រឿងរ៉ាវបណ្តេញមន្រ្តីទូតរុស្ស៊ីត្រូវបានលោកឡាវរ៉ូវបរិហារលើសម្ពាធដ៏ធំសម្បើមពីអាមេរិក
សង្រ្គាមការទូតរវាងប្រទេសរុស្ស៊ី និងបស្ចិមលោកទាក់ទងនឹងការប៉ុនប៉ងសម្លាប់អតីតចារកិច្ច និងកូនស្រីរបស់គាត់ក្នុងប្រទេសអង់គ្លេសកំពុងបន្តមានយ៉ាងគគ្រឹកគគ្រេង។ មួយថ្ងៃ ក្រោយពីមានការប្រកាសបណ្តេញមន្រ្តីទូតរុស្ស៊ីពីសំណាក់ប្រទេសលោកខាងលិចចំនួន ២០មក លោកប្រមុខការទូតរុស្ស៊ីឡាវរ៉ូវបានបញ្ចេញប្រតិកម្មខ្លាំងៗដោយអះអាងថា មូស្គូនឹងមិនឈរឱបដៃមើលឡើយ និងបានបរិហារលើសម្ពាធដ៏ធំសម្បើមរបស់អាមេរិក។
ចុះផ្សាយនៅថ្ងៃ៖
ស្តាប់ - ០១:០៣
« យើងនឹងធ្វើការឆ្លើយបកវិញ អស់លោកមិនបាច់មានមន្ទិលសង្ស័យអ្វីទេនៅត្រង់ចំណុចនេះ។ ព្រោះថា គ្មាននរណាម្នាក់អាចអត់ឱន អនុគ្រោះឲ្យមានទង្វើដ៏កំរោល និងគ្រោតគ្រាតរបៀបនេះបានឡើយ។
យើងពិតជាមានហេតុផលត្រឹមត្រូវដែលបញ្ជាក់ថានៅលើលោកសព្វថ្ងៃនេះ មានតែប៉ុន្មានប្រទេសប៉ុណ្ណោះដែលមានជំហរឯករាជ្យពិតប្រាកដ។ នៅពេលដែលគេបានស្នើឲ្យមន្រ្តីទូតម្នាក់ ឬ ២នាក់ចាកចេញពីប្រទេសនេះ ឬប្រទេសនោះ រួចបាននិយាយសុំទោសដោយខ្សឹបៗដាក់ត្រចៀករបស់យើង យើងបានដឹងយ៉ាងច្បាស់ថា គឺជាលទ្ធផលបានមកពីការដាក់សម្ពាធ និងការជំរិតដ៏ធំសម្បើម។
គួរឲ្យស្តាយដែលទង្វើក្រោមរូបភាពនេះកំពុងក្លាយជាអាវុធដ៏សំខាន់ដែលទីក្រុងវ៉ាស៊ីនតោនកំពុងប្រើនៅលើឆាកអន្តរជាតិ »៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ