លោកវ៉ាត់ ចំរើន៖ NOCC កំពុងរៀបចំផែនការកំណត់ចំនួនមេដាយពេលកម្ពុជាចូលរួមប្រកួតកីឡាស៊ីហ្គេម
ចុះផ្សាយនៅថ្ងៃ៖
ស្តាប់ - ១០:៣២
ភ្ញៀវប្រចាំថ្ងៃរបស់វិទ្យុបារាំង នៅរាត្រីនេះ គឺលោក វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា (NOCC)។ បទសម្ភាសន៍ នៅពេលនេះ គឺនឹងផ្តោតលើកិច្ចប្រជុំសហព័ន្ធជាតិទ្រង់ទ្រាយធំ ដើម្បីត្រៀមក្នុងមហាសន្និបាតរបស់គណៈកម្មាធិការជាតិអូឡាំពិកម្ពុជា បញ្ចប់អាណត្តិរយៈពេល ៤ឆ្នាំម្តង និងទិសដៅសម្រាប់ ៤ឆ្នាំបន្តទៀត។ លោក វ៉ាត់ ចំរើន បានបង្ហើបឲ្យដឹងថា មហាសន្និបាត NOCC នឹងរៀបចំផែនការយុទ្ធសាស្ត្រជាច្រើន ដើម្បីធ្វើយ៉ាងណាឲ្យភាពជាម្ចាស់ផ្ទះរបស់កម្ពុជា មានដំណើរការទៅយ៉ាងរលូន នៅឆ្នាំ ២០២៣ ដោយក្នុងនោះ រួមមានការចាប់ផ្តើមកំណត់ចំនួនមេដាយ ដល់អត្តពលិក ចាប់ពីពេលនេះតទៅ គម្រោងចំណាយថវិកា ដើម្បីធ្វើឲ្យមានភាពប្រសើរចាប់ពីពេលនេះ និងកត្តាផ្សេងទៀត។
