អ្នកនាំពាក្យក្រសួងវប្បធម៌ អន់ចិត្តតិចតួច ចំពោះបទចម្រៀងបែបសម័យទំនើបៗ ដែលចាកឆ្ងាយពីវប្បធម៌ជាតិ
លោក ថៃ នរៈសត្យា អ្នកនាំពាក្យក្រសួងវប្បធម៌និងវិចិត្រសិល្បៈ បានបង្ហាញការអន់ចិត្តតិចតួច ចំពោះផលិតករ ឬម្ចាស់ផលិតកម្មខ្មែរមួយចំនួន ដែលផលិត ឬនិពន្ធបទចម្រៀង មាននិន្នាការទៅរក បទចម្រៀងបែបសម័យទំនើបៗ ឬគេនិយមហៅថា “បទបែកស្លុយ” ដែលចាកឆ្ងាយពីវប្បធម៌ជាតិ។ តែលោកនៅតែមានសុទិដ្ឋិនិយមដែរ ចំពោះផលិតករ ឬ អ្នកនិពន្ធខ្មែរមួយចំនួន ដែលនៅតែរក្សាបាននូវវប្បធម៌របស់ជាតិ បើទោះបីជាពួកគេបានផលិតបទចម្រៀងបែបទំនើប ឬគេហៅថា បទបែកស្លុយ នោះក្តី។ ទន្ទឹមគ្នានេះ អ្នកនាំពាក្យក្រសួងវប្បធម៌រូបនេះ បានទទួលស្គាល់ថា ក្រសួងមិនអាចចាប់បង្ខំឲ្យពួកគេ ឲ្យមកអនុវត្ត តាមអ្វីដែលក្រសួងចង់បាននោះទេ។ ជាមួយគ្នានេះ លោក ថៃ នរៈសត្យា បានអំពាវនាវឲ្យយុវជនគាំទ្របទចម្រៀងជាវប្បធម៌ខ្មែរ ខណៈដែលប្រមុខរដ្ឋាភិបាលកម្ពុជាលោក ហ៊ុន សែន បានផ្ញើសារនៅឆ្នាំនេះថា លោកនឹងចូលរាំតែបទ “សារ៉ាវ៉ាន់” នៅក្នុងពិធីបុណ្យចូលឆ្នាំថ្មីខាងមុខនេះ។
ចុះផ្សាយនៅថ្ងៃ៖