លោកម៉ាក្រុងបើកវេទិកាG7 ជាមួយនឹងសុទិដ្ឋិនិយម បើទោះបីសំណុំរឿងធំៗពេញដោយភាពតានតឹង
វេទិកាកំពូលក្រុមប្រទេសសេដ្ឋកិច្ចនាំមុខទាំង៧ ហៅកាត់ថា G7 បានបើកទ្វារ កាលពីថ្ងៃសៅរ៍ ទី២៤សីហា នៅឯក្រុងប្យ៉ារីត្ស ភាគនិរតីប្រទេសបារាំង។ ក្នុងនាមជាម្ចាស់ផ្ទះ លោកប្រធានាធិបតីបារាំង អេម៉ានុយអែល ម៉ាក្រុង បានថ្លែងសន្ទរកថាទៅកាន់ប្រជាជនបារាំង ដើម្បីបង្ហាញពីកម្មវត្ថុ ក៏ដូចជាការតាំងចិត្តរបស់លោក ធ្វើឲ្យវេទិកាកំពូលG7លើកនេះ ទទួលបានផលវិជ្ជមាន។
ចុះផ្សាយនៅថ្ងៃ៖ កែប្រែថ្ងៃទី៖
មុនបើកវេទិកាកំពូលនេះ លោកប្រធានាធិបតីបារាំង និងលោកប្រធានាធិបតីអាមេរិក បានពិសារបាយថ្ងៃត្រង់ជាមួយគ្នាតែ២នាក់ ដោយឥតបានព្រៀងទុកមុន ដើម្បីសាកល្បងខិតចូលកៀកគ្នា ខណៈដែលភាពខ្វែងគំនិតគ្នារវាងមេដឹកនាំទាំង២ ត្រូវបានបង្ហាញកាន់តែច្បាស់ ក្នុងរយៈពេលចុងក្រោយនេះ។
មេដឹកនាំទាំងពីរ បានបង្ហាញភាពរាក់ទាក់ល្អូកល្អឺននឹងគ្នា ហើយសុទ្ធតែអះអាងថា មានទំនាក់ទំនងដ៏ល្អវិសេសជាមួយគ្នា។ លោកម៉ាក្រុង បានឆ្លៀតលើកឡើង នៅតុបាយ អំពីផលអាក្រក់នៃការធ្វើសង្រ្គាមពាណិជ្ជកម្មដាក់គ្នា។ រីឯលោកដូណាល់ ត្រាំ វិញ ជាមួយនឹងស្នាមញញឹមបែបប្រឹងៗ បានលើកឡើងថា លោកម៉ាក្រុងគឺជាមិត្តល្អ បើទោះបីមានទើសសម្តីគ្នាខ្លះក៏ដោយ តែមិនថ្វីទេព្រោះជំនួបកំពូលលើកនេះ នឹងមានអ្វីនិយាយគ្នាច្រើន។
គួរបញ្ជាក់ថា វេទិកាកំពូលG7លើកនេះ គឺធ្វើឡើងក្នុងបរិបទ ដ៏សែនតានតឹងជាទីបំផុត ដោយសារតែពិភពលោក ត្រូវប្រឈមនឹងបញ្ហាខ្វែងគំនិតគ្នាជាច្រើន រវាងប្រទេសមហាអំណាច ក្នុងនោះមានសំណុំរឿងអ៊ីរ៉ង់ បញ្ហាសង្រ្គាមពាណិជ្ជកម្ម ព្រមទាំងបញ្ហាបរិស្ថាន-អាកាសធាតុ។
សម្រង់ប្រសាសន៍ សន្ទរកថារបស់លោកម៉ាក្រុង ប្រធានាធិបតីបារាំង
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ