លោក ឌឹម សុវណ្ណារុំ៖ គជប រំពឹងថានឹងមានអ្នកទៅបោះឆ្នោតមិនតិចជាង៦០%
ចុះផ្សាយនៅថ្ងៃ៖
ស្តាប់ - ២០:៣៣
ភ្ញៀវប្រចាំថ្ងៃរបស់វិទ្យុបារាំងអន្ដរជាតិនារាត្រីនេះ គឺលោក ឌឹម សុវណ្ណារុំ អ្នកនាំពាក្យគណៈកម្មាធិការជាតិរៀបចំការបោះឆ្នោត។ មួយថ្ងៃមុនការបោះឆ្នោត លោក ឌឹម សុវណ្ណារុំ បានគូសបញ្ជាក់ថា ការិយាល័យបោះឆ្នោតទាំង ២២, ៩៦៧ ការិយាល័យនៅទូទាំងប្រទេស បានត្រៀមខ្លួនរួចរាល់អស់ហើយ ដើម្បីទទួលអ្នកបោះឆ្នោតទាំងជាង៨លាននាក់នៅថ្ងៃស្អែក។ គជប រំពឹងថា នឹងមានអ្នកទៅបោះឆ្នោតមិនតិចជាង៦០ភាគរយទេនៅថ្ងៃស្អែក។ នៅក្នុងបទសម្ភាសដដែលនេះ លោក ឌឹម សុវណ្ណារុំ ក៏បានឆ្លើយបំភ្លឺផងដែរ អំពីភាពស្របច្បាប់នៃការបោះឆ្នោតនាថ្ងៃស្អែក ខណៈអវត្តមាននៃអ្នកសង្កេតការណ៍ពីប្រទេសប្រជាធិបតេយ្យធំៗ ដូចជាជប៉ុន អាមេរិក និងសភាពអឺរ៉ុប និងខណៈពេលដែលមានការតវ៉ាប្រឆាំងការបោះឆ្នោតនេះនៅឯក្រៅប្រទេស។
