ករណីទេសចរណ៍រាំអាសនៅខេត្តសៀមរាប៖ តើកម្ពុជាកង្វះខាតការផ្សព្វផ្សាយ ឬដោយការធ្វេសប្រហែស?
ចុះផ្សាយនៅថ្ងៃ៖
ស្តាប់ - ១០:៤៤
អាជ្ញាធរកម្ពុជា កាលពីថ្ងៃទី ២៥ មករា បានចុះបង្ក្រាបករណីរូបភាព និងសម្ភារៈអាសអាភាសមួយកន្លែង មានទីតាំងស្ថិតនៅភូមិគ្រួស សង្កាត់ស្វាយដង្គំ ក្រុងសៀមរាប ដោយបានឃាត់ខ្លួនភ្ញៀវទេសចរបរទេសចំនួន៧៧នាក់ ស្រី៣៦នាក់ និងក្រុមអ្នករៀបចំជាជនសង្ស័យចំនួន១០នាក់ បញ្ជូនទៅកាន់តុលាការ។ ពួកគេត្រូវបានឃាត់ខ្លួនដោយសារតែបានច្រៀងរាំតាមរបៀបអាសអាភាស នៅក្នុងខេត្តសៀមរាប ដែលធ្វើឲ្យប៉ះពាល់ដល់តំបន់ទេសចរណ៍ប្រវត្តិសាស្រ្តកម្ពុជា។ តាមរយៈករណីនេះ អ្នកឃ្លាំមើលសង្គមបានលើកឡើងថា អាចមកពីភ្ញៀវទេសចរទាំងនោះ មិនបានដឹងពីវប្បធម៌របស់ខ្មែរ ទើបបង្កឲ្យមានបញ្ហានេះជាថ្មីម្តងទៀត។