សមត្ថកិច្ចកំពុងធ្វើកោសល្យវិច្ច័យលើសាកសព ស្ត្រីជនជាតិអង់គ្លេស ដើម្បីរកមូលហេតុពិតប្រាកដ
លោកឧត្តមសេនីយទោ ជួន ណារិន ស្នងការប៉ូលីសខេត្តព្រះសីហនុ បានប្រាប់វិទ្យុបារាំងអន្តរជាតិ RFI នៅថ្ងៃសុក្រនេះថា សមត្ថកិច្ចនៅមិនទាន់កំណត់ពីមូលហេតុច្បាស់លាស់យ៉ាងណានៅឡើយទេជុំវិញកាស្លាប់របស់ស្ត្រីវ័យក្មេងជនជាតិអង់គ្លេស ឈ្មោះ Amelia Bambridge ខណៈពេលនេះ ភាគីពាក់ព័ន្ធ កំពង់ធ្វើកោសល្យវិច្ច័យ ដោយមានការចូលរួមពីក្រុមគ្រួសារឬស្ថានទូតអង់គ្លេសប្រចាំកម្ពុជា។ តាមលោក ជួន ណារិន សមត្ថកិច្ចរបស់លោក បានធ្វើការពង្រាយកម្លាំងសន្តិសុខជាយូរមកហើយ ដល់កន្លែងដែលមានប្រជាពលរដ្ឋនិងភ្ញៀវទេសចរ ទៅដល់ ដោយមានការផ្សព្វផ្សាយ ខិតប័ណ្ឌចល័ត នៅតាមតំបន់សប្បាយភាពនានា។
ចុះផ្សាយនៅថ្ងៃ៖
សូមស្តាប់ ប្រសាសន៍ លោកឧត្តមសេនីយ៍ ជួន ណារិន៖
សូមបញ្ជាក់ថា នារីវ័យក្មេងជនជាតិអង់គ្លេសឈ្មោះ Amelia Bambridge អាយុ២២ឆ្នាំ ដែលបាត់ខ្លួននៅកោះរ៉ុង ខេត្តព្រះសីហនុ ជាងមួយសប្តាហ៍កន្លងទៅ ត្រូវបានរកឃើញថាបានស្លាប់ ដោយ សាកសពស្ត្រីរងគ្រោះ បានអណ្តែត នៅលើលម្ហសមុទ្រក្នុងភូមិសាស្ត្រស្រុកកោះស្តេចខេត្តកោះកុង ចម្ងាយពីកោះរ៉ុងប្រមាណជាង៦០គីឡូម៉ែត្រ។ កងទព័ជើងទឹកកម្ពុជា បានឲ្យដឹងថា សាកសពស្ត្រី រងគ្រោះ ត្រូវបានកម្លាំងទីបញ្ជាការជួរមុខអគ្គលេខាធិការដ្ឋាននៃគណៈកម្មាធិការជាតិសន្តិសុខលម្ហសមុទ្រ ក្រោមកិច្ចសហការជាមួយ ក្រុមហ៊ុន ជី ធីវីស៊ីស្ពីតប៊ូតកម្ពុជារបស់លោកឧកញ៉ាទៀ វិចិត្រ បានប្រទះឃើញសាកសពស្ដ្រីជនជាតិអង់គ្លេសឈ្មោះ Amelia Bambridge រូបនេះ អណ្ដែតនៅលើផ្ទៃសមុទ្រនៅចំណុច( ខន ដរ ) ក្បែរព្រំដែនសមុទ្រកម្ពុជា ថៃ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ