អាហារបំប៉នកូនក្មេង «PC Organic Brand» ត្រូវបានហាមឃាត់មិនឱ្យនាំចូលមកកម្ពុជា!
អាហារបំប៉នកូនក្មេង «PC Organic Brand» ត្រូវបានហាមឃាត់មិនឱ្យនាំចូលមកកម្ពុជានោះទេ។ នេះបើយោងតាមសេចក្តីជូនដំណឹងរបស់អគ្គនាយកដា្ននកម្មកុងត្រូលនៃក្រសួងពាណិជ្ជកម្ម។ ការបិទមិនឱ្យមានការនាំចូលនេះ ព្រោះតែ មន្ត្រីឱសថ និងម្ហូបអាហារនៅសហរដ្ឋអាមេរិក បានរកឃើញថាផលិតផលនេះមានផ្ទុកបាក់តេរីកំពុងលូតលាស់ ធ្វើឱ្យប៉ះពាល់ដល់សុខភាពធ្ងន់ធ្ងរ ដែលអាចបណ្តាលឱ្យទារក ឬ កុមារតូច ស្លាប់បាត់បង់ជីវិត។
ចុះផ្សាយនៅថ្ងៃ៖
ស្តាប់ - ០១:៤៥
«PC Organic Brand» ជាផលិតផលរបស់ក្រុមហ៊ុន Loblaw Company Limited ដែលមានមូលដ្ឋាននៅប្រទេសកាណាដា ។ «PC Organic Brand» គឺផ្តោតសំខាន់ទៅលើអាហារបំប៉នសេរីរាង្គ ទារក ឬកុមារតូច។ ចំពោះផលិតខាងលើនេះ ត្រូវបានក្រុមហ៊ុន Loblaw Company Limited ប្រកាសទទួលស្គាល់ថាជាកំហុសឆ្គងនៃសង្វាក់ផលិតកម្ម។ ដូច្នេះធ្វើឱ្យស្ព័ររបស់បាក់តេរីមានក្នុងលក្ខខណ្ឌសមប្រកប (មានខ្យល់ និង ភាពសើម) អាចលូតលាស់ដុះដាលទៅជាសារធាតុពុលខ្លាំង ចំពោះកោសិកាសសៃប្រសាទ និង សុខភាពមនុស្ស ដែលបើករណីធ្ងន់ធ្ងរអាចឈានដល់ការបាត់បង់ជីវិត។
ទន្ទឹមនឹងនេះ អគ្គនាយកដ្ឋានកាំកុងត្រូលកម្ពុជា បានឱ្យដឹងថា ក្រុមការងាររបស់ខ្លួនបាននឹងកំពុងចាត់វិធានការរាំងខ្ទប់មិនឲ្យមានការនាំចូលផលិតផលនេះនោះទេ! ដោយបានផ្តល់ព័ត៌មានទៅដល់ក្រុមហ៊ុននាំចូល និងអាជីវករលក់ដុំនិងរាយទាំងអស់ ប្រសិនបើមានការនាំចូល និងចរាចរផលិតផលប្រភេទនេះលើទីផ្សារកម្ពុជា។ អគ្គនាយកដ្ឋានកាំកុងត្រូល និងចុះត្រួតពិនិត្យនៅតាមទីផ្សារ និងផ្សារទំនើបនានា ដើម្បីសម្របសម្រួល និងមានវិធានការតាមនីតិវិធី ប្រសិនបើមានការដាក់តាំងលក់ផលិតផលប្រភេទនេះ។
អគ្គនាយកដ្ឋាននេះ បានបញ្ជាក់ថា៖ «ដើម្បីទប់ស្កាត់គ្រោះថ្នាក់ដែលអាចប៉ះពាល់ដល់សុខភាពជាយថាហេតុ អគ្គនាយកដ្ឋានកាំកុងត្រូលសូមអំពាវនាវដល់សាធារណជនសូមកុំទិញផលិតផលដែលមានអត្តសញ្ញាណដូចបានជម្រាបជូននេះ និងជួយសហការផ្តល់ព័ត៌មានដល់មន្ត្រីមានសមត្ថកិច្ច ក្នុងករណីបងប្អូនប្រជាពលរដ្ឋបានជួបប្រទះ»។
គម្រាបជូនថា កាលពីថ្ងៃទី ៨ កុម្ភៈ ឆ្នាំ២០១៧ ក្រុមហ៊ុន Loblaw Company Limited បានចេញសេចក្តីប្រកាសនៅគេហទំព័ររបស់ខ្លួន ជុំវិញការប្រមូលយកមកវិញរាល់អាហារបំប៉នសម្រាប់ទារក« PC Organic »ដែលមានដាក់លក់នៅលើទីផ្សារ នៃប្រទេសកាណាដា។ ដោយក្រុមហ៊ុនធានាសងប្រាក់គ្រប់ចំនួនវិញទៅដល់អតិថិជន ដែលបានទិញផលិតផលនេះ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ