បញ្ហាកម្ពុជា ត្រូវបានលើកឡើងនៅអង្គការសហប្រជាជាតិ តែមន្រ្តីរដ្ឋាភិបាលថា ឥតប្រយោជន៍
ចុះផ្សាយនៅថ្ងៃ៖
ស្តាប់ - ១១:៣៥
តំណាងស្ថានបេសកម្មអចិន្រ្តៃយ៍សហរដ្ឋអាមេរិក និងសហភាពអឺរ៉ុបប្រចាំនៅអង្គការសហប្រជាជាតិ បានលើកយកបញ្ហារបស់កម្ពុជាមកពិភាក្សា កាលពីយប់មិញនេះ ម៉ោងនៅក្នុងប្រទេសកម្ពុជា ដោយមានការចូលរួមពីកញ្ញា កឹម មនោវិទ្យា កូនស្រីបង្កើតរបស់លោក កឹម សុខា និងលោក ប៉ាង ងួនទៀង នាយកប្រតិបត្តិមជ្ឈមណ្ឌលកម្ពុជាដើម្បីប្រព័ន្ធផ្សព្វផ្សាយឯករាជ្យ។ នេះគឺជាកិច្ចខិតខំប្រឹងប្រែងថ្មីមួយទៀត របស់មន្រ្តីជាន់ខ្ពស់នៃអតីតគណបក្សសង្រ្គោះជាតិ និងសង្គមស៊ីវិលដើម្បីស្តារស្ថានការណ៍នយោបាយនៅកម្ពុជាឡើងវិញ។ ក៏ប៉ុន្តែមន្រ្តីរដ្ឋាភិបាលកម្ពុជា បានចាត់ទុកថា យន្តការនេះ មិនមានឥទ្ធិពលអ្វីមកលើរដ្ឋាភិបាលកម្ពុជានោះទេ។