លោក អ៊ុក គឹមសេង៖«ករណីដែលបានកើតឡើងទៅលើអ្នកសារព័ត៌មានកន្លងមក មិនជាប់ពាក់ព័ន្ធនឹងការបំពេញការងារតាមវិជ្ជាជីវៈសារព័ត៌មានទេ»
ចុះផ្សាយនៅថ្ងៃ៖
ស្តាប់ - ១១:៤៩
នៅក្នុងឱកាសនៃទិវាអន្តរជាតិប្រយុទ្ធប្រឆាំងនឹងនិទណ្ឌភាពនៃឧក្រិដ្ឋកម្មប្រឆាំងអ្នកកាសែតនៅថ្ងៃទី២វិច្ឆិកានេះ អង្គការសង្គមស៊ីវិល ប្រមាណជាង៤០អង្គការ សហគមន៍ បានចេញសេចក្តីថ្លែងការណ៍រួមមួយ ដោយអំពាវនាវឲ្យអាជ្ញាធរបង្កើនការប្រយុទ្ធប្រឆាំងទៅនឹងនិទណ្ឌភាពនៃឧក្រិដ្ឋកម្មប្រឆាំងអ្នកកាសែត។ ក្រុមអង្គការសង្គមស៊ីវិលទាំងនេះ ក៏បានលើកឡើងពីការសំលាប់អ្នកកាសែតចំនួន១៣នាក់ ចាប់តាំងពីឆ្នាំ១៩៩៤មក ដោយមិនមានអ្នកទទួលខុសត្រូវ។ ក៏ប៉ុន្តែលោក អ៊ុក គឹមសេង អ្នកនាំពាក្យក្រសួងព័ត៌មាន បានហៅការស្លាប់របស់អ្នកកាសែតកន្លងមកថា មិនមែនជាការស្លាប់ដោយការបំពេញការងារតាមវិជ្ជាជីវៈសារព័ត៌មានឡើយ។