កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំនៃវេទិកាសភាអាស៊ីប៉ាស៊ីហ្វិក នៅពាក់កណ្ដាលខែមករា
កម្ពុជានឹងធ្វើជាម្ចាស់ផ្ទះរៀបចំកិច្ចប្រជុំនៃវេទិកាសភាតំបន់អាស៊ី ប៉ាស៊ីហ្វិក នៅខេត្តសៀមរាប ចាប់ពីថ្ងៃទី១៤ ដល់ថ្ងៃទី១៧ មករា ខាងមុខ។ កិច្ចប្រជុំលើកទី២៧ ដែលកម្ពុជាធ្វើជាម្ចាស់ផ្ទះនេះ ប្រព្រឹត្តទៅក្រោមប្រធានបទ «ការពង្រឹងភាពជាដៃគូ ដើម្បីសន្តិភាព សន្តិសុខ និងការអភិវឌ្ឍប្រកបដោយចិរភាព»។
ចុះផ្សាយនៅថ្ងៃ៖
ស្តាប់ - ០១:៥១
នៅមិនដល់១០ថ្ងៃទៀតទេ គណៈប្រតិភូជាង២០០នាក់ មកពី២១ប្រទេស នឹងមានវត្តមានលើទឹកដីអង្គរ ក្នុងខេត្តសៀមរាប ដើម្បីចូលរួមកិច្ចប្រជុំលើកទី២៧ នៃវេទិកាសភាតំបន់ អាស៊ីប៉ាស៊ីហ្វិក។ វេទិកាសភា អាស៊ី ប៉ាស៊ីហ្វិក ឬ Asia Pacific Parliamentary Forum ហៅកាត់ថា APPF បានបង្កើតឡើងនៅទីក្រុងតូក្យូ ក្នុងឆ្នាំ១៩៩៣។ APPF មានសមាជិកពេញសិទ្ធិចំនួន២៧ប្រទេស។ សម្រាប់កម្ពុជា ការទទួលធ្វើជាម្ចាស់ផ្ទះកិច្ចប្រជុំ APPF នាពេលនេះ គឺជាជោគជ័យលើវិស័យការទូតសភាកម្ពុជា។
នៅក្នុងខេត្តសៀមរាប គណៈប្រតិភូដែលចូលរួមនៅក្នុងកិច្ចប្រជុំ APPF នឹងពិភាក្សាលើរបៀបវារៈក្នុងវិស័យចំនួន៥សំខាន់ដូចជា វិស័យសមាជិកសភាស្ដ្រី វិស័យនយោបាយនិងសន្តិសុខ វិស័យសេដ្ឋកិច្ចនិងពាណិជ្ជកម្ម វិស័យកិច្ចសហប្រតិបត្តិការនៅក្នុងតំបន់ និងអនាគតនៃ APPF។
គិតត្រឹមពេលនេះ លោក ឡេង ប៉េងឡុង អគ្គលេខាធិការរដ្ឋសភា និងជាប្រធានលេខាធិការដ្ឋានជាតិ បានលើកឡើងនៅក្នុងកិច្ចប្រជុំត្រួតពិនិត្យលទ្ធផលការងាររៀបចំ APPF កាលពីថ្ងៃសុក្រ ទី០៣មករា ថា កម្ពុជាបានត្រៀមខ្លួនរួចរាល់អស់ហើយ ដើម្បីដំណើរការកិច្ចប្រជុំនៃវេទិកាសភាតំបន់អាស៊ីប៉ាស៊ីហ្វិក APPF ដោយរង់ចាំតែថ្ងៃអនុវត្តមកដល់តែប៉ុណ្ណោះ។
សូមជម្រាបជូនថា ក្រៅពីជាសមាជិកវេទិកាសភាតំបន់អាស៊ីប៉ាស៊ីហ្វិក APPF, សភាកម្ពុជាក៏ជាសមាជិកនៃវេទិកាអន្ដរសភាដទៃទៀតផងដែរ មានជាអាថិ៍៖ សហភាពអន្ដរសភា IPU, អន្ដរសភាអាស៊ាន AIPA, សភាតំបន់អាស៊ី APA, កិច្ចប្រជុំភាពជាដៃគូសភាអាស៊ីអឺរ៉ុប ASEP, និងវេទិកាសភានិយាយភាសាបារាំង APF ជាដើម៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ