សាលាក្ដីខ្មែរក្រហមប្រកាសសាលក្រមសំណុំរឿង០០២/២ នៅថ្ងៃទី១៦វិច្ឆិកា
អង្គជំនុំជម្រះសាលាដំបូងនៃសាលាក្ដីខ្មែរក្រហម បានកំណត់យកថ្ងៃទី១៦វិច្ឆិកាខាងមុខ ដើម្បីប្រកាសសាលក្រមសំណុំរឿង០០២វគ្គ២ ពាក់ព័ន្ធ នឹងជនជាប់ចោទនួន ជា និង ខៀវ សំផន។ នេះបើតាមសេចក្ដីប្រកាសព័ត៌មាន ចុះថ្ងៃពុធ ទី២៦កញ្ញានេះ។
ចុះផ្សាយនៅថ្ងៃ៖
ការប្រកាសសាលក្រមនេះ ធ្វើឡើងនៅក្នុងសាលសវនាការធំនៃសាលាក្ដីខ្មែរក្រហម ចាប់ពីម៉ោង៩និង៣០នាទីព្រឹកតទៅ។
គួររំឭកជូនថា សំណុំរឿង០០២ វគ្គ២ ផ្ដោតសំខាន់លើឧក្រិដ្ឋកម្មប្រឆាំងមនុស្សជាតិ ឧក្រិដ្ឋកម្មសង្គ្រាម និងឧក្រិដ្ឋកម្មប្រល័យពូជសាសន៍ប្រឆាំងនឹងជនជាតិចាមនិងជនជាតិវៀតណាម ពាក់ព័ន្ធនឹងសហករណ៍ មន្ទីរសន្តិសុខ ការរៀបការដោយបង្ខំ ការដ្ឋានការងារ ការបោសសម្អាតផ្ទៃក្នុង និងជម្លោះប្រដាប់អាវុធជាដើម ដោយមាន នួន ជា និង ខៀវ សំផន ជាជនជាប់ចោទ។ សហព្រះរាជអាជ្ញាចង់ឲ្យតុលាការដាក់ពន្ធនាគារជនជាប់ចោទទាំង២អស់មួយជីវិត បើទោះបីជាអ្នកទាំងពីរត្រូវបានផ្ដន្ទាទោសជាប់ពន្ធនាគារអស់មួយជីវិត នៅក្នុងសំណុំរឿង០០២វគ្គ១ហើយក៏ដោយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ