rfi

កំពុងផ្សាយ
  • ផ្សាយផ្ទាល់
  • នាទីព័ត៌មាន
  • RFI ជាភាសាបារាំង
ទស្សនៈព្រឹត្តិការណ៍ពិភពលោក
rss itunes

ក្រិត្យលោកពូទីន ស្តីអំពីកងទ័ពរុស្ស៊ី ចាប់ពី ថ្ងៃ១ មករា ឆ្នាំ ២០១៨

ដោយ កែវ ឆាយា

ចាប់​ពី​ថ្ងៃ ១មករា​ឆ្នាំថ្មីនេះ ស្រប​នឹង​ក្រិត្យ​ចេញ​ដោយ​លោកប្រធានាធិបតី វ៉្លាឌីមៀរ ពូទីន យោធា​សុទ្ធសាធ​ដែលស្ថិតនៅ​ក្នុង កង​កម្លាំង​ប្រដាប់​អាវុធ​សហព័ន្ធ​រុស្ស៊ី មាន​ចំនួន ១​លាន ១ម៉ឺន ៣ពាន់ ៦២៨ នាក់។ នាពេល​ចុងក្រោយ កាលណា​​និយាយ​​ប៉ះ​លើ​កងទ័ព​ជាតិ មេដឹកនាំ​រុស្ស៊ី​រូបនេះ តែង​រំលឹក​ជានិច្ច អំពី​​ប្រតិបត្តិការ​បំពេញ​យ៉ាង​ជោគជ័យ ដោយ​បណ្តា​អង្គភាព​ទ័ព​រុស្ស៊ី ផ្លាស់វេន​គ្នា សរុបទៅ ក្នុងចំនួន ៤ម៉ឺន ៨ពាន់នាក់ នៅ​ប្រទេស​ស៊ីរី ក្នុង​រយៈពេល ជាង​២ឆ្នាំ​កន្លងទៅ។ ទោះបី​មាន​កងទ័ព តិច​ជាង ចិន ឥណ្ឌា និង សរអា ក្តី ក៏ ក្នុង​តារាង​ស្រាវជ្រាវ​អំពី​កងទ័ព ១០​ប្រទេស​នាំមុខគេ ចេញក្នុងឆ្នាំ ២០១៧ ដោយ ​​ក្រុមហ៊ុនអន្តរជាតិ Global Firepower ខាង​សមត្ថភាព​ប្រយុទ្ធ​នៃ​កងទ័ព​គ្រប់​​ប្រភេទ រុស្ស៊ី ជាប់​ចំណាត់ ថ្នាក់ទី២ ស្ថិតនៅ​តែពីក្រោយ សរអា ប៉ុណ្ណោះ។

ជាបឋម អំពីក្រិត្យលោកប្រធានាធិបតីរុស្ស៊ី វ៉្លាឌីមៀរ ពូទីន ៖ ចាប់ពីថ្ងៃ ១ មករា ឆ្នាំ​ ២០១៨ ចំនួនពលរដ្ឋបម្រើការ ក្នុងកងកម្លាំងប្រដាប់អាវុធសហព័ន្ធរុស្ស៊ី បានរួញខើច អស់ ២៩៣ នាក់ ។ ក្រិត្យនេះ ទុកជាមោឃៈក្រិត្យ ដែលគាត់បានចេញ ថ្ងៃ ២៨មិនា ឆ្នាំ ២០១៧ ដែលកាលណោះ ជាលើកទី១ ចាប់ពីឆ្នាំ ២០០៥ មក ចំនួន​អ្នកបម្រើការ​ក្នុង​កងទ័ព​រុស្ស៊ី បានកើនឡើងដល់ ១លាន ៩សែន ៣ម៉ឺន ៥១ នាក់។ ហើយ ចាប់ពីថ្ងៃ ១មករាឆ្នាំ ២០១៨ ក្រោយពីថយចុះអស់ ២៩៣ នាក់ គឺនៅសល់ ១លាន ៩សែន ២ពាន់ ៧៥៨ នាក់ ដែលពីក្នុងនោះ ប្រមាណ ៤០% ជាបុគ្គលិកស៊ីវិល បែបយ៉ាង ពួក​អ្នកធ្វើម្ហូប​អាហារ ពួកតៃកុង ឡាន ក្រុមគ្រូពេទ្យឯកទេសកម្មប្លែកៗ និង​ពួកអ្នកជំនាញ​អាជីវកម្ម​ផ្សេងទៀត ដែលធានាឲ្យកងទ័ព ដំណើរការ ប្រកបដោយគុណភាព។ ដូច្នេះ យោធា​សុទ្ធសាធ គឺ ១លាន ១ម៉ឺន ៣ពាន់ ៦២៨ នាក់ ដែល ក្នុង សមាសភាព គឺមាន ទ័ព ៣ ប្រភេទ ៖ទ័ពជើងគោក , ទ័ពជើងងទឹក មានឈ្មោះជាផ្លូវការ ថា កងនាវា សមុទ្រ ប្រចាំ​នៅតាមសមុទ្រ៥ ដែល​ទឹកវា​ប៉ប្រះឆ្នេរសហព័ន្ធរុស្ស៊ី គឺ សមុទ្របាល់ទិក សមុទ្រឧត្តរ មហា សមុទ្រ​ប៉ាស៊ីហ្វិក សមុទ្រកាស់ព្យេន សមុទ្រខ្មៅ , កងកម្លាំងអាកាសនិងអវកាស បូកទាំង ទ័ពឆ័ត្រយោង ទ័ពកាំជ្រួចមីស៊ីលយុទ្ធសាស្ត្រ និង ទ័ពពិសេស។

តាមដែលលោកពូទីន បានប្រកាសក្នុងកិច្ចប្រជុំថ្នាក់ដឹកនាំយោធា ៖ ជាតុល្យាការ ឆ្នាំ ២០១៧ កន្លងទៅ កងទ័ព បំពាក់ទៅដោយសព្វាវុធទំនើបៗ បានដល់កម្រិត ៦០% ទៅហើយ ពោលគឺ ៤ ដង ខ្ពស់ជាង កាលពីឆ្នាំ ២០១២ - ឆ្នាំ ដែលគាត់បានចាប់ផ្តើម អាណត្តិទី ៣ របស់គាត់ ។ ក្នុង ៥ឆ្នាំកន្លងទៅ តាមតួលេខ បង្ហាញដោយ នាយ​អគ្គសេនាធិការដ្ឋានកងទ័ព លោកនាយឧត្តមសេនីយ Valery Guerassimov កងទ័ព បានទទួលសព្វាវុធ និង គ្រឿងបច្ចេកទេសសឹកថ្មីៗ ចំនួន ជាង ៣០០ បែប ដែល​កំណត់​មុខមាត់ កងទ័ពរុស្ស៊ីបច្ចុប្បន្ន។

ថ្នាក់ដឹកនាំកងទ៍ព បានរាយការណ៍ជូន លោកប្រធានាធិបតីថា ក្នុងអំឡុងជាង ២ ឆ្នាំ នៃវត្តមាននៅស៊ីរី មានពួកយោធារុស្ស៊ីសរុបទៅ ៤៨.០០០ នាក់ បានចូលរួមប្រតិបត្តិការ ដែលពីក្នុងនោះ ១៤.០០០ នាក់ បានទទួលគ្រឿងឥស្សរិយយសរដ្ឋ ។ ក្នុងអំឡុងពេល​នេះ មានកំទេច ពួកភេរវជន អស់ ៦០.៣១៨ នាក់ ដែលពីក្នុងនោះ ២.៨០០ នាក់ មាន ដើមកំណើតទៅពី ប្រទេសរុស្ស៊ី ព្រមទាំងកំទេចពួកមេក្លោងរបស់វា អស់ ៨១៩ នាក់។

-កងអាកាសរុស្ស៊ី បានហោះចេញប្រតិបត្តិការ ៣៤.០០០ លើក ដោយ កំទេច យានយន្ដ​ពាសដែក អស់ជាង ៨.០០០ គ្រឿង និង រោងជាងផលិតតអាវុធរបស់ពួកភេរវជន អស់ ៧១៨ កន្លែង។ កងទ័ពរុស្ស៊ី ជួយរំដោះបាន ទីប្រជុំជន ១.០២៤ កន្លែងនៅស៊ីរី និង បាន​ដោះមីន លើផ្ទៃដី ៦.៥០០ ហិកតា។ ក្រោយពីដកចេញមក យន្តហោះចំបាំងរុស្ស៊ី ៤២ គ្រឿង និងអង្គភាពទ័ពភាគច្រើន ឥឡូវ បន្សល់ទុកឲ្យ ប្រចាំការនៅស៊ីរី សម្រាប់ទ្រទ្រង់ ស្ថិរភាព គឺ ពួកប៉ូលីសយោធារុស្ស៊ី ចំនួន ៤ កងវរសេនាតូច ។

ខាងសមត្ថភាពច្បាំង កងទ័ពរុស្ស៊ី ត្រូវបាន ក្រុមហ៊ុនអន្តរជាតិ Global Firepower ដាក់​ឲ្យ​ជាប់លេខ ក្នុង ចំណាត់ថ្នាក់ទី ២ ស្ថិតនៅតែពីក្រោយ សរអា ប៉ុណ្ណោះ។ ក្នុងតារាង​ចំណាត់​ថ្នាក់​នេះ នៃឆ្នាំ ២០១៧ សរអា ជាប់លេខ១ ទោះបី មានកងទ័ពមិនច្រើន​ជាងគេ​បង្អស់ក្តី តែក្នុង ចំនួន ១.៤៩២.០០០ នាក់ ប៉ុន្តែ បំពាក់ដោយ សព្វាវុធខ្លាំងជាងគេ បូកទាំង អាវុធនុយក្លេអ៊ែរផង និងខ្ទង់ចំណាយយោធា ដល់ទៅ ៦១២.០០០ លានដុល្លារ ឫ សឹង ១០ ដងច្រើនជាងថវិកាយោធារបស់រុស្ស៊ី។ ប៉ុន្តែ កងកម្លាំងប្រដាប់អាវុធ រុស្ស៊ី មានប្រៀបជាង កងទ័ពសឹងគ្រប់ប្រទេសក្នុងលោក ហើយពីក្នុងចំណោម ពលរដ្ឋ ១.០០០ នាក់ នៅ រុស្ស៊ី មាន ៦,៨ នាក់ បម្រើក្នុងកងទ័ព គឺជាទ្រនិចលេខខ្ពស់បង្គួរ។

ជាប់លេខ ៣ គឺប្រទេសចិន ដែលមានកងទ័ពច្រើនជាងគេបង្អស់ ដល់ទៅ ២.៣៣៣.០០០ នាក់ ប៉ុន្តែ ក្នុងចំណោមពលរដ្ឋ ១.០០០ នាក់ មានតែ ១,៧១ នាក់​ដែលជា​យោធា រីឯ ថវិកាយោធា ក៏ខ្ពស់បន្ទាប់ពី សរអា ដល់ទៅ ១២៦.០០០ លាន​ដុល្លារ។

ជាប់លេខ៤ គឺ ឥណ្ឌា មានកងទ័ព ១.៣៤៦.០០០ នាក់ និង ថវិកាយោធា ៤៦.០០០ លានដុល្លារ។

ជាការកត់សម្គាល់ ក្នុង តារាងចំណាត់ថ្នាក់នោះ ឥតមាននិយាយអំពីកូរ៉េខាងជើងទេ ដ្បិតជាប្រទេសបិទជិត ប៉ុន្តែ ប្រព័ន្ធផ្សព្វផ្សាយរុស្ស៊ី ក្នុងផ្ទៃនៃវិបត្តិជុំវិញប្រទេសនេះ ធ្លាប់បានបង្ហើបឲ្យដឹងថា ខាងចំនួនកងទ័ព ប្រទេសនេះ ជាប់លេខ៣ នៅអាស៊ី ដោយមាន​យោធាសកម្ម ពី ៨៥០.០០០ ដល់ ១.២០០.០០០ នាក់ និងមានយោធា ចំនួន ៤.០០០.០០០ នាក់ស្ថិតក្នុងភាពបម្រុង ហើយអាចកេណ្ឌទ័ពភ្លាមភ្លែត បាន ៤.៧០០.០០០ នាក់ លើបណ្តាជន ២៥ លាននាក់។

ជាប់លេខ៥ ក្នុងតារាងចំណាត់ថ្នាក់ គឺ បារាំង ដែលមានកងទ័ព ២២០.០០០ នាក់ និងថវិកាយោធា ៤៣.០០០ លាន ដុល្លារ។ ជាប់លេខ ៦ គឺ អង់គ្លេស មានទ័ព ១៨៨.០០០ នាក់ និង ខ្ទង់ចំណាយយោធា ៥៣ .០០០ លានដុល្លារ។ ជាប់លេរខ៧ គឺ ជប៉ុន មានយោធា ២៤៧.០០០០​ នាក់ និងថវិកាយោធា ៤៩.០០០០ លាន ដុល្លារ។ ជាប់លេខ ៨ ខាងសមត្ថភាពច្បាំង គឺ តួកគី មានទ័ព ៥១០.០០០ នាក់ និង ថវិកាយោធា ១៨.០០០០ លានដុល្លារ ហើយក្នុងពលរដ្ឋ ១.០០០ នាក់ មានយោធា ដល់ទៅ ៧ នាក់ សឹងស្មើនឹងរុស្ស៊ី។ ជាប់លេខ ៩ គឺអាល្លឺម៉ង់ មានយោធា ១៨៦.០០០ នាក់ និង ថវិកា​យោធា ៤៥.០០០ លានដុល្លារ។ ជាប់លេខ១០ គឺ កូរ៉េខាងត្បូង មានកងទ័ពធំទី ៤ នៅ​អាស៊ី ដល់ទៅ ៦៣០.០០០ នាក់ និង ថវិកាយោធា ៣៣.៧០០ លានដុល្លារ ប្រកប​ដោយទ្រនិចលេខខ្ពស់ជាងគេក្នុងលោក ខាងចំនួនពលរដ្ឋ ១.០០០ នាក់ មានយោធា​ដល់ទៅ ១៤,២ នាក់។ ចំណែកប្រទេសដែលមានកងទ័ពខ្សោយជាងគេ គឺ San Marino ដែលមានយោធាតែ ៤០ នាក់៕

ថ្លែងក្នុងកិច្ចប្រជុំថ្នាក់ដឹកនាំយោធានោះ លោកពូទីន បានប្រកាសថា ដោយសារ​ជោគជ័យយោធានៅស៊ីរី មាន ៥៩ ប្រទេសក្នុងលោក បច្ចុប្បន្ន បានកុម្ម៉ង​ទិញអាវុធពីរុស្ស៊ី ក្នុងកញ្ចប់ទឹកប្រាក់ ជាង ៤៥.០០០ លានដុល្លារ៕

ការ​​ប្រកួត​ World Cup - 2018 ​នៅ​រុស្ស៊ី​បន្ត​ទៅ​៨ថ្ងៃ​ហើយទាំង​ហែរហម​ដោយ​ចំណុច​ខ្លះ​គួរ​អោយ​ភ្ញាក់​ផ្អើល​

​អាមេរិក​របស់​លោក​ដូណាល់ ត្រាំ​កំពុង​បន្ត​អនុវត្តន៍​នយោបាយ​ឯកតោភាគីនិយម និង​ឯកោនិយម?

តួកគី៖​ហេតុអ្វី​បាន​ជា​លោក​អ៊ែរដូហ្កាន​ហាក់​បាន​ធ្លាក់​កូដ​នៅ​ក្នុង​យុទ្ធនាការ​សម្រាប់​ការ​បោះឆ្នោត​ថ្ងៃទី២៤ មិថុនា?

បាល់ទាត់ពិភពលោកឆ្នាំ២០២៦ ៖ កាណាដា ម៉ិចសិក និងសហរដ្ឋអាមេរិកបានទទួលសិទ្ធិរួមគ្នាធ្វើជាម្ចាស់ផ្ទះក្នុងបរិបថជម្លោះពាណិជ្ជកម្ម

បទវិភាគ៖​សម្រាប់​លោកពូទីន World Cup ២០១៨ជា​មុខមាត់​ប្រទេស​រុស្ស៊ី

វិបត្តិ​ជនភៀស​ខ្លួន​តាម​ទូក​កំពុង​ធ្វើឱ្យ​អ៊ីតាលី​និង​បារាំង មើលមុខ​គ្នា​មិន​ចំ

គីម ជុងអ៊ុន ពី​មេដឹកនាំ​ផ្តាច់ការ ក្លាយ​ជា​ប្រមុខរដ្ឋ ស្មើមុខ​​នឹង​ប្រធានាធិបតី​អាមេរិក

ទំនាក់ទំនង​រវាង​អាមេរិក និង​កូរ៉េខាងជើង និង​បុគ្គលិកលក្ខណៈ​របស់​លោកត្រាំ និង​លោកគីម!

អង្គការ​​សហប្រជាជាតិ​​ស្តី​បន្ទោស​​នយោបាយ​​ប្រឆាំង​​អន្តោប្រវេសន៍​​របស់​​សហរដ្ឋ​អាមេរិក​

កំណែ​ទម្រង់​ច្បាប់​អន្តោប្រវេសន៍​អឺរ៉ុប បន្ត​ជាប់​គាំង

ទិវាបរិស្ថាន៖ កាកសំណល់ប្លាស្ទិក ជាហានិភ័យខ្ពស់សម្រាប់មនុស្សជាតិ

ហ្សកដានី៖​អ្វី​ទៅ​ជា​ប្រភព​នៃ​ការ​ផ្ទុះ​កំហឹង​របស់​ប្រជាជន​រហូត​ទម្លាក់​រដ្ឋាភិបាល​លោក​ហានី មុលគី?

កំណើន​អត្រា​មរណភាព​បណ្តាល​មក​ពី​សារជាតិ​អូពីយូអីត​ (opioïde) កំពុង​ក្លាយ​ជា​វិបត្តិ​នៅ​ក្នុង​សង្គម​អាមេរិក​

ប៊ុលហ្ការី​ភ្ញាក់​រលឹក​ចង់​ស្តារ​ឡើងវិញ​ទំនាក់ទំនង​ជាមួយ​រុស្ស៊ី ពិសេស​ក្នុង​វិស័យ​ថាមពល

បារាំង​បញ្ចូល​ជំនួញ​គ្រឿងញៀន ក្នុង​ការគណនា​ផលិតផល​សរុប​ជាតិ PIB

វត្តមាន និង​ប្រយោជន៍​នៃ​សន្និសីទ​អន្តរជាតិ​ស្តីពី​ការ​រំសាយ​គ្រឿងសពា្វវុធ​កំពុង​ចោទ​ជា​បញ្ហា!

បាល់ទាត់​ពិភពលោក​ឆ្នាំ ២០១៨៖​ស្ថានីយ៍ទូរទស្សន៍​អាមេរិក Fox Sports កំពុង​ប្រមូល ADN មនុស្ស​ដើម្បី​ស្វែង​រក​អ្នកទស្សនា​ការផ្សាយ​បន្តផ្ទាល់

បារាំង ៖ តំបន់ជាយក្រុង ជាតំបន់ក្រីក្រ ស្តារ​មិនរួចឬ ?

ហេតុអ្វី​បាន​ជា​ប្រជាជន​ប៉ាឡេស្ទីន​បារម្ភ​​ខ្លាំង​ពី​ស្ថានភាព​សុខភាព​របស់​លោក​ម៉ាមូដ អាបាស់?

ហេតុអ្វី​បាន​ជា​ប្រទេស​ក្វាតេម៉ាឡា​ផ្ទេរ​ស្ថានទូត​ទៅ​កាន់​ទីក្រុង​ហ៊្សេរុយសាឡិម​ដូច​សហរដ្ឋអាមេរិក?