លោក កៅ គឹមហួន៖ ទស្សនកិច្ចរបស់លោកនាយករដ្ឋមន្ត្រី ហ៊ុន សែន ជាជោគជ័យដ៏ត្រចះត្រចង់ទៅលើនយោបាយការទូតជាពហុភាគី
លោកនាយករដ្ឋមន្ត្រី ហ៊ុន សែន និងគណៈប្រតិភូជាន់ខ្ពស់កម្ពុជា បានវិលត្រលប់មកដល់ប្រទេសកម្ពុជាវិញហើយ នៅរសៀលថ្ងៃចន្ទនេះ បន្ទាប់ពីចូលរួមមហាសន្និបាតអង្គការសហប្រជាជាតិលើកទី៧៣ លើទឹកដីអាមេរិកចាប់ពីថ្ងៃទី២៧ ដល់ថ្ងៃទី៣០ខែកញ្ញា កន្លងទៅនេះ។ លោក កៅ គឹមហួន រដ្ឋមន្ត្រីប្រតិភូអមនាយករដ្ឋមន្ត្រី បានថ្លែងប្រាប់អ្នកកាសែត បន្ទាប់ពីគណៈប្រតិភូកម្ពុជាមកដល់ព្រលានយន្តហោះអន្តរជាតិភ្នំពេញថា ទស្សនកិច្ចរបស់លោកនាយករដ្ឋមន្ត្រី ហ៊ុន សែន បានផ្តោតទៅលើការងារចំនួន៣ផ្នែក គឺទី១ ពាក់ព័ន្ធនឹងការងារការទូតពហុភាគី ទី២ គឺជំនួប ទ្វេរភាគី និងទី៣ ការជួបសំណេះសំណាលជាមួយពលរដ្ឋខ្មែរ នៅអាមេរិក និងមកពីកាណាដា។ ក្រៅពីលើកឡើងពីជំនួបជាមួយថ្នាក់ដឹកនាំនៃប្រទេសមួយចំនួន និងក្រុមហ៊ុនអាមេរិក លោក កៅ គឹមហ៊ួន បានលម្អិតពីជំនួបរវាងលោក ហ៊ុន សែន និងអគ្គលេខាធិការអង្គការសហប្រជាជាតិ António Guterres លើកិច្ចព្រមព្រៀងបន្តមជ្ឈមណ្ឌលសិទ្ធិមនុស្សអង្គការសហប្រជាជាតិ រយៈពេល២ឆ្នាំទៀត។ ទី២ ភាគីទាំងពីរបានជជែកគ្នារឿងសាលាក្តីខ្មែរក្រហម និងទី៣ ជុំវិញការចូលរួមរបស់កងកម្លាំងកម្ពុជា នៅក្នុងបេសកកម្មថែរក្សាសន្តិភាពអង្គការសហប្រជាតិ។ សូមអញ្ជើញស្តាប់ប្រសាសន៍ លោក កៅ គឹមហួន៖
ចុះផ្សាយនៅថ្ងៃ៖
ស្តាប់ - ០២:៤៣