ក្រសួងដែនដីទុករយៈពេលដល់អ្នកប៊ូឌីញដែលមិនទាន់រើចេញ ត្រឹម ថ្ងៃទី១៥ ខែកក្កដា!
គិតមកទល់ថ្ងៃទី២២ មិថុនានេះ ពលរដ្ឋរស់នៅអគារប៊ូឌីញ«ស» ចំនួន ជាង៤៣០បន្ទប់ហើយដែលចាកចេញពីលំនៅដ្ឋានចាស់របស់ខ្លួន ព្រមជាមួយនូវសំណងថ្លៃបន្ទប់ក្នុងតម្លៃ ១៤០០ដុល្លារ ក្នុងមួយម៉ែត្រការេ ដើម្បីទៅតំាងទីលំនៅថ្មី។ ចំពោះបន្ទប់ស្នាក់នៅដែលសេសសល់ប្រមាណជា៦០បន្ទប់ទៀតនោះ ត្រូវបានក្រសួងបញ្ជាក់ថា នឹងទុករយៈពេលត្រឹមថ្ងៃទី ១៥ ខែកក្កដា។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៣០
លោក សេង ឡូត អ្នកនាំពាក្យរបស់ក្រសួងដែនដី បានប្រាប់វិទ្យុបារាំងថា ការទុករយៈពេលត្រឹមថ្ងៃទី១៥ ខែកក្កដា នេះក្រសួងបានជូនដំណឹងប្រាប់ដល់ពលរដ្ឋជាមុនរួចរាល់ហើយ។ ដូច្នេះធ្វើយ៉ាងណាបងប្អូនត្រូវរើចេញឱ្យទាន់ពេលវេលា ដើម្បីឱ្យក្រុមហ៊ុនអាចមករៀបចំគម្រោងអភិវឌ្ឍន៍ ទៅតាមពេលវេលាដែលបានកំណត់។ លោក អ្នកនំាពាក្យបញ្ជាក់!
ចំពោះកិច្ចការបន្ទាប់មកទៀត លោក សេង ឡូត បន្តថា ក្រសួងនឹងប្រគល់សិទ្ធិគ្រប់គ្រងទៅឱ្យក្រុមហ៊ុន Arakavaភ្លាម បន្ទាប់ពីពលរដ្ឋបានចាកចេញអស់គ្រប់គ្នា។ ហើយចំពោះការអភិវឌ្ឍវិញ និង ធ្វើជាបន្តបន្ទាប់ដោយមិនទុកពេលយូរនោះទេ!
ជាកត់សម្គាល់ចំពោះការទិញ លក់បន្ទប់ស្នាក់នៅអាគារប៊ូឌីញស ដែលបានចាប់ផ្តើមតំាងតែពី ថ្ងៃទី៣០ ឧសភាមក មានដំណើរការរលូនដោយប្រជាពលរដ្ឋភាគច្រើនបានទទួលយកសំណងដែលក្រុមហ៊ុនបានផ្តល់ជូន។
គួររំលឹកថា ពលរដ្ឋដែលរស់នៅអគារប៊ូឌីញចំនួន ៤៩២បន្ទប់ មានពលរដ្ឋចំនួន៤៦៤ បន្ទប់ ដែលយល់ព្រមទទួលយកសំណងពីក្រុមហ៊ុនជប៉ុន។ ចំណែកពលរដ្ឋ២៧បន្ទប់ទៀត មិនទាន់យល់ព្រមទទួលយកសំណងនេះឡើយ។ តែយ៉ាងណាក្រសួងរៀបចំដែនដី បានប្រកាសថា ពលរដ្ឋដែលយល់ព្រមទទួលសំណងនេះ នឹងត្រូវរើចេញពីអគារប៊ូឌីញ មុនថ្ងៃទី១៥ កក្កដាខាងមុខ។
សូមជម្រាបជូនថា មិនយូរនោះទេអគារប៊ូឌីញ ដែលបន្សល់ពីសម័យសង្គមរាស្រ្តនិយម នឹងត្រូវវាយកម្ទេចក្នុងរូបភាពអភិវឌ្ឍ។ ប៊ូឌីញ”ស” ស្ថិតក្នុងសង្កាត់ទន្លេបាសាក់ ខណ្ឌចំការមន ដែលកំពុងមានសភាពទ្រុឌទ្រោមខ្លាំងនេះ ត្រូវបានក្រសួងរៀបចំដែនដី និងក្រុមហ៊ុនជប៉ុនArakawa គ្រោងអភិវឌ្ឍន៍ថ្មីក្នុងទំហំទឹកប្រាក់ប្រមាណ៨០លានដុល្លារ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ