ការព្យាបាលនិងថែទាំសុខភាពអ្នកផ្ទុកមេរោគអេដស៍នៅឃុំរកាត្រូវធ្វើឡើងដូចភ្លៀងរលឹម
ចុះផ្សាយនៅថ្ងៃ៖
ស្តាប់ - ១០:១៩
ការចម្លងជំងឺអេដស៍ដ៏រាលដាលនៅឃុំរកាកាលពីចុងឆ្នាំមុនបណ្តាលមកពីសេវាព្យាបាលឯកជនដែលមិនមានជំនាញច្បាស់លាស់ ត្រូវបានបង្ហើបឡើងវិញដោយលោកនាយករដ្ឋមន្ត្រីហ៊ុន សែន កាលថ្ងៃទី១០មីនា ឆ្នាំ២០១៥កន្លងទៅនេះ នៅក្នុងឱកាសនៃពិធីបិទសន្និបាតសុខាភិបាលឆ្នាំ២០១៤និងលើកទិសដៅឆ្នាំ២០១៥។ ជុំវិញការលើកឡើងរបស់លោកនាយករដ្ឋមន្ត្រីដែលទទូចឲ្យមានការថែទាំ ព្យាបាល អ្នករងគ្រោះដោយហ្មត់ចត់ដូច្នេះ អ្នកជំនាញផ្នែកវេជ្ជសាស្ត្រ និងការថែទាំសុខភាពបានផ្តល់ជាយោបល់សំខាន់ៗមួយចំនួន ស្របទៅនឹងស្ថានភាពជាក់ស្តែងរបស់ប្រជាជនដែលផ្ទុកមេរោគអេដស៍នៅភូមិរកាផងដែរ។