អតីតអង្គរក្ស លោក សម រង្ស៊ី មិនរំពឹងថា អាជ្ញាធរអាចវែកមុខជនសង្ស័យដែលវាយលោកឲ្យបែកក្បាលឃើញឡើយ
លោក ពូក ចន្ដា ដែលគេស្គាល់ថា ជាអតីតប្រធានក្រុមអង្គរក្សលោក សម រង្ស៊ី ត្រូវបានជន មិនស្គាល់អត្តសញ្ញាណពីរនាក់លួចវាយពីក្រោយ បណ្តាលឲ្យបែកក្បាលហូរឈាម កាលពីព្រឹក ថ្ងៃទី ២២ កញ្ញា ម្សិលមិញនេះ នៅម្តុំសង្កាត់ចាក់អង្រែលើរាជធានីភ្នំពេញ។ ការលួចវាយប្រហារពីក្រោយខ្នងនេះ គឺនៅពេលដែលលោកកំពុងធ្វើដំណើរត្រលប់មកពីផ្សារវិញ នៅក្បែ ទីស្នាក់ការអតីតគណបក្សសង្គ្រោះជាតិ ហើយក៏ត្រូវបានជនដៃដល់ពីរនាក់ ជិះម៉ូតូមកលួចវាយក្បាលលោកពីក្រោយមួយដំបង បណ្តាលឲ្យបែកឈាមហូររហាម។ លោក ពូក ចិន្ដា បានចាត់ទុកករណីនេះថា ជាការប៉ុនប៉ងធ្វើឃាត និងបានដាក់ពាក្យបណ្តឹងទៅកាន់អាជ្ញាធរមូលដ្ឋានរួចហើយ។ ប៉ុន្តែអតីតប្រធានក្រុមអង្គរក្សលោក សម រង្ស៊ី រូបនេះ មិនរំពឹងថា នឹងទទួលបានយុត្តិធម៌នោះទេ។គួរកត់សំគាល់ថា នៅមួយរយៈពេលចុងក្រោយនេះ មានករណីជនមិនស្គាល់មុខបានលួចវាយប្រហារទៅលើសកម្មជនអតីតគណបក្សសង្គ្រោះជាតិនៅរាជធានីភ្នំពេញ ប្រមាណជាង១០ករណីមកហើយ ខណៈពេលដែលសកម្មជនអតីតគណបក្សប្រឆាំងសរុបចំនួន២៧រូបទៀត ត្រូវបានអាជ្ញាធរកម្ពុជាចាប់ឃុំខ្លួនជាបន្តបន្ទាប់៕
ចុះផ្សាយនៅថ្ងៃ៖
សូមស្ដាប់ប្រសាសន៍ លោក ពូក ចិន្តា៖
ជុំវិញព័ត៌មាននេះ លោក ឆាយ គឹមខឿន អគ្គស្នងការរងនិងជាអ្នកនាំពាក្យអគ្គស្នងការដ្ឋាននគរបាលជាតិបានអះអាងយ៉ាងខ្លីថា លោកសុំពេលដើម្បីធ្វើការស៊ើបអង្កេតជាមុនសិន មុននឹងលោកធ្វើអត្ថាធិប្បាយជុំវិញរឿងនេះ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ