លោកនាយករដ្ឋមន្ត្រី ហ៊ុន សែន ប្រកាសលុបចោលការសិក្សាបែងចែកខេត្តថ្មី បន្ទាប់ពីមន្ត្រីជ្រួលជ្រើម
នៅក្នុងពិធីអបអរសាទរទិវាគ្រូបង្រៀន នៅថ្ងៃទី៥ តុលា នេះ នាវិទ្យាស្ថានជាតិអប់រំ លោកនាយករដ្ឋមន្ត្រី ហ៊ុន សែន បានលើកឡើងនូវបញ្ហាជាច្រើន រាប់ចាប់តាំងពីកិច្ចប្រជុំអាស៊ី-អឺរ៉ុប ការជួលយន្តហោះដឹកប្រតិភូកម្ពុជាទៅប្រជុំនៅអស.ស.ប ការអំពាវនាវកុំឲ្យដំឡើងថ្លៃឈ្នួលរថយន្តដឹកអ្នកដំណើរក្នុងពេលបុណ្យភ្ជុំបិណ្ឌ និងគម្រោងបំបែកខេត្តចាស់ទៅបង្កើតខេត្តថ្មី។ ទាក់ទងនឹងកិច្ចប្រជុំអាស៊ី-អឺរ៉ុប នៅប្រទេសប៊ែលហ្សិក ខាងមុខនេះ លោកនាយករដ្ឋមន្រ្តីបានព្រមានទុកជាមុនថា កិច្ចប្រជុំនេះនឹងមិនអាចចេញសេចក្តីថ្លែងការណ៍រួមបានឡើយ បើសិនជាហ៊ាននិយាយពីកម្ពុជា។ រីឯគម្រោងបង្កើតខេត្តថ្មីវិញ លោក ហ៊ុន សែន បានប្រកាសបញ្ចប់ការងារទាំងអស់ ទាក់ទងទៅនឹងការសិក្សា ដើម្បីបំបែកខេត្តថ្មី ចេញពីខេត្តកណ្តាល និងខេត្តមណ្ឌលគីរី ចាប់ពីពេលនេះតទៅ ដោយលោកបង្គាប់ឲ្យទីស្តីការគណៈរដ្ឋមន្ត្រីចេញ ស.ជ.ណ មួយ លុបចោលសេចក្តីសម្រេចកាលពីលើកមុនទាំងអស់។
ចុះផ្សាយនៅថ្ងៃ៖ កែប្រែថ្ងៃទី៖
...មិនទាន់សម្រេចថាបង្កើតឬមិនបង្កើតផង វាចែកគ្នាធ្វើចៅហ្វាយខេត្ត ធ្វើអនុខេត្តទៅហើយ
ប្រសាសន៍របស់លោកនាយករដ្ឋមន្រ្តី ហ៊ុន សែន
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ