អ្នកទស្សនាខ្សែភាពយន្ត វិបល្លាស រចនា សរសើរថា រឿងនេះជារបត់ថ្មីនៃភាពយន្តខ្មែរ
ចុះផ្សាយនៅថ្ងៃ៖
ស្តាប់ - ០៩:៣៨
រឿងវិបល្លាស រចនា ដែលជាខ្សែភាពយន្តរសជាតិបែបថ្មី ដែលរៀបរាប់ពីស្នេហារបស់មនុស្សដែលមានបញ្ហាផ្លូវចិត្ត កំពុងតែចាក់បញ្ចាំងនៅតាមរោងកុន នានា នៅទូទាំងប្រទេសកម្ពុជា និងក៏ត្រៀមទម្លាក់ពីរោងកុននៅសប្តាហ៍នេះដែរ ដោយសារតែមិនសូវទទួលបានគាំទ្រ។ យ៉ាងណាក៏ដោយ សម្រាប់អ្នកដែលបានទស្សនាខ្សែភាពយន្តមួយនេះ ដែលភាគច្រើនជាយុវវ័យ បានសរសើរមិនដាច់ពីមាត់ថា រឿងវិបល្លាស បានពាំនាំនូវរសជាតិថ្មី ដែលបង្កប់ដោយខ្លឹមសារអប់រំទាក់ទងនឹងជម្ងឺផ្លូវចិត្ត។ មិនត្រឹមតែប៉ុណ្ណោះ ពួកគេ យល់ស្របគ្នាថា វិបល្លាស រចនា អាចចាត់ទុកជារបត់ថ្មីនៃភាពយន្តខ្មែរ និងដែលគួរទទួលបានការគាំទ្រពីអ្នកទស្សនា។