បទយកការណ៍
អ្នកការពារធនធានធម្មជាតិទោះបីប្រឈមមុខជាមួយជនល្មើសនិងសត្វសាហាវ តែមិនរត់ចោលសមរភូមិ
ចុះផ្សាយនៅថ្ងៃ៖
សកម្មជនការពារធនធានធម្មជាតិរាប់រយនាក់មកពីតាមបណ្តាខេត្តតំបន់ដាច់ស្រយាលនានា បានជួបប្រជុំគ្នាកាលពីថ្ងៃទី២៥តុលានៅទីក្រុងភ្នំពេញ ដើម្បីលើកពីបញ្ហាប្រឈម និងស្វែងរកដំណោះស្រាយចំពោះការងារការពារធនធានធម្មជាតិនៅប្រទេសកម្ពុជា។ នៅខាងក្រៅសន្និសីទថ្នាក់ជាតិលើកទី១២ ស្តីពីអភិបាលកិច្ចដីធ្លី និងធនធានធម្មជាតិ ដែលមានការចូលរួមពីតំណាងរដ្ឋាភិបាលនិងភាគីពាក់ព័ន្ធប្រមាណ៥០០នាក់នោះ ក្រុមសកម្មជនការពារធនធានធម្មជាតិ បានអះអាងថា ទោះបីជាប្រឈមមុខទាំងជាមួយជនល្មើសនិងសត្វកាចសាហាវនៅពេលចុះល្បាតព្រៃក៏ដោយ តែពួកគេមិនរត់ចោលសមរភូមិឡើយ។
