សត្វទន្សោងឈ្មោលមួយក្បាលបានងាប់ក្នុងដែនជម្រកសត្វព្រៃសង្សរុក្ខាវ័ន្ត
ក្រុមអភិរក្សធនធានធម្មជាតិ បានរកឃើញសត្វទន្សោង១ក្បាលដែលជាប្រភេទ សត្វកម្រមានទម្ងន់ប្រមាណ៥០០គីឡូក្រាម បានងាប់ក្នុងដែនជម្រកសត្វព្រៃសង្សរុក្ខាវ័ន្ត នៅខេត្តឧត្តរមានជ័យ នៅថ្ងៃទី១០ ខែសីហា ម្សិលមិញ។ព្រះតេជគុណ ប៊ុត សាលួត ព្រះប្រធានសហគមន៍សង្ឃរុក្ខាវ័ន្ត មានថេរដីកាថា សត្វទន្សោងនេះ ស្លាប់ប្រហែល១ឬ២ថ្ងៃមុន ហើយគេមិនទាន់ដឹងមូលហេតុអ្វីនៅឡើយ។ ប៉ុន្តែ សត្វទន្សោងនេះហាក់ដូចជាមានវ័យចំណាស់និងនៅលើជើងឆ្វេងរបស់វាមានស្នាមធ្លាប់ជាប់អន្ទាក់របស់ព្រានព្រៃកន្លងមក។ព្រះតេជគុណ ប៊ុត សាលួត និងមន្រ្តីបរិស្ថាន បានរៀបចំធ្វើពិធីបុណ្យប័ង្សុកូលតាមប្រពៃណីព្រះពុទ្ធសាសនា ហើយបានសំដែងការសោកស្តាយចំពោះការបាត់បង់ធនធានជីវៈចម្រុះដ៏កម្រនៅលើពិភពលោកនេះ។
ចុះផ្សាយនៅថ្ងៃ៖