សំណុំរឿងលោកកឹម សុខា៖ តើសហគមន៍អន្តរជាតិពិតជាគ្មានឥទ្ធិពលមកលើរដ្ឋាភិបាលកម្ពុជាមែនឫ?
ចុះផ្សាយនៅថ្ងៃ៖
ស្តាប់ - ១០:០៥
លោកកឹម សុខា ប្រធានគណបក្សសង្រ្គោះជាតិត្រូវបានតុលាការឃុំខ្លួនក្នុងពន្ធនាគារក្រោមបទចោទប្រកាន់ឃុបឃិតជាមួយបរទេសក្បត់ជាតិខ្លួនឯង ជាបទចោទដែលសាម៉ីខ្លួន និងមេធាវីមិនអាចទទួលយកបាន។ ចំពោះការចាប់ខ្លួន និងឃុំខ្លួនប្រធានបក្សប្រឆាំងទាំងទាន់ហន់នេះ ប្រតិកម្មពីសហគមន៍អន្តរជាតិបានធ្លាក់មកជាបន្តបន្ទាប់។ ចុងក្រោយនេះ សភាសហភាពអឺរ៉ុបបានទាមទារឲ្យដោះលែងលោកកឹម សុខា ខណៈលោកសម រង្ស៊ី ដែលជាអតីតប្រមុខបក្សប្រឆាំងកម្ពុជា ក៏បានអំពាវនាវឲ្យសហគមន៍អន្តរជាតិដាក់ទណ្ឌកម្មលើរដ្ឋាភិបាលកម្ពុជាទៀត។ ប៉ុន្តែរដ្ឋាភិបាលកម្ពុជា ហាក់មិនអើពើនឹងការទាមទារទាំងនោះឡើយហើយថែមទាំងបានបោះពាក្យសម្តីថា សហគមន៍អន្តរជាតិគ្មានឥទ្ធិពលណាមួយមកលើរដ្ឋាភិបាលកម្ពុជាទេ។ តើសហគមន៍អន្តរជាតិពិតជាគ្មានឥទ្ធិពលណាមួយមកលើរដ្ឋាភិបាលកម្ពុជាមែនឫក្នុងសំណុំរឿងលោកកឹម សុខា?
