រដ្ឋសភាថា ការមិនកោះហៅរដ្ឋមន្រ្តីមកសួរនាំនៅអាណត្តិនេះដោយសារតែរដ្ឋាភិបាលដោះស្រាយបានទាន់ពេល តែអ្នកឃ្លាំមើលយល់ឃើញផ្ទុយពីនេះ
ចុះផ្សាយនៅថ្ងៃ៖
ស្តាប់ - ១០:៤៥
គណៈកម្មាធិការអចិន្ត្រៃយ៍ នៃរដ្ឋសភាកម្ពុជា កាលពីម្សិលមិញ បានប្រជុំបានអនុម័តយល់ព្រមលើរបាយការណ៍ស្តីពី សកម្មភាពរបស់រដ្ឋសភា ចន្លោះសម័យប្រជុំរដ្ឋសភាលើកទី១ និងលើកទី២ នីតិកាលទី៦។ បើតាមអ្នកនាំពាក្យរដ្ឋសភា បើទោះបីជាអាណត្តិនេះ មានតំណាងរាស្ត្រតែមួយគណបក្សនៅក្នុងរដ្ឋសភាក៏ដោយ តែសកម្មភាពរបស់តំណាងរាស្ត្រនៅតែសកម្មដូចអាណត្តិមុនៗអញ្ចឹងដែរ។តែនៅអាណត្តិទី៦ នៅមិនទាន់មានការកោះហៅរដ្ឋមន្រ្តីឬមន្រ្តីរដ្ឋាភិបាលណាម្នាក់មកសួរដេញដូចអាណត្តិមុនៗនៅឡើយ ខណៈអ្នកនាំពាក្យរដ្ឋសភាអះអាងថាមកពីរដ្ឋាភិបាលដោះស្រាយបញ្ហាបានទាន់ពេល។ ក៏ប៉ុន្តែអ្នកឃ្លាំមើលរដ្ឋមកពីអង្គការសង្គមស៊ីវិលមិនយល់ឃើញដូច្នេះទេ។