ជនចំនួន២៨៣នាក់ត្រូវបានប៉ូលីសចាប់ខ្លួនក្នុងចំណោមនេះ ១០៩នាក់ត្រូវបានឃុំខ្លួន។
មួយថ្ងៃបន្ទាប់ពីអំពើហិង្សានេះ រដ្ឋមន្ត្រីក្រសួងមហាផ្ទៃបារាំងលោក Gérard Collomb តាមរយៈបណ្តាញទូរទស្សន៍បារាំងប៉ុស្ត៍លេខ២ បានសន្យាថានឹងបង្កើនកម្លាំងរក្សាសណ្តាប់ធ្នាប់ឲ្យកាន់តែចំនួនច្រើនថែមទៀតនៅពេលបាតុកម្មលើកក្រោយ ជាមួយនឹងឆន្ទះដើម្បីធ្វើការបែងចែកឲ្យដាច់ស្រឡៈពីគ្នារវាងសហជីពនិងពួកបាតុករដែលចង់ធ្វើការបំផ្លិចបំផ្លាញ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ