សង្គមស៊ីវិល៖ ការផ្តល់ប្រឹក្សាច្បាប់ដោយមានតម្លាភាព នឹងផ្តល់ផលប្រយោជន៍ពិតប្រាកដដល់ពលរដ្ឋរងគ្រោះ
ចុះផ្សាយនៅថ្ងៃ៖
ស្តាប់ - ១១:៤៣
គណៈកម្មការធិការសិទ្ធិមនុស្សកម្ពុជា កាលពីថ្ងៃទី០៣ ខែធ្នូ បានដាក់ឱ្យដំណើរការជាផ្លូវការនូវកម្មវិធីប្រឹក្សាច្បាប់ដោយឥតគិតថ្លៃជូនដល់ប្រជាពលរដ្ឋគ្រប់រូប។ កម្មវិធីនេះ ជាយន្តការបន្ថែមរបស់គណៈកម្មការធិការសិទ្ធិមនុស្សកម្ពុជា ដើម្បីបង្ខិតសេវាប្រឹក្សាច្បាប់នេះទៅឱ្យកៀកប្រជាពលរដ្ឋគ្រប់ទីកន្លែងនៅក្នុងប្រទេសកម្ពុជា។ អង្គការការពារសិទ្ធិមនុស្សនៅកម្ពុជាសាទរចំពោះការដាក់ដំណើរការសេវាប្រឹក្សាច្បាប់តាមទូរស័ព្ទនេះ ប៉ុន្តែពួកគេស្នើឱ្យអ្នកដែលផ្តល់ប្រឹក្សាច្បាប់ កុំមានការរើសអើងទៅលើពលរដ្ឋទោះក្នុងករណីណាក៏ដោយ ដើម្បីឱ្យកម្មវិធីថ្មីនេះ ផ្តល់ផលប្រយោជន៍ពិតប្រាកដដល់ប្រជាពលរដ្ឋដែលមានបញ្ហាទាក់ទងនឹងផ្លូវច្បាប់។
