លោក នេត្រ ភត្ត្រា៖«ពាក្យថាការខ្វះខាតថវិកាធ្ងន់ធ្ងរនៅសាលាក្តីខ្មែរក្រហម នៅពេលនេះលែងឮទៀតហើយ»
ចុះផ្សាយនៅថ្ងៃ៖
ស្តាប់ - ១២:០៦
នៅថ្ងៃទី៣ខែសីហានេះ ប្រទេសជប៉ុនបានផ្តល់ថវិកាវិភាគទានដល់ភាគីអន្តរជាតិនៃសាលាក្តីខ្មែរក្រហមចំនួនជាង១,២លានដុល្លារ សម្រាប់ទ្រទ្រង់ដល់ដំណើរការសាលាក្តីនៅឆ្នាំ២០១៧នេះ។ លោក នេត្រ ភត្ត្រា អ្នកនាំពាក្យសាលាក្តីខ្មែរក្រហម ឲ្យដឹងថាតាមរយៈថវិកានេះ ធ្វើឲ្យការចំណាយថវិការបស់សាលាក្តីឆ្នាំនេះ ស្ទើរតែគ្រប់គ្រាន់ នៅខ្វះខាតបន្តិចបន្តួចប៉ុណ្ណោះ។ តាមអ្នកនាំពាក្យរូបនេះ សាលាក្តីខ្មែរក្រហមលែងមានបញ្ហាកង្វល់រឿងកង្វះខាតថវិកាដូច ដែលធ្លាប់ជួបពីអតីតកាលទៀតហើយសម្រាប់ឆ្នាំនេះ និងឆ្នាំបន្ត ដោយសារភាគីរដ្ឋាភិបាលនិងភាគីអង្គការសហប្រជាជាតិមានយន្តការច្បាស់លាស់ក្នុងការឧបត្ថម្ភធន។