អ្នកនាង សូ ហ្វារីណា៖ ការបណ្តុះនូវភាពស្អប់ខ្ពើម ជាប្រភពអាចនាំទៅរកការកាប់សម្លាប់ ឬ ប្រល័យពូជសាសន៍
ចុះផ្សាយនៅថ្ងៃ៖
ស្តាប់ - ១២:៥៨
សៀវភៅដែលមានចំណងជើងថា «អំពើប្រល័យពូជសាសន៍ និងការសម្លាប់រង្គាល ក្នុងប្រវត្តិសាស្ត្រពិភពលោក» ទើបតែត្រូវបានមជ្ឈមណ្ឌលឯកសារកម្ពុជាសហការជាមួយក្រសួងអប់រំ យុវជននិងកីឡា បោះពុម្ពផ្សាយ ហើយគ្រោងនឹងចែកជូន ទៅដល់សិស្សានុសិស្ស និងលោកគ្រូអ្នកគ្រូ នៅវិទ្យាល័យឥន្ទ្រទេវីនៅថ្ងៃទី ២២ វិច្ឆិកាខាងមុខនេះ។ អ្នកនាង សូ ហ្វារីណា នាយករងមជ្ឈមណ្ឌលឯកសារកម្ពុជា (DC-Cam) ដែលជាភ្ញៀវប្រចាំថ្ងៃរបស់យើងនៅរាត្រីនេះ និងជាអ្នកនិពន្ធម្នាក់នៅក្នុងសៀវភៅមួយក្បាលនេះ បានលើកឡើងថា សៀវភៅដែលមានចំណងជើងថា «អំពើប្រល័យពូជសាសន៍ និងការសម្លាប់រង្គាល ក្នុងប្រវត្តិសាស្ត្រពិភពលោក» នេះ នឹងរួមចំណែកក្នុងការយល់ដឹងបន្ថែមទៀត អំពីរបបប្រល័យពូជសាសន៍ទាំងនៅក្នុងបរិបទពិភពលោកនិងកម្ពុជា។
