ខៀវ សំផនថា ការដាក់ទោសរូបលោក ប្រៀបដូចផ្ដល់អំណោយដល់វៀតណាម
ជនជាប់ចោទ ខៀវ សំផន បានបញ្ជាក់ថា ថ្នាក់ដឹកនាំខ្មែរក្រហម មិនបានសម្លាប់ប្រជាជនឯងនោះទេ។ ការបញ្ជាក់ដូច្នេះត្រូវបានលោក ខៀវ សំផន ធ្វើឡើងនៅក្នុងសវនាការធ្វើសេចក្ដីសន្និដ្ឋានផ្ទាល់មាត់បិទបញ្ចប់កិច្ចពិភាក្សាដេញដោលលើសំណុំរឿង០០២ វគ្គ២ ថ្ងៃនេះ។ លោក បានចោទសួរថា តើការសម្លាប់ប្រជាជនខ្លួនឯងបានផលប្រយោជន៍អ្វី? ហើយថា នេះជាការចោទប្រកាន់មួលបង្កាច់របស់វៀតណាម ថាជាអំពើប្រល័យពូជសាសន៍ឯង! អតីតប្រមុខរដ្ឋរបបកម្ពុជាប្រជាធិបតេយ្យរូបនេះបានបន្តថា វៀតណាមនឹងទទួលបានអំណោយមួយ ដែលពួកគេមិនបានរំពឹងទុកជាមុន គឺការដាក់ទោសរូបលោកពីឧក្រិដ្ឋកម្មប្រល័យពូជសាសន៍ជនជាតិវៀតណាម ក្នុងរបបខ្មែរក្រហមថែមទៀត។ សូមស្ដាប់សំឡេងលោក ខៀវ សំផន៖
ចុះផ្សាយនៅថ្ងៃ៖
ស្តាប់ - ០១:៥៥